كيفكم يا غالياااات
أنا كتييير بحب عجينة الباف باستري .. لان ممكن ينعمل منها حلويات كتيييره
وخصوصا اطباق سريعه
أنا قبل فتره عملت السينابون .. فجربت اعمل متلها بس بعجينة الباف باستري
طبعا حشيتها قرفة وسكر بودره ولفيتها وبعدين قطعتها .. متل السينابون
وطلعت رااائعه .. ابني كان واقف معي .. فحكالي انو حابب يقطعها بعدين يلفها عشان
تطلع اظبط .. وهو اشتغل فيها .. بس ما اخدت منه وقت بالمره
حطيت اربع قطع من الباف فوق بعض ورقيتهم حتى صاروا عجينه واحده مستطيله
رشيتها بخليط من السكر البودره والقرفه .. وبعدين قطعتها بالطوول وابني لف كل واحده
دهنتهم ببيضه مخفوقه
حطيناها في صينية مدهونه .. وبالفرن لمدة ربع ساعه تقريبا او لحتى احمرت
ولما طلعت من الفرن .. رشيت عليها من خليط السكر والقرفه .. طلعت حلى خفيف وسريع جدا
اولادي حبوا .. يخترعوا .. اللي حط فوقها عسل .. واللي حط فوقها قشطه
بس الصراحه ما صورت شو كانوا يحطووا .. لاني حسيت بالقرفه لحالها كانت طيبه كتير
عن قرب
بقية العجينه حبيت .. اعمل منها اشكال مختلفه كمان من القرفه
وكلها بعد ما طلعت من الفرن رشيت عليها الخليط
منها اللي استعملت فيها قطاعات بشكل نجوووم و قلووب
ومنعها قطعتها لثلاث اسطوانات .. وضفرتهم وطلع منظرهم رووعه وطبعا محشيه بخلطة
القرفه والسكر .. ومرشوش عليها كمان .. الاولاد عندي كتير حبووها
طبعا الكميه كانت ضعف اللي في الصوره .. بس اضطريت بعد ما طلعووا من الفرن ان اسيبهم شوي
لان بنتي الصغيره حبت تعيط وقتها .. فاولادي الكبار كانوا قاضيين على نص الكميه
والحمدلله انقذت ما يمكن انقاذه هههههههه
وهاي صوره كامله
ان شاء الله يعجبكم يا صبايا
وسامحوني .. اذا طولت عليكم شوي .. بس فعلا الباف رائعه بأي وصفه
دمتم بحفظ الرحمن يا غواااااااااالي
السلام عليكم ورحمة الله وبركاته
الروابط المفضلة