السلام عليكم ياصبايا المنتدى الغاليات
اليوم رح ساوي معمول ..بصراحة جربت كذا وصفة وعيارات للمعمول وكلن طيبين بس اعمتدت آخر وصفة وهي من منتدى آخر يعني الوصفة منقولة والله يجزي الخير لصاحبتها يارب خاصة لأني بحب المعمول أكتر بلا سميد وهاد هيك جربوه وادعولي طيب وبضل طري وماأحلاه وصحة وهنا سلفاً..
بنبدأ بالمكونات والمقادير
كوبين ونصف الكوب دقيق
كوب وربع سمن(أنا أستعل الكريسكو)
كوب وربع حليب باودر
نصف كوب ماء
سكر وملح
نصف ملعقة صغيرة خميرة
هيل شمر يانسون محطون
الطريقة نضع الطحين مع السكر (سكر شي كاسة شاي صغيرة) والملح(رشة)و الهيل والشمر واليانسون المطحون طبعاَ ونخلطهم مع بعض وفي إناء آخر نضع الحليب مع السمن مع الماء وبخفاقة البيض نضربهن حتى يمتزوجوا مليح وبصيروا متل الكريمة ثم نخلطهم مع الطحين وطبعاً لاننسى الخميرة ونعجن حتى تصبح لدينا عجينة متماسكة ..
طبعاً نجربها بقسم قطعة صغيرة ونحاول تشكيلها يجب ألا تتفتت وبذلك تكون العجينة جاهزة..
أنا حشيت المعمو بالتمر المهروس والمضاف له هيل وشوية زيت وكورتن قبل ماأبدأ الشغل هيك بصير أسهل الشغل وبالنسبة لشوي المعمول بنحطو بالفرن على نار عالية ليستوي من الأسفل ومابياخد وقت ووبعدين بنشعل من فول لنشقر الوش شوي حسب رغبتكم طبعاً..ملاحظة: المعمول مولازم يطول بالفرن لأنو بعدين بييبس مشان هيك بنشويه على نار عالية..
وبعد ماتطلع من الفرن مباشرة وحسب مابتحبي فيكي ترشي عوشن سكر ناعم طبعاً اختياري..أنا شي برش عليه وشي لا بس لقيتو أطيب بلاه وعيلتي هيك كمان بس هي بتعود للرغبة..
وهي النتيجة
ولا تنسوني من صالح الدعاء
والسلام عليكم
أختكم نوسة
****معمول شهي ...أهلا وسهلا فيكم****
رد مع الاستدلال
الروابط المفضلة