السلام عليكم يا بنوتات عالم لكي
انا بجد فى مشكله وبطلب من السيدات المتزوجات يفيدونى بخبرتهم لانى معنديش حد ممكن اسألة فى هذه المسالة المحرجة
انا متزوجة وسوف اتم عامى الخامس بعد كام شهر
مشكلتى مع زوجى العلاقة الزوجية ... انا الآن حامل فى طفلى التانى فى شهرى السادس ... وهو يطلب الموضوع يوم بعد يوم ولا يكترث ولايهمه ان كنت تعبانه من الحمل ومن طلبات طفلى الاول وهو عمره 3 سنوات ونصف
واذا رفضت يتهمنى بالبرود ... بقول له ادينى فرصة اشتاق للموضوع يقولى انتى عشان تطلبى الموضوع يبقى كل 5 ايام لما يجيلك مزاج وممكن يطلب معاكى 4 او 5 مرات فى الشهر...
وبجد انا مش كده انا اكيد بطلب الموضوع بس مثلا كل 3 ايام عشان اخد وقتى ... هل ده صح ولا غلط ؟؟؟؟؟؟؟؟ المدة دى كتيره
وكمان والله العظيم لما بيطلب معاه يوم بعد يوم بحتسب اجرى عند الله ... ومش برفض ... يعنى باجى على نفسى ... وهو فى لحظة يقولى انتى باردة والكلمة دى بتجرحنى ... مش عارفة هو انا حساسة ولا الكلمه دى مفروض الواحدة تتعود عليها بعد الجواز لو فى يوم تعبت
بقول لزوجى لازم تشغل وقتك اخرج مع اصدقائك ... العب رياضة ... هو كل همة ان وقت فراغة نقضيه فى الموضوع ده
هل ده طبيعى ... انا رومانسية بس انا مش لازم عندى ان الرومانسية تكمل فى العلاقة لكن هو الرومانسية تعنى عنده بكل معانيها العلاقة الزوجية

يا جماعة افيدونى ... هل الستات رأيهم من رأيى ؟؟؟؟
ولا دى طبيعة الرجل ...؟؟؟؟ ولا انا مكبرة المشكلة؟؟؟؟
والله غصبن عنى انى اتكلمت فى الموضوع ده انا عارفه انه ممكن يكون موضوع محرج للبعض ...
بس ماينفعش اسأل اى حد ... انتوا ممكن تفيدونى اكتر ... وانا كلامى مفهوش حاجه خارجة او خادشة للحياء
ارجوكم تفاعلوا معايا وتعالوا نفيد بعض بخبراتنا ...
والف شكر ليكم