السلام عليكم ورحمة الله وبركاته
انا محتاجه نصيحتكم يامعشر النساء وانا واثقه انكم ماراح تبخلون عليمن تجاربكم ونصايحكم الله يخلينا لبعض
والله مشكلتي زووووووووجي
تعبت منه ومن اسلوبه والله مشكلتي تاااااااافهه وتضحك بعد
بس الشكوى لله الله بلاني بزوج دلوع على اتفه شي يزعل
مع انه عمره 52 وانا31
انا والله الحمد الله انعم علي بالحمل بعد سنه من زواجنا حاليا وماشالله عليه زوجي عنده خير يعني بالعربي غني الاسبوع اللي طاف زوجت اخوي ولدت بمستشفى رويال حيات
خاص ومعروف واخوي معاشه على قده وانا اتبهدل في الحكومه
المهم قاعده اتقشمر معاه واقوله شفت والده برويال حيات وزوجتك مخليها تتبهدل في الحكومه بس ومن اهني بدت المعركه بيننا اهو لمن يزعل يروح يقعد في الفيلا ومخليني انا في شقه في السرداب بنفس البيت
المهم رحت له بعد 3ايام اطيب خاطره واراضيه طبعا ماتقبل وقام يتهرب مني خلاني احس انا الريال وهو المره ماقبل اعتذاري ونزلت مكسورة الخاطر
ومن يومين كان عندي موعد سونار اتصلت عليه مسكر تليفونه دزيتله مسج استلم الرساله وسكر التليفون دقيت عليه واااايد المهم اخر شي دزيتله مسج قلت انا بروح موعدي
وفعلا رحت المهم كلمته امس عشان محتاجه فلوس سألني عن الفلوس اللي معاي قلت سويت فيها سونار قامت القيامه شلون تروحين من غير اذني انت تستفزيني عشان اطلقك انت مايربيك غير بيت ابوك روحي بيت ابوك مالك مكان عندي المهم دقيت على ابوي وقتله تعال اخذني الريال مايبيني ابوي واخوي يوني وقعده معاه يسألونه شسالفه مارضى يتكلم قال انا ماعندي كلام ولا في اي شي ابوي قاله خلاص اذا انت ماتبيها ردها بيت اهلها مومن الاصول ان احنا ناخذهاهذ باختصار وسامحوني اني طولت عليكم ويارب ماطولون علي بالرد