![تعقيب](images/misc/quote_icon.png)
كتبت بواسطة
الزهراء المشرقة
يا جماعة أنا بجد مش عارفة أعمل ايه زهقت وعايزة أولد
أنا عارفة ومؤمنة إن كل حاجة بميعاد مكتوب ..... يارب هون
أنا جربت كل حاجة
امبارح نزلت مشيت 6كيلو مشية عسكرية زي ما الدكتور قال
بس ماما لما شافتني وأنا ماشية قالت لي ده انتي قدامك شهر تاني دي مشيتك مش مشية واحدة حامل ((علشان كنت بأمشي بسرعة وهي مش قادرة تلحقني)) وكمان واحنا بنتمشى شفنا كذا واحدة حوامل بيتمشوا بس صعبوا عليا خالص واحدة ماشية ياعيني رجل يمين ورجل شمال كأن البيبي هايقع منها والتانية ماسكة في جوزها انكاجيه ومتكية عليه خالص وتاتا تاتا وعمالة تنهج ومش عارفة تاخد نفسها....
وأختي تبصلي وتقوللي انتي ليه مش عاملة زيهم وقعدنا نضحك ههههههههه
قبل ما أنزل بقى كنت شاربة كباية كاموميل مركزة وأكلت زعتر بزيت الزيتون كتيييير وكمان تمر
وبعد ما رجعت شربت قرفة باللبن والعسل
وبقالي تلات أيام بأشرب قرفة وزعتر والتمر من مدة
لكن لا جديد
ولا تغيير
أنا الدكتور كان متوقعلي ولادة مبكرة من التامن وكان اداني حقن اللي بتتاخد علشان رئة البيبي وقاللي احنا عايزين بس حتى ندخل يوم في التاسع
بس شكلي كدة هاخد التاسع كله
البيبي عاجبه الجو جوا
حد يقوله إن الجو بره حلو واني هأهتم بيه وإنه وحشني وعايزة أشوفه
الروابط المفضلة