القصر الذهبي للمرآه *_^
بسم الله الرحمن الرحيـــــــــــــــــــــــــــــم
السلام عليكم ورحمه الله وبركاته
*********************************************
الموضوع بكل بساطه اننا عايزين نشجع بعض ونعين بعض على اعمال البيت المختلفه عايزين نعمل شغل البيت سوا ونخلص كل الى ورانا بدرى بدرى عشان ننجز فى الوقت ونعرف نهتم بنفسنا واولادنا وازواجنا
احنا هنا هنيجى كل يوم الصبح نثبت حضور ونكتب ايه الى عايزين نعمله فى البيت وندى مده نخلص فيها مهمه وبعد لما نخلصها نيجى نكتب عمانا ايه عشان نشجع بعض ونغير من بعض
وزى ما انتو عارفين لما البيت بيكون مكركب نفسيتنا بتبقى عامله ازاى وبنبقى مش عارفين نبدا ازاى وهم الدنيا كله بيبقى فوق راسنا صح؟انا عارفه
يلا بقى ورونى الهمه والنشاط احنا كمان هنحط جدول اسبوعى لشغل البيت وواحد تانى للعنايه الشخصيه محنا مش هنهتم ببتنا ومنهتمش بنفسنا نووووووووو
نسيت اعرفكم بنفسى
انا نور متزوجه عندى 29 سنه وعندى 3 ابناء
الى تحب تشترك معايا تتفضل اهلا بيها تعرفنى عليها بس اهم حاجه الالتزام والهمه والنشاط يا بنات
جدول العنايه الشخصيه
******************************
كل يوم اساسى نلف شعرنا الصبح
وكل اسبوع هنعمل ماسك للشعر
وندهن اليد والرجل بالكريم
ويوم الخميس من كل اسبوع هنعمل الرجل
نجيب ماء دافى فى طبق غسيل وحبة شاور او شامبو ونحط رجلينا لمدة نصف ساعة
وبعد كدة ندعكها كويس بالحجر الطبى او ليفة خشنة ونشفها كويس وندهنها كريم
ويومين فى الاسبوع الاثنين والخميس هنعمل مسك للبشرة
كل واحدة على حسب ما تحب لان كل بشرة غير التانية
الجدول الاسبوعى للتنظيف
***********
السبت:التنظيف اليومى +كى الملابس
الاحد :التنظيف اليومى +الحمام
الاثنين:التنظيف اليومى+المطبخ
الثلاثاء:التنظيف اليومى+اوضه النوم
الاربعاء:التنظيف اليومى+اوضه الاطفال
الخميس:التنظيف اليومى+الصالون والسفره
الجمعه:اجــــــــــــــــــــــــازه
وطبعا كل لما ناخد اوضه ننظفها بتبقى النظافه شامله ادراج ودواليب......الخ
يعنى نظافه من المعاميق
التنظيف اليومى
*********
* تشغيل سوره البقره ونصلى ونقرا الاذكار
*فتح الشبابيك وتهويه الشقه
* ترويق اوضه اوضه ونلم الغسيل الى مش نظيف ونحطه فى باسكت الغسيل
* تغيير الفوط
* ترويق السراير
* كنس الارض
* غسل المواعين
وطبعا تجهيز الغدا
* نشر غسيل ووتطبيق غسيل
* تعطير الشقه
رد مع الاستدلال
الروابط المفضلة