الجلاش بالفراخ والخلطة من مطبخى

[العقل زينه]

السلام عليكم ورحمة الله وبركاته

الجلاش بالفراخ والخلطة من مطبخى


المقادير
لفة جلاش كبيرة
زيت
ربع كوب سمن
نصف ك فراخ بانيه
1 حبة باذنجان رومى متوسطة الحجم
1 حبة جزر متوسطة مبشورة
2 حبة فلفل رومى
1حبة بصل مقطعة صغير
1 حبة بصل اخضر
فصين ثوم
ومعلقتين بقدونس مفروم
2 حبة طماطم متوسطة مقطعة
ملح وفلفل اسود وبهارات وزعتر و كركم وكارى وزنجبيل وقرفة وبابريكا ربع معلقة صغيرة من كل بهار
الطريقة
نفرم البانيه فى الكبه او نقطعهم بالمخرطة
نفرم الفلفل الرومى والبصل الاخضر والطماطم والقدونس والباذنجان
نقطع البصل ونشوحه فى الزيت ونضع عليه فصين الثوم ونشوحهم قليلا
نضع عليه الفراخ المفرومة ونشوحهم ونضع كل البهارات ونقلب ونضع الخضار المفروم والجزر عليهم ونتركهم لحد مايستوى الخليط
نجهز صينية وندهنها بالسمن ونضع ورقتين جلاش وندهن بالسمن ورقتين كمان وندهن لحد نصف لفة الجلاش بنضع الخليط ونغطيه بالنصف الثانى من الجلاش بين كل طبقتين ندهن سمن لحد اخر طبقى نقطع صنية الجلاش مربعات و نجيب كوب ونضع فيه بيضة وباقى الكوب لبن ونربه بملح وفلفل رشة بسيطة ونضعه على وش الصينية ونسخن الفرن ونضع فيه الصينية الى ان تستوى تقريبا ربع او تلت ساعة وبالف هنا
ملحوظة السمن بين كل طبقة وطبقة بتجعل الجلاش دسم جدا ومليان سمن لكن بيبقى اخف لو السمن بين كل طبقتين

اللهم ارحم امى واغفر لها ونور قبرها