*طبق متميز*الايطالي من جديد ..... سلسة لا حدود لها من مطبخ اليمان
طيب
تمااام
واليوم انا طابخة كمان اكلة ايطالية جديدة كنت شفتها على قناة فتافيت
ونفذتها اكتر من مرة وحازت على اعجاب الكل
نبدأ مع بعض
بالمقادير
نص كيلو صدور دجاج منظفة
نضعها بمحضرة الطعام ومعها بهارات مشكلة
وبهار ابيض
وملح
و4 حصوص من التوم
وبصلة صغيرة
وحوالي تلات ارباع الكوب من الخبز المطحون او البقسمات
وبيضة كاملة
و2 ملعقة كبيرة خل
ونضربهم مع بعض حتى يصبحوا متل العجينة
ثم نشكلهم كرات
وانا عملتهم كرات صغيرة بحجم الزيتونة الكبيرة ... تسهيلا للاطفال بالاكل
وبعدين نشوحهم بنقطة زيت
ونتركهم على جنب
وبعدين حضرت بصل صغير كامل .. ما فرمته شكله كامل احلى
وتوم مفروم
وشوية فطر كامل
وشوية بازاليا
وجزرة مفرومة مكعبات
وشوية ذرة اكواز مفرومة
وكل هذا هو اختياري
يمكنك تشكيل خضار حسب المتوفر عندك
والخضار اساسا هي اضافة مني لانو الاكلة الاصلية ما فيها خضار
بس حبيت اضيف قيمة غذائية اكبر للطعام
المهم
شوحت الخضار مع بعض بملعقتين زيت زيتون
ثم نضع معهم معجون الطماطم حوالي 3 ملعقة كبيرة
وملح وبهار ابيض وورقتين غار وعود قرفة
ونغليهم شوي ثم نضع معهم كرات الدجاج السابقة
ونتركهم يتسبكواا مع بعض
الايطاليين بياكلوا مع هذه الاكلة معكرونة طبعا
بس انا عملت معها رز ابيض مطبوخ بنكهة ورق الغار تماشيا مع ذوقنا الشرقي ... الراقي جدا
واليكم الصورة
والف الف هنا وعافية
ويارب تكون اختياراتي لكم من المطبخ الايطالي .. تحوز على اعجابكم
وهو على العموم تغيير بنحتاجه من وقت للتاني
وشكرا
اختكم
ام اليمان
رد مع الاستدلال
الروابط المفضلة