اتنين فى واحد .... بيكاتا لحمه وبيكاتا فراخ لعيون جنى 23 ... من كارمن ... يم يم
صباح الخير بالليل ....
وانا سهرانه كدهو لقيت حبيبة قلبى جنى 23 بعتالى بتقول لى انها عاوزه طريقة البيكاتا بالشامبنيون قلت حالا بالا لازم انزلهالها وقلت كمان بالمره انزل البيكاتا الفراخ ويبقى اتنين فى واحد .... وطبعا المنتدى مليان بطريقتهم لكن ماقدرش اقول لأ لحبيبة قلبى جنى .... وادى ياجميلات الطريقه :
الأول بيكاتا اللحمه بالشامبنيون
انا استعملت اللحمه الشرائح الرقيقه اللى هى بتستعمل فى البفتيك لكن طبعا ممكن استخدام لحم الإستيك
لكن انا بافضل البفتيك فى البيكاتا والإستيك فى البوافر
وحطيت شرائح اللحمه فى الدقيق من الجهتين وشوحتهم على خفيف فى الزبده (معلش جنى سامحينى نسيت اصور الخطوه دى) يعنى كل شريحتين تلاته مع بعض وبعدين انشلهم واحط غيرهم لغاية الكميه كلها ماخلصت رحت مرجعاهم كلهم تانى فى الصينيه وزودت ميه وغطيتها وسبتها تستوى كل ماتحتاج ميه ازودها
وبعدين فى طاسة تانيه فرمت بصل نااااااااااااعم على الآخر وقلبته فى شوية زبده
وبعدين حطيت المشروم الشرائح وانا استعملت المعلب لكن طبعا ممكن تستعملى الطازه وتقطعيه شرائح
وبعدين معلقتين دقيق وقلبت كله مع بعضه
وبعدين كل الخلطه دى هووووب على اللحمه بعد ماستوت
واظبطى الملح والفلفل والف هنا وشفا .......
ثانيا بيكاتا الفراخ بالشامبنيون
برضه شرائح الفراخ فى الدقيق من الجهتين
وبعدين تقليب على خفيف فى السمن او الزبد
ونزود ميه علشان تستوى
وفى طاسه تانيه نقلب البصل الناااااااااااااعم على خفيف
بعدين المشروم
وآدى الدقيق على البصل والمشروم
وبعدين خلطته مع الفراخ بعد ماستوت .... و يم يم
والف هنا على عيونك ياجنى
رد مع الاستدلال
الروابط المفضلة