لماذا يرفضنا ازواجنا احيانا؟؟؟(تعلمي معي سر من اسرار الحياة)
بسم الله الرحمن الرحيم
هلا بنات اش اخباركم
لاحظت بعض البنات يكررون كلمات معينه
استغربتها
مثل :
- ليش الناس صارو كذا؟؟
- انا مهما اسوي احس الناس ما يبين بعينها ؟
- لاحظت اشياء غريبه بالمجتمع .....و .....و ليش الناس صارت بهالصورة ؟؟
- والى اخره
من الفاظ توحي ان الناس خبيثة و المجتمع سئ
وان الناس الطيبة اصبحت قليله
--------------------
تقبلو مني هذي الفلسفة البسيطة في فهم الحياة والمجتمع النابعه من ديننا الحنيف
ومدموجه ببعض الاراء الحديثة
الحياة التي تعيشينها من اختيارك
يعني اذا اخترتي الحزن والبكاء والألم
ستجذبين المزيد من الحزن والهم وضيقة الخلق
لأنك المتحكمه الوحيده بمشاعرك وردود افعالك
أنت ما تفكرين فيه
اعرف وحده تزوجت عن حب وتعيش مع زوجها من سنوات
دائما تكرر اخاف يتركني
اخاف اقعد الصبح القاه هاااارب ؟؟؟
وتعيش بهذا القلق من سنوااااات
واصبحت تصرفاتها نابعه من تفكيرها
كيــــــــــف ؟؟
اذا تأخر بالدوام تظن انه هرب منها
اذا انشغل عن الرد على مكالمتها او مسجاتها
تظنه بدا يتهرب
وبالتالي تتصرف على هالأساس
شلووووون؟؟
تكتب المزيد من المسجات
وتتصل اكثر
وفي هذي الاثناء يكون زوجها مشغول او لاهي او اي عذر بالدنيا
ولما يكلمها او يرجع البيت
اش تسوي؟؟
طبعا عارفين
تسأله وتحاسبه وتتشره عليه
وتبكي وتصرخ وتنهار
وهو احيانا يعتذر واحيانا يطنش
مع الايام صارت حياتهم
لف ودوران
واعتذارات
وتشره
و و و
بدأ يتهرب منها فعلا ...........
وزاد عندها شعور انه بيهررررررررررررررب منها
وبعد 9 سنوات زواج
وحب ورومانسيه من طرفها
جلست في الصبا ح ما لقته
دورت دورت دورت ما لقته
خرج ولم يعد
مع الأسف
زاد المها وحزنها وقامت تقول ليش الدنيا كذا؟؟
اللي حصل انها كانت تفكر بكل وقت بأن زوجها بيتركها
مع انها كانت طيبه معاه ورومانسيه واغرقته بالهدايا والحب والعطاء
لكن .........
وأه من لكن
كانت تغرقه بالهم والنكد والملاحقه
والحنه .........
مما ادى الى ان يفرط بكل لحظات الحب والهنا معاها
ويهرب من روما نسيتها المزعومه..... الى راحة البال والهدوء
(( طبعا بتقولون هو غلطان كان المفروض يناقشها ويوضح وجهة نظره))
لا تظلمونه ولا تظلمونها
تتوقعون 9 سنوات ما فهمها اللي يبغى ؟؟
لا فهمها وتعب ونصحها
لكن (لا حياة لمن تنادي )
ولا تزال تعيش على قانون ( الجذب )
تجذب الأشياء السيئة في حياتها :
مثلا فلانه اللي احبها ماردت على اتصالي اذن هي حاقرتني
وفلا نه مالها خلقي اخاف ادق عليها ما تعطيني وجه
ولما تدق وهي مسيطر عليها هذا الشعور
راح تتصرف على اساسه و
و
تتوقع الرفض من الاخرين
وتسئ الظن
ايوه ما ردت عليه ما تبغاني
ليش ؟؟ حرام عليها و ...... و........
الخلاصه :
في قانون من قوانين الحياة اسمه قانون الجذب
و هو بالضبط يعني
ان ما تركزين عليه بقووووووة وتفكرين فيه تجذبينه لك
سواء كان سلبي او ايجابي
مثلا اللي تركز على فكرة :
ماابغي زوجي يكش مني ماابغي زوجي يكرهني
راح يجيها هذا الشي
الاصح ان تفكر
بنفسها انها قادرة على الحصول على حبه
اذا فكرت وحده بأنها تعيش حياة تعيسه
وسيطر عليها
1- الغضب من زوجها
2- واللوم الداخلي ( ليش كذا ؟؟ حرام عليه - بعد كل هالعشرة الطيبة يسوي ويسوي )
3- الرغبة في الانتقام ( الله يسلط عليه الله يحرق قلبه الله يهده .....)
4- التشفي -- اي قلعته صار فيه كذا وكذا من
دعوتي
وتعيش حياتها معاه بهذه الطريقه
كر وفر
وعطاااااااء ثم لوم
حب و حساااااااااب
تتوقعون ايش بيصير بحياتها ؟؟
راح يكون تركيزها على ( ما لا تريد )
وليس على ( ما تريد )
يعني :
اذا فكرت بزوجها تفكر ب : ليش ما اعطاني ؟؟ ليش ما سوا لي ؟؟ ليش ما يحس فيني ؟؟ ليش ............. وسلسله ما لها نهايه من الللوم او الغضب او الرغبه بالتشفي
---
تركز با التاكييد على كل اللي ما تحبه
وبالتالي راح ينجذب لها
اللي ما تحبه
وتزداد غضب ولوم والم
ويزيد تفكيرها فيما لا تريد وهكذااااااااااا
يجب علينا جميعا ان نعلم ان كثرة التفكير في اي امر
حتى لو سلبي
تجلبه حقا في حياتنا الواقعي
وفي جانب مهم بهالموضوع
وهو التبصر بالذات
يعني افهم نفسي مزبوط
وهذا صعب على الناس اللي يلومون الاخرين وينتقدونهم ويراقبونهم
لأن عندهم عادة
المراقبه والللوم والرغبة بالتشفي
والتحسر على الذات
وبالتالي ما يعطون نفسهم ولا الآخرين فرصه لإبداء
العمل الطيب
مثلا :
- فلانه اتصلت بزوجها وما رد
وكررت الاتصال والمسجات وقامت توسوس
ولأنها مسبقا حاطه في بالها انه مو حاط لها اعتبار
وانه مايحس فيها
وانه ........ وانه.........
راح تتصرف على اساس افكارها
واي كلمه يقولها او يتصرفها
بسرعه راح تصبغها بوجهة نظرها
وتحاسبه على ذلك؟؟؟
وتصير حياتها صعبه عليها وعليه
وما تدري
انها صابغه حياتها بالوان تموت القلب
والحل؟؟؟؟؟
تركز على ما تريد وتجذب لها الخير
لاحظت اكثر البنات تشتكي من الناس ومن زوجها بأنهم ما يبين بعينهم
وانها انسانه عظيمه وكامله وما غلطت ابدااا
لكن زوجها فيه كذا....... وكذا........ وكذا.......
وانا ابي منكم شئ مهم
فكري بنفسك انتبهي لذاتك
تبصري بعيوبك
مثلا :
طالعي نفسك بالمرايا وانتي تاكلين او تمشين او تتصرفين
وشوفي نفسك من زاوية اخرى
سجلي مكالماتك ومحادثاتك وانتبهي لنفسك ولطريقة كلامك
شوفي عيوبك
اذا استمتعي لانتقاد من الناس
فكري بعمق هل انا فعلا اعاني من هذا الامر
مو عيب اذا احد نبهني على عيوبي اني اصلحها
ومثل ما قال الشاعر
ابدا بنفسك فانهها عن غيها فإن انتهت فأنت حكيم
والحل ؟؟
الحل بسيط
ترجع لأخلاق القرآن والسنه
وتطبقها على نفسها فقط ولا تلوم الأخرين عليها
يعني اركز على ان اكون زوجه حسنة الخلق وطيبه وافعالي موافقه للكتاب والسنه
ولا اركز على افعال الآخرين
اركز على نفسي واحسنها
واذا صدر من الطرف الآخر ( الزوج)
ما لا ارغب به او استنكره
احرص على اعذاره ( سبعين عذر ؟؟ لا اكثر واكثر واكثر )
لأن هذا هو الحب الحقيقي
والأصل فيه نابع من حب الذات
لأن اللي يحب نفسه راح يفيض حبه على الآخرين
ويعذرهم
ويسامحهم
ويترك اللوم
الغضب
الحقد
الرغبه بالتشفي
الانتقام
لماذا يرفضنا الناس احيانا؟؟
وقد تعبنا معهم وتلطفنا بصورة مبااااااالغ فيها ؟؟
قد يكون السبب كثرة اللوم كثرة التشره
مما يوحي بالتمنن
فيشعر الزوج بأن كل لفته حلوة منك ستضاف الى ملفاتك
أي ملفات؟؟
ملفات (المشاكل)
سويت وسويت وسويت لكن مع الأسف ....
مابين بعينك
أدري إنك ما تحبني
ابغي اعرف ليش ما تحبني ؟؟
هذا الحب إسمه ( حب الشحاتين ) ...
يعني (تشحتين ) منه الحب وتتلصقين فيه بصورة تخليه ( يهرررررررب)
فمن طبيعة الرجل انه يكره من يركض خلفه
واذا حصل ذلك فإنه يهررررررب بعيدا الى من يحتاج هو الى ان يلتصق فيه
كيف تفهمين هذا الجانب جيدا؟؟
إليك هذا ال vocablaryمن قاموس الرجل
اذا قال لك (( اوكيه حبيبتي اكلمك بعدين )) فهو يقصد سكري التلفون مالي خلقك
واذا قال لك (( توني طالع معاك قبل اسبوعين !!)) فهو يقصد كيف بوله عليك وانتي لازقه بمخي
وإذا قال (( مالي خلقك )) يعني ابتعدي ولا اذبحك
لأن الرجل له الفاظ خاصه مختلفه عن المرأة
وغالبا
الفاظ الرجل واضحه ومباشرة وبعيده عن اللف والدوران
بعكس الفاظ المرأة فهي اذا قالت لزوجها ابتعد فهي تقصد اقترب انا ولهااانه عليك بس قصدي اتدلل
واذا قالت اخر مره طلعنا قبل اسبوعين فهي تقصد حس فيني ابي اطلع معاك
واذا قالت مالي خلقك يعني اقترب
الحياة فيها قوانين تسري علينا كلنا في كل اركان الكره الارضية
وسواء استوعبناها ولا لأ فهي ماشية
مثلا :
- احنا ما نعرف قوانين الفيزياء ( اتكلم عن نفسي )
ولكن هذا ليس مبرر لانكارها
كذلك قانون ( الحب والتسامح)
- اللي يعطي حب ياخذ حب واللي يعطي تسامح ياخذ تسامح
- يمكن وحده تسأل كييييييييف؟؟
انا احب زوجي وهو ما يحبني
او
انا طيبه مع حمولتي وهم طلعت منهم تصرفات ما تعجبني
او
عندي صديقة قمت فيها قومه وبالأخير شفت منها ما لا يعجبني
المهم يا بنات تعرفون ان الحب والتسامح مثل الاسهم
اذا القيتيها ترد عليك
اعطي حب صااااااااافي وتاخذين حب صاااااااااافي
وحده منكم ترد علي
تقول : عطيت حب صافي غير مشروط وما حصلت الا النفور
اقول لها روحي باعماق ذاتك وفكري بصدق و امانه مع نفسك
ورب العالمين فوقك
هل انتي حبيتي بدون طلب مقابل ؟؟ حتى لو كان ما تريدين ( الحب والمشاعر الحلوة والكلام اللطيف والتواصل)
لأن هذا يعتبر شروط
مثلا : لما تحبين زوجك وتقولين له انا ما ابي منك شي وانا احبك لذاتك وانا طيبه
بس الناس مو مثلي والناس مو بطيبة قلبي
وانا احبك واموووت ..
وما ابي منك شي..
وبوقت الصدق
تنقلب
انت ما تحبني
انت ما تدق علي انت ما تسأل عني
انت بس هامينك عيالك واهلك واصحابك اما انا لي الله
آه من الحـــــــــــــــــــــــــــ ـب ومعانيه واسراره
الحب والتواصل يطلع من كلماتك وافعالك
والنقد واللوم والغضب والرغبة بالتشفي
تطلع من كلماتك وافكارك
وقديما قالو :
اللسان مغرفة القلب
خليكم معاي وخلونا نتعلم اسرار الحياة ونكرسها لخدمتنا
ما نركز عليه
نشعر به
ونظن أنه حقيقة
نعيش عليه
والحل ؟؟
نتحكم بتركيزنا
نراه كما هو ( المواقف والأشياء )
ولا نراها اسوء مما هي ولا اقل مما هي عليه
وعلمنا الإسلام فن التعامل مع الحياة
عن طريق حسن الظن بالآخرين
والتفاؤل
وفي الواقع اكتشفت ان في ناس
بدون وعي منهم
يحبون ضيقة الخلق والحزن والحنه والرنه
دايما يدورون على الأكشن ( ------ )
يحبون الخلاف والمشاكل
ويتمشكلون ويحاسبون الأخرين على تصرفاتهم
وبعدين ؟؟ تقول : انا مو مقصرة مع زوجي ورومانسية وكل شي اسوي له بس مافيفايده
بس تدرون ؟؟
من أسرار الحياة ان خيبة الامل بالأخرين
هي هزة تصحينا من الغفله
بعض الحريم مثلا تكون مدخله راسها بالرمل مثل النعامه
وما تقوم بحقوق زوجها على اكمل وجه
وفجأة تطيح على مشكله كبيرة وعظيمه
فتكون بالنسبة لها هزه تصحيها من غفلتها ونومها
بعض البنات تصحيها الهزة
وبعضهم تقوم تبكي تبكي تبكي
وبعدين
للأسف
ترد تناااااااااااااااااااااااااام
وتصحى على مشكله اضخم
ولكم تحياتي وتمنياتي لكم بحياة مليئة بالحب والود والرحمه.gif)
.gif)
.gif)
.gif)
.gif)
.gif)
.gif)
رد مع الاستدلال
الروابط المفضلة