❤ كوردن بلو ❤ من مطبخ بيرو ❤ مشاركة لأطيب طبق ألذ مذاق ❤
الكوردن بلـــــــو
أول حاجة خلطة البقسماط اللى انا بعملها
مميزة جدا ..
بستخدم بقسماط أو فينو ناشف ومتحمص فى الفرن أو شابورة اللى فى الصورة دى ..
اطحنها مع كوب كورن فليكس (ممكن استغنى عنه لو مش موجود)
وأخلط عليهم باكو سبايسى او فيجيتار حاااار (لازم حار لأن نكهته احلى بكتير من العادى)
وبكدة الخلطة تبقى جاهزة بشيلها فى علبة واستخدمها وقت اللزوم (مع البانية - البفتيك - الكوردن بلو - الكفتة)
المقادير
صدور دجاج فيليه مغسولة ومتنشفة كويس ومدقوقة
خلطة البقسماط
لانشون سادة
جبنة سلايس (أنا بحبها موزاريلا)
دقيق عليه رشة ملح
بيضة
أجهز الفراخ وأتبلها بملح وفلفل اسود
ونجهز طبعا خلة الاسنان
احط عليها اللانشون ممكن نصف شريحة اللانشون بس انا بحب الكوردن يكون غنى بطعم اللانشون والجبنة
وعليها الجبنة
وألف وأضغط وأقفل كويس بالخلة
وخلى بالك احفظى عدد الخلة اللى بتحطيها فى كل واحدة علشان بعد كدة ماتنسيش وتسيبى واحدة هنا والا هنا
البيضة عندى بحط عليها فلفل أسود وملعقتين كبار لبن حليب
والطريقة المعتادة
احط الكودرن فى الدقيق بعدين البيض بعدين البقسماط
وأرصهم فى طبق وأغطيهم بالكلينج فيلم (ورق البلاستيك) وعلى الفريزر أقل شئ ساعة علشان لما أقليهم الخلطة ما تسيبش فى الزيت
وهنا لما بدأت أقلى
طبعا يكون الزيت سخن بس النار متوسطة علشان يستوى كويس
ولما طلع شلت الخلة منه
وهنا قدمته مع سلطة بسيطة من الفلفل الاحمر والفلفل الاخضر والكرنب والجزر
وبالهنا والشفا
رد مع الاستدلال
كتبت بواسطة رشا محمدي
الروابط المفضلة