تحياتي لكل من يقرأ فضفضتي لكل من تحب ان ترد......

بالبداية حابة اعرفكم على نفسي
عمري 25 سنة
متزوجة من 4 سنوات ونصف
عندي بنت واحدة عمرها 3 سنوات زي القمر
.......
ما عندي اخوان او اخوات ...
امي وابوي تطلقوا من لما كان عمري سنة وتربيت عند بيت جدي وجدتي (اهل امي )
اما امي وابوي كل واحد فيهم تزوج وكون له اسرة مستقلة
امي علاقتي معها ضعيفة بحكم اهتمامها باسرتها وبعدها عني من لما كان عمري 11 سنة
اما ابوي فانا ما التقيت فيه الا مرة واحدة
يعني لا اعرفه ولا اتمنى معرفته
....
جدي وجدتي الله يرحمهم ويجعل مثواهم الجنة من سنتين توفوا
هم الام والاب والعائلة
هم كل شيء
ولما راحوا راح معهم الدفا وحضن العائلة
تعرضت لبعض الظروف اللي اثرت على علاقتي مع بعض اخوالي
وبقي لي زوجي وبنتي الله يخليلي اياهم ويحفظهم
.....
دراستي ... وبسبب بعض الظروف ما استطعت احصل الا الثانوية العامة وان شالله رح اكمل قريبا وادخل الجامعة....
ادعولي ارجوكم الله يسهلها معي ....
.....
بصراحة
انا عندي مشكلة نفسية متعبة لي واحيانا لمن حولي...

انا ما بحب الناس ولا برتاح بسهولة للتعامل مع احد
علاقاتي انا وزوجي محدودة جدا بسبب ظروف شغل زوجي وانه شخص ما بحب الزيارات كثير وايضا بسببي لاني بحاول اتحاشى الناس والتعامل معهم عن قرب وبشكل كبير .... دائما عندي رابط بين امي وابوي وعلاقتي مع اهلي وبين الناس

مش بسهولة برتاح للناس

الطبيعي من كل انسان انه يكون حذر وينتقي الاشخاص لكن انا ما بتحمل اي غلط من اي حد وما عندي استعداد اخد النية السليمة لاي موقف ما بيعجبني ....

حتى اقرب الناس ممكن ازعل منهم بسهولة واعصب بسهولة
بحاول اني اتصافى مع نفسي لكن مش قادرة
.........
انا بعرف انه الانسان لازم يوضع حدود بين الماضي والحاضر وما يجمع الصالح مع الطالح
انا بعرف انه الانسان لازم يوزن الامور بعقل وحكمة
لكن انا مش قادرة اطبق هالموضوع
.......

تخيلوا يا جماعه انا لما اعمل شي كويس مع اي حد مثل مصالحة حد متخاصمة انا وهو او معروف معين مع شخص معين ... احيانا او غالبا بندم لاني اتخذت هالخطوة ... وبصير احسب حسابات يمين ويسار وشرق وغرب .... لحد ما اوصل للندم من هالموقف اللي انا عملته....
مع اني بكون عملته بعد تفكير وتدقيق لكن برجع اندم
......

انا بصراحة متعبه مع هالسلبية بشخصيتي وكثير من المقربين لي مثل زوجي نصحوني احاول
لكن كيف احاول
وكيف اقنع نفسي
كيف اكون متصالحة مع نفسي
بدعي الله
بذكر الله
بقرا قران
برتاح لكن بيرجع الموضوع كما كان

واللي زاد الطين بلة انه حصلت بعض الشغلات فيي بزوجي وبعلاقتنا وبرزقتنا وبصحتنا ولما اشتد الامر صليت صلاة الحاجة ودعيت ربي كتير يفرجها علينا لحتى ارشدنا الله جل وعلا عن طريق الصدفة لشخص محترم ومتدين ومعروف بأنه يعالج من العين والسحر وهالامراض عن طريق قراءة القران وانه ما بياخد فلوس لكنه بيعالج وبيعمل معروف مع الناس لله فقط ...
ورحنا عليه وما شاء الله عليه قرا علينا وعرف انه فينا سحر (حسبي الله ونعم الوكيل)
وبعد عدة زيارات له الحمد لله فك السحر وما حكالنا مين عمل هالعمل العاطل فينا ... وبدات بعض الامور تنحل معنا والحمد لله رب العالمين...
لكن نفسيا بالنسبة لي زادت عقدي من الناس ...
صرت اخاف اكثر واشك اكثر ...
حتى انه الشيخ يللي فكلنا السحر عرف من خلال بعض الاحاديث معه انه انا وصلت لهالمرحلة ونصحني كثير انه ابتعد عن هالسلبية وما اخلط الحابل بالنابل واستغر الله واذكر الله دائما وانه استعيذ بالله واتحصن بالايات والسور القرانيةواتوكل على الله وما رح يصير شي ...
لكن.........
المشكلة موجودة اصلا وجذورها للاسف قوية
ومع هالمصيبة يللي صارت ازدادت مشكلتي نموا......


اتمنى ان اجد الرد


lolo_rose