الســـلآم عليكم و رحمــة الله و بركاته
كيفكم يا سكرااات ؟!!
تعرفوا دحين ما شاء الله علي فاضية و صايرة ست بيت هع هع
و اخيرا الواحد صار يقدر يتفنن في الاكل و يطبخ على رواااقة
بعد زحمـــة الجامعة و الاختبارات
الموهـــيم
امس عملت على العشاء شاورما و ربي طلع توووحفة
و دحين نجي على الطريقة
:
المقادير
صدور دجاج على حسب عدد الافراد
بهارات مشكلة ( على حسب ما تبغي ) يعني ممكن تحطي من كل البهارات اللي عندك
ليمون أو خل ... و أنا حطيت خل
زيت زيتـــون
لبن زبــادي
بقدونـــس
ثوم مفرووووم
:
الطريقة
تاخذي صدور الدجاج و تحطي عليها البهارات
و بعدين في زبدية تحطي اللبن و زيت الزيتون و الليمون او الخــل و الثوم
و تصبيها على الدجاج و تقلبيه
و تغطيها كويس و تحطيها في الثلاجة و الافضل يكون ليوم كامل ... اما حطيته 6 ساعات تقريبا
و بعدين تجيبي الطاوة و من غير زيت تحطي صدور الدجاج مثل ما هي من دون تقطيع
و تخليها شوية مع تقلبيها يعني مو يستوي
بعدين تاخذيه برااا و تقطعيها شرائح و راح تلاحظي ان في الداخل لسه ما نضج
بعد ما تخلصي تقطيع ترجعـــيه تاني على الطاوة برضه من دون زيت و تبدأي تقلبيه
إلى ما ينضج كلــــه ... و قبل لا تطفي النار حطي البقدونس و قلبيه
و بس يا حلواااات
:
و هذي الصورة النهائية
و بالهنـــاء و الشفــــاء
الروابط المفضلة