باستا مبتكرة ولذيذة..قيمتها الغذائية عالية وقليلة الدسم!! من لبنان وبالخطوة المصورة!
انا من عشاق الباستا وعارفة انو كتير من الصبايا متلي
اليوم بنزل ان شاء الله وصفة لذيذة وقيمتها الغذائية عالية لاحتوائها على الخضار والحليب وبنفس الوقت قليلة الدسم
باستا بالبيشاميل والخضار
المقادير
باستا (انا استعملت الباستا السمراء يعني المصنوعة بالدقيق الأسمر)
بازيلا
بندورة مقطعة صغيرة
سوسيدج مدخن وممكن سوسيدج عادي بس انا مستعملة يلي بيبقى منشّف متل الباسترما يعني مو المعلب
هليون اخضر
فطر (عيش الغراب)
ملح
فلفل أسود
بقسماط
بيشاميل قليل لدسم: نخلط على البارد الحليب السائل بالدقيق ونملح ونبهّر بالبهار الابيض وممكن إضافة شوية جوزة الطيب ونضعهم على النار ولما يثقلوا نض ونحنا منحرّك بسرعة بشريط الأسلاك صفار بيضة ونتركهم يغلوا 3 دقائق والبشاميل جاهز.
ممكن الإستغناء عن الصفار بس انا بضيفه عشان زيادة الحديد للأولاد.
الطريقة
نضع شوية زيت بالمقلاية ونقلب الخضار ما عدا البندورة مع شوية ملح..
لما يصيروا قريب الإستوا نضيف البندورة ونقلب شوي ونطفيء النار..البندورة لذيذة بالأكل لما تكون لسا طعمتها طازج مو مطبوخة كتير.
نحضر الباستا ونفردها بالصينية ونأتي بالخضار والبيشاميل
وهاي المقادير كاملة وجاهزة للتطبيق
نخلط الباستا بالخضار
ثم نضيف البيشاميل
نرش البقسماط على الوجه وندخلها الفرن حتى تتحمر..
وهذا المنظر النهائي
ما شاء الله ولا قوة إلا بالله
وهاي اقرب للصبايا
ان شاء الله بالهنا ولا تنسوا تدعولي لما تجربوها وتعجبكم
رد مع الاستدلال
الروابط المفضلة