ايه الأخبار انهاردة انا هقولكم المنيو بتاعتى اللى لسة هعملها لانى مش ضامنة انى اكون قادرة بالليل اكتب الوصفات
انهاردة هعمل كبدة وارز أبيض وسلطة فتوش على طريقتى
طريقتى فى الكبدة بحاول على أد ما أقدر مش اعمل الأكل مسبك وكما بطبخ بزيت عباد علشان جوزى باة والكوليسترول مع انه صغنن بس انا خليت الكوليسترول عنده ضرب وعدى النورمال بكتييييييييييييير
انا بقطعها شرايح واقطع معاها بصر جوليان ومعلقة توم مفروم وملح وفلفل وزعتر وقرفة أصلى بحب اضيف القرفة على اى حاجة بتدى نكهة حلوة اوى للاكل
و2معلقة زيت واوطى النار عليها وهى هتنزل ميتها وتستوى
واسيبها لحما تستوى بتبقى تحفة أوى كمان لو ضفتى معاها معلقتين زبادى
الارز الأبيض بحط سمن لأنى بكره الرز بالزيت
وبعدين أغسل الرز واضيفه ومعاه ورق لورى وحبهان وعود قرفة بيبقى لذيذ موت
الفتوش
زبادى او 2 براحتك ومعاه معلقتين ما يونيز لايت علشان السمنة
ومعاه ملح وفلفل ونص ليمونة وشوية نعناع مطحون ومعلقة زيت زيتون واقلبهم كويس جدا
لو فى بصل أخضر يتقطع معاها ومعاه مكعبات باذنمقليه واقلب كل ده وفى الاخر مكعبات عيش شامى محمرة وااااااااااااااااااااااو جنان
الروابط المفضلة