خاص : استفسار لبنات الامارات

[ღ.. Sara ..ღ]

مساء الخير بالجميع

الصراحة موضوعي هو استفسار لبنات الامارات

الصراحة مشالله عليكم عليكم بخور مو طبيعي

من بعد كيلوو الواحد يشمة

انا كل سنة وبالاخص في مهرجان دبي دائما ازوركم

مرى وانا اتغدى في مدينة مدهش كانت في الطاولة

الي يمي اماراتيات بخورهم يعور القلب

سالتهم عن بخورهم

عطتني مكونات البخور لانة مخلووط

بس ما ادري عندكم خلطات للبخور

ياليت تساعدوني لاني محتاجة مثل هذي النوعية من البخور

واكون لكم شاكرة

[عواصف شوق]

حيـاكِ الله أختي..

شوفي هاالرابط إن شاء الله يفيدك..


وبنات الامارات اكيـد ماراح يقصرووون

http://www.lakii.com/vb/showthread.php?t=96781

[ღ.. Sara ..ღ]

.. | عواصف شوق | ..


يسلمج اختي الغالية

على تواصلج السريع

والذي اخجلني بنفس الوقت

ولكن اختي انا شفت هذا الموضوع قبل لا انزل موضوعي

وفي اشياء ما حبيت اضيفها مثل السكر

[عواصف شوق]

بصراحه مالي خبرة بالبخور..

بس اكثر من وصفه قريتها كان السكر موجود فيها...
يمكن له فايدة جربيه..

[ღ.. Sara ..ღ]

انشالله اختي بجبربة وابشوف

وبانتظار رد باقي الاعضاء

[ياسيه]

كلامج صح يا ساره بنات الدار ما يحبون يحطون السكر في معمولهم ... يعني خلطة البخور

عموما المعمول الزين الحرمات يشترنه من حريم يسوونه في البيوت ويبيعونه و اسعاره متفاوته يعني معمول اللي حق البيت غير و المعمول اللي يستخدم للملابس وللوحده تعطر نفسها غير و احلى معمول و خلطات تلقينها عند العرايس بس بما انج مب من البلاد فما بتعرفين تتوصلين لبيعات المعمول لكن تعرفين معمول أجمل و الرصاصي بعد زين و في معمول اسمه راقيه عند الرصاصي ....العلبه على مئة درهم غاوي يعني عندنا يعتبر وسط لهو تحت ولا التوب بس انا يعجبني

و السر يا روحي مب بس في المعمول السر في انج يوم تدخنين الكنادير تكونين معلقتنهم في الكبت يعني الدولاب و حطي المدخن تحتهم و انتبهي له زين و يوم تحسين ان الدولاب انترس من ريحة المعمول طلعي المدخن و سكري الكبت و بتشوفين كيف الريحه بتلزق في الثياب ....

بس على فكره هاي الطريقه انا قلتلج اياها علشان استخدامج الشخصي يعني في البيت او مع ابو العيال لانه الصدق يا امي انه المعمول و الريحه الزينه ما تسوى ندخل جهنم علشانها

اسفه هذربت عليج وايد بس حبيت افيدج و اذا عندج اسءله ثانيه قولي لي و من عيوني ارد عليج