ازيكو يا بنات
جايبة لكم اليوم طريقة عمل تتبيلة اللحم للشوى ويارب تعجبكم
وطبعا المشويات مهمة جدا للى بيعملوا ريجيم علشان ياكلوا اكل صحى وكمان لذيذ من غير ما يزيد وزنهم
المكونات- كيلو لحم -3بصالات-ثمرة طماطم -3فصوص ثوم-نص كوب خل-(التوابل- حبهان -فلفل-بهارات-ملح-كمون)
الطريقة نفرم البصل فى الكبة ونحط عليه التوابل وثمرة الطماطم ونفرمهم كلهم مع بعض
نحط الخل عليهم ونتبل اللحمة بالتتبيلة دى بس طبعا نقطع اللحمة شرائح رفيعة علشان تشرب التتبيلة بسرعة بعدين نشويها على شواية عادية او كهربائية
ونفرش صينية التقديم بالبقدونس المقطع ونرص اللحمة المشوية عليها وبالهنا والشفا .

السلاطات\ سلطة خضروات وسلطة طحينة وخيار مخلل .

طبعا سلطة الخضروات بتتكون من 2 ثمرة خيار 2 ثمرة طماطم 2 ثمرة فلفل اخضر 2 ثمرة جزرو بقدونس مقطع وبصلة صغيرة يتقعطوا ونرش عليهم ملح وكمون ومعلقة خل ونعصر ليمونة
سلطة الطحينة \ نص كوب طحينة ونص كوب خل و4 ملاعق زيت وذرة ملح وفلفل وشطة وكمون وكوب زبادى ونقلبهم كويس مع بعض لغاية ما نحصل على القوام المطلوب وتجمل بوردة من البقدونس

الخيار المخلل\ نص كيلو خيار -5 ملاعق كبيرة ملح -ونص كوب خل -2ملعقة شطة حمرا-
نقطع الخيار حلقات ونحطه فى برطمان زجاج ونحط عليه الخل والملح والشطة و2 كوب ماء
ونقفل البرطمان لمدة يوم كامل وكده بيكون اتخلل الخيار .
وبالهنا والشفا