للبحث في شبكة لكِ النسائية:
|
السلام عليكم
شني اخباركم والله الواحد يتحشم ينزل صفرته من الحاجات الحلوه اللي يشوفها لكن قلت علي الاقل نشارككم اللمه الحلوه ولو بالصفيره المتواضعه هده
معليش خلي نقوللكم علي فطوري اللي في الصوره شني هو علي اساس مش واضح هاهاها
فطوري كان الشربه و البوريك من غير مانتكلم كل يوم موجودين و اليوم معاهم البيتسا ورز بلاو ودجاج طايب في الحليب
السلام عليكم و رحمة الله و بركاته
كيف حالكم يا بنات ... و مبروك علينا الجزء الثالث و ربنا يوفقنا فيه
راح ابدأ ارد على البنات من الجزء الثاني
العجولة ... بارك الله فيك على طريقة المبطن الروعة
حنونة ... بارك الله فيك على الكلام الرائع ... بالنسبة للجوزة كيف ما قلتلك حتى تنية وحدة سادة و يا عييييييييييييني على الطعم .. اما بلح الشام لو تعرفي اني درته جري في جري يعني يومها المطبخ معبي قنابل و صواريخ
لكن قوليلي على المحاشي ... النار نخليها ديما من تحت .. حتى بعد ما نرفع السيلفر
أما الفطور يا عطيك الصحة على كل شيء ... كل صورة ترعش اكثر من الثانية ... يا حليلي على بلح الشام و الكلير و كفتة حسن باشا و شنو بنسمي لنسمي
يعطيك الصحة و الهنا ... بنقل منك حاجة و هي تشكيلة السلطة المشوية في الصوينيات الصغيرات ... اني عندي الصوينيات هادم و نحب نحط فيهم
لكن قوليلي على عجينة التورتيليني كيف اديري فيها في الحوش
ربنا يرزقك يا غالية و يرزقنا الذرية الصالحة عن قريب
أريناس ... ما شاء الله على المهلبية طالعة تهبل من تحت ايديك
التائبة لله ... بارك اللع فيك على السؤال... أول ما نكمل ردود ان شاء الله راح انزل صفري
ام ساره ... ما شاء الله على الفطور السمح ... و الكروسانات طالعات يهبلو ما شاء الله ... و بوريك الدحي معليشي بناخدهم الزوز ... راهووووووووووو عقليييييييييييي
يسلم ايدياتك و يبارك فيك
ام السنفور ... يا عطيك الصحة .. صار فطرتي بروحك من غير الشنبير ... ربنا يجعلها صفرة عامرة .. القزلامة على قولتك اعتمتدها رسمي في الحوش
حبيبة زوجها ... يا عطيك الهنا و السلامة ... هذا كله فطور بسيط .... اني نشوف فيه ملوووكي ما شاء الله و يعطيك الصحة على طريقة الكبسة
و حتى اني انضم صوتي نبي طريقة الحلو يا حلو
ربنا يعطيك الصحة و يبارك فيك و يرزقك الله و يرزقنا الذرية الصالحة عن قريب
ابريكه ... ما شاء الله عليك يا غالية ... ربنا يبارك في هالإيدين و يجعلها صفرة عامرة يا رب و يرزقك الله و يرزقنا الذرية الصالحة عن قريب
ملكة بنقابي ... مرحبتين بيك يا غزالة ... و البرياني طالع يجنن حتى بصورة اللاب توب
ميرميد .... ربنا يعطيك الصحة على الفطور و يسلم ايدياتك و علاش تتحشمي راهو كلنا نتعلمو
اليوم الرابع عشر من شهر رمضان المبارك
كان فطوري كالتالي :
شوربة خضار + باقي لدي من عجينة الكروسان للحبيبة حبيبة زوجها .. اسنخدمتها بنفس الحشو ( مفروم ) ّ+ بوريك ملصوقة + بوريك دحي
و الحلو كان فاضل من بلح الشام يمي يمي يمي
و هذه الصور
سلام عليكم يا احلى جماعة في المنتدى
انا طبعا متابعة من زمان اكلاتكم وسفراتكم وحلوياتكم ومش بخبي عليكم استفيدت كتير منكم في كل حاجة وعملت وجربت كتير
كنت عاوزة منكم طريقة بوريك دحي لاني شفت الطريقة في ملف الجزء الاول بس مسجلتهاش ونفسي اجربها النهاردة وعاوزة اعرف الطريقة لو سمحتم
اليوم الخامس عشر من شهر رمضان المبارك
كان فطوري ... للة الصفرة الشوربة + خبزة خضرة + فركسيه على طريقة ام السنفور اللي بعجينة البصل .. يعطيك الصحة عليه يهبل يهبل يهبل ما شاء الله .. اما الطعم ما نحكيش عليه و الخفة ما شاء الله ربنا يبارك فيك يا حبوبة على الطريقة الحلوة ما شاء الله
و هذه الصور
و درت حاجة ثانية رفعتها معاي لحماتي لأنها ولدت على خير بنوتة حلوة ... درت حاجة حارة ... و هي سويسرول الكلوني محشي دجاج و سلك و جبنة و طلع يهبل
و الفكرة هذه خديتها من حبيبة زوجها الله يبارك فيها و يعطيها ما تتمنى
لكن نسيت التصوير ... لأني قصيته بعد التراويح و يا دوبك لبست و مشينا
الفركسيه حشيته جبنه بس ... اما لو حشيته بالحشوة اللي ببالي كيف يطلع بنته يا سنفورة
شانيا ... اهلا و سهلا بيك في موضوعنا
بالنسبة لبوريك الدحي تلقيه في ملف حنان
لكن نقولك على السريع
تاخدي بوريك الملصوقة اللي يبيعو فيه في المحلات ..ز و الا اديريه في الحوش
و حنان ما شاء الله ما قصرتش في طريقته
تاخدي ورقة منه ... و تحطيها في صونية غارقة شوية و تكوني موتية البيضة و حاطة عليها اي حاجة خاطرك اضيفيها و صبيها في نص الورقة اللي جاية في قعر الصونية
و خودي اي طرق من الورقة و حطيه بالشوية على الطرف الآخر من الورقة و لصقيه بالشوية بالشوية لين تسكري البوريكة كلها
و تكوني موتية الزيت و قيمي البوريكة بالشوية و حطيها في الزيت
ان شاء الله تكون مفهومة
متشكرة جدا على الطريقة وتعبتك معاية
وان شاء الله يشفى والدك عن قريب العاجل يارب
السلام عليكم ورحمة الله
انا جديدة هني في المنتدى لاكن كنت متابعة ليكم والحق استفدت منكم هلبه
هلبه والموضوع هدا امتع السفرة الصراحة هو اللي خلاني نسجل معكم اهني
وبارك الله فيكم علي الجهد اللي تبدلو فيه
وان شاء الله نستفيدو من بعض ويارب تتقبلوني بيناتكم
الروابط المفضلة