ازيكوا يا بنات عاملين ايه اخيرا جبت كى بورد جديد اميرة عامله ايه هو فعلا كلامك صح فى موضوع الصبح والليل بس انا زى اندومى بحب البس كاجوال على طول مبحبش الكلاسيك خالص ولو صادفت واشتريت حاجه كلاسيك مبلبسهاش كتير وبكون مش مرتاحه خالص فيها
اها فعلا يااميره لازم وانتي خارجه معاه تبقي لابسه كعب عالي لانو من معالم الانوثه مع اني مبقتش اقدر امشي بكعب عالي خالص بس طبعا لو رايحه فرح بلبس كعب ومتتصوريش ببقا مش طايقه نفسي اد ايه بس افتكر اني زمان كنت ممكن اقعد يوم كامل لابسه سابو كعب عالي وواقفه في الكليه مش بقعد غير نادر وبعدها ممكن اخرج مع صحابي وامشي كتيييييير بس مكنتشي بتفرق معايا خالص يعني هي شكلها مساله تعود مش اكتر
وايت انجل مبروك الكيبورد مع انك كنتي عسل وانتي موقفه كلامك في طابور ورا بعضه هههههه
اميره لو ربنا اكرمني هو هيحس بالفرق بين البيت والخروج بره من غير كعب عالي لاني وانا خارجه هبقا مغطيه فروه الخروف وهيترحم منها شويه هههههه
اندومى والله انتى الى عسل يا قمر
هههههههههههههههههههههه اندومي كده هيحبك اكتر بره من جوه ما هو طبعا لما فروه الخروف تتغطي هيبقي الشكل احلي امال راحت فين وصفاتك يا خبيره؟ هههههههههههه
وايت انجل مبروك الكى بورد حافظى عليها بقى علشان محدش يترئ عليكى هههههههههه انا نسيت الكعب العالى ده بس فى المناسبات فقط لاغير علشان الولاد ببقى عايزه حاجه سريعه وسهله
سلاااام عليكم ... ممكن تقبلوني معاكم ... بصراحة لفت نظري العنوان و وكنت اول مرة اقراه ودخلت قريت كدا الموضوع وعجبني جدا لاني بصراحة وللاسف مدمنة لبببببس ... بجد عندي هوس بموضوع اللبس والهدوم دا ... انا مش حريفة يعني في اللف وكدا بس عامة بحب اللبس جدا ... يعني ملياش مكان معين بجيب منه اللي بيعجبني وانا ماشية شغال ... يعني انا وحظي ... وعامة المشكلة اللي بتواجهني دلوقتي اني في فترة رضاعة فموقفة بصراحة لبسي الكويس عشان ميتبهدلش لغاية ومقضياها كدا حاجات في السريع ... وحاجات مش غالية اوي بس شغالة تأدي معايا الغرض وشكرا على كدا الفترة دي ... وبعد كدا باذن الله ابقى انزل بروقان ويبقى الواحد عرف يظبط جسمه من تاني ...ان شاء الله لاني بصراحة بكره الفوضى جدا ومش بحب ابوظ الحاجة عندي ... يعني مثلا الكلية كنت بالبس غالبا جينزات جيبة او سلوبت او جيبات واسعة تستحمل بهدلة الكلية ... كنت عاملة للكلية يوني فورم ... اللي بروح بيه الكلية للكيلة وخاصة ان كليتي كانت عملية وكنا بنقعد في الارض وبنشتغل بخامات مقرفة وممكن تلزق في الهدوم وتبهدل الدنيا ... فكنت مقضياها كدا يعني ... وطبعا طبعا كنت بلبس كوتسيات او سليبرات على الارض لزوم برضو البهدلة ... وكنت فترة الكلية نادرا ما بخرج فمكنش عندي هدوم خروج كتير ... بس كان عندي اللي ممشيني بس مكنش عندي وقت اصلا اجيب ... يعني لو نزلت قدرا ولقيت حاجة تمام ... وهكذا ... وطبعا لو مناسبة او كدا بلبس كلاسيك وكعب ...يعني تونيك ... طقم عامة كلاسيك كدا ... ولما اتجوزت بقيت البس عبايات ... وبرضو على كعب وكدا ... بس غالبا كنت بفصل لاني مش بحب الشغل الكتير وكنت بعتمد ان الشغل يبقى في العباية نفسها وبحب جدا العبايات الخلللللللليجيييي ... جداااااااا ... ولما اشتغلت وانا متجوزة طبعا قلبت كوتشيات وطبعا كاجوال ... واصلا كان لينا يوني فورم فكان الموضوع مريحني ... ... ولما حملت لبست على الارض طبعا ... ودلوقتي بصراحة لو نازلة السوق او كدا بلبس على الارض ... بس لو رايحة زيارة او تمشية بلبس كعب ... ولو انه بقى متعب جدا جدا في وجود بيبي ... بس بصراحة نفسي ارجع لايام الدلع والاهتمام بالنفس تاني بس مش عارفة ... قولولي ممكن بعد اد ايه الواحد ممكن يرجع يهتم بنفسه تاني ... افتكر بعد الفطام باذن الله ...؟؟؟ ولا ايه رايكم ....؟؟؟ انا رغييييييييييت ووجعت دماغكم بس حبيت ادردش معاكم ... وبجد الموضوع رااائع وانا منتظرة استفيد منكم ...
عبيير حبيبتى الله يخليك النفس المطمئنه منورة المجموعه يا جميل
النفس المطمئنه منوره يا قمر المجموعه . بصي يا ستي انا كمان في فتره الرضاعه الي انتي بتقولي عليها دي وحسه بكل كلمه بتقوليها دانا حتي اغلب لبسي القديم مش بلبسه علشان طبعا مع الرضاعه المقاسات بتتغير فانا نزلت اشتريت كام طقم كده قلت اغير فيهم وكمان بردو هينفعوني بعد الفطام اهو الواحد يوسع من لبسه شويه. بصي انا ابنيث عنده حوالي 10 شهور كل شهر عن التاني بحس ان الموضوع بقي اسوء ههههههههه علشان طبعا عايز حد يراقبو طول اليوم غير بقي وانتي خارجه ولابسه ومتشيكه تلاقي حد جابك من الطرحه بتاعتك علشان يحطها في بقه ههههههههههههه وتمشي طبعا هدومك مدهوله وطرحتك وقعه ومبلوله من بقه طبعا فانا بقي لما ببقي رايحه زياره لناس يبقي ابوه الي يشيلو لكن الخروجات العاديه ببقي حطاه في البوسات بتاعته. انتي شكلك كده كليه فنون جميله زيي فكرتيني بالذي مضي هههههههههههههههه...... علي العموم يا نفس نورتينا وان شاء الله تستفيدي معانا
