كانت الحصة الـ 3 و 4 .. والأبلة شرحت علية كيف نقيس مقاسات الملابس ومدري ايش > سيكووو وبعدين في الحصة الرابعة نادوا اسم صحبتي ( عهودة ) في المايك على كل المدرسة هية نطت من الفرحة وجالسة تصفق وراحت وهية مستااانسة > على بالها أمّها جات زي ما وعدتها . لكنها رجعت لنا تبكي لأنو المديرة منعت اننا نخرج الكتب وقت الطوابير > عشان نراجع وهية ما سمعت الكلام وخرجتوا فصادروه وبعدين لمن نادوها رجعولها هوة مع تهزئية حلوة .. بصراحة اتشمتنا وضحكنا عليها لين قلنا بس لكن سكتنا في النهاية لمن صقعتني صقعة محترمة على مخيخي الجميل
بقي 3 دقائق على بداية الفسحة .. وأنا مدري ليه من بداية السنة ما أقول : صفرت > لمن تخلص الحصة .. ! لا أقول : زعّقت ..! مدري ليه طبعاً قلت للأبلة بقي 3 دقائق وتزعق ..! مسكينة بنت الكليّة أصلاً كانت مرتبكة خلقة وخليتها تضحك وترتبك زيادة .. بس عدت الحصة على خير وطيران على فصل همم أفندي .. بس ما لقيتها طلعت الساحة ما لقيتها .. رجعت فصلي وزبطت شعري وشكلي .. ورحت عند البوابة أنتظر ماما > لأنو كان مجلس أمهات .. انتظرت وطااال الانتظار ..! المهيم قلت أروح ادور على ألّو ..! طلعت الساحة .. ما لقيتها دخلت فصلها ما لقيتها بس لمن خرجت من فصلها قابلتها عند البوابة .. مشينا مع بعض ولمن وصلت عند بوابة الدخول لقيت ماما شرّفت وتمشط شعرها
وطبعاً على طول قلت : هيي ماما > وسحبت ألاء لكنها ترفض > احم تستحي :$ لكني سحبتها وأخذتها ورحت سلمت على ماما > وكانت معصّبة نوعاً ما لأنو بابا اتلخبط ووداها مدرسة أختي المتوسط وأتأخرت علية وهية ما تحب تتأخر أبداً على الموعد .. بعدين سلمت على ألاء وألاء ماشفت إلا غبارها على طووووووووول ..!
وديت ماما عند الأبلات والحمد لله كلهم مدحوني احم وشكروا تربيتها .. =) في أبلات قالو : حركيّة شويتين بس عادي لأنها شاطرة .. وفي أبلة الأحياء قالت : شقاوية وأحب شقاوتها بس في مشكلة ..! دائماً أشوفها تاكل لبان بس مو بالحصّة ولمن أقول لها شيليه تبلعه على طول >>>> سيكوووووووو
جلست ماما ثلث ساعة تقريباً ودارت على كل الأبلات والحمد لله فرحت مني ورجعت البيت .. بعدين زهمتني أبلة الأنشطة وجالسين نفكر في أفكار مفاجئة ليوم المعلّم العالمي اللي راح تحتفل فيه المدرسة بعد الإجازة .. ، اقترحت عليها فكرة خطنطر وياارب الادارة ترضى عليها .. ! وبعدين مريت على فصل توأمي ألو طليت من الشباك لقيتها مستانسة كانت مبتسمة =) قلت كويس ان شاء الله تكون الأحوال تمام رغم اني ما لقيت الفصل اتكركب ..! بس اهم شي حلت كويس بالاختبار .. =)
رجعت الفصل وكان علينا الحصة السادسة رياضيات .. مرررة كان مو وقتو لكن الشكوى لله ..! حلينا والأبلة حطت لي نجمة > أهم شي لأني الوحيدة اللي عرفت أطبّق الدرس بسرعة والحل صحيح والحمد لله .. ~ بعدين كان علينا نحو ومن يوم ما دخلت قالت لي : سميّة طلّعي المراية عبال ما أمسح السبورة وإلاّ راح أصادرها عليكِي لو بعد ما خلصت > تعرفني بداية كل حصّة أستأذن أطل على شكلي القميل
بعدين طلبت الواجب > تحقيق صحفي وقدمت لها التحقيق اللي نزلتو هنا في المنتدى > NEW LOOK .. وعجبها رغم انها ما صدقت بالبداية اني أنا كتبتو .! لأنو في بنات كثييييييييير جابوه نفسو . وضحت لها اني نزلتو بالنت عشان كدى .. =) وبعدين قالت لنا درجات النحو والحمد لله أخذت كامل ،
وبعدين جات الصرفة ورحت مسنترة عند الباب عشان أشوف ألااء يوم تخرج .. ما قدرت اليوم أكلمها بسبب مجلس الأمهات وبعدين خميس وجمعة مارح نتقابل () لكن للأسف ما شفتهاش .. وراحو البنات بالباصات وأنا استنتيت السواق جا الساعة 1 و 5 دقائق يعيني انتظرت ثلث ساعة بعد الصرفة .. بس كان كويس جالسة مع المديرة وتسألني عن المدرسة و الاختبارات والفصل و و و ... =) ورجعت البيت ولقيت ماما وحكيتها ايش حصل وفتحت المنتدى ولقيت ألوو منورة بس قلت لها لاتطلع ليييين ساعة كاملة عشان بروح انام ولمن اصحى أبا أكلمها .. =) والحمد لله لقيتها في .. ~
نسيت أقول اليوم بالصباح أبلة المصلى الحبيبة > مريم .. ألقت كعادتها كل أسبوع تقريباً كلمة في الصباح .. كانت الكلمة اليوم راائعة عن أسر السجناء .. وفي قصص مؤثرة قالتها .. وبث !
ماشاء الله يوم مزدحم ماشاء الله أحلى شي مامتك جات وأنا لأ وااااااااااااااااء هيييييييييييي سمسم .... بس عجبتيني صراحة رجعتِ الهدايا أصلاً من أصلو ليش تقوليلهم إنو يوم ميلادك القميل ماشاء الله تخيلي دوبني قريت المكتوب في النوته بتاعي شكلي حأكمل 7 أشواط لين ألقاكي ...يالبآ تحزني
