اميره يلاش حكايه السابوهات بقا راحت ايامها انتي تنزلي تدوري علي باليرينات من الي لسه نازله الايام دي فيه حاجات حلوه اوي ومريحه وكمان الشنط خلي بالك الجديد هو الكبير يعني يااما بالطول وده احلي يااما بالعرض لو عندك زياده في منطقه الوسط زيي وبلاش البيج ده فيه الوان فرايحي نازله الايام دي تخليكي بنوته خالص الا بقا لو مكنشي ينفع غير اللون البيج عشان لون الطقم
ازيكم يا قطقيط كلكم عاملين ايه وايت انجل معلش يا قمر حاولى تصلحى الكى بورد بسرعه احسن انتى وحشانى جدا اندومى استنى لما ابنى يخلص امتحانات وانا موافقه على امسك مشروع الهدوم بس طبعا هجربهم الاول ههههههههههههههههه تصورى اندومى انا عمرى معجبتنى موضه السابوهات دى وطول عمرى بحب الاحذيه المغلقه وياسلام على الكوتشى بموت فيه برنسيس انا كنت بشوف فى بورسعيد محلات شنط جميله جدا بس من زمان لسه فيها شنط حلوه فينك الاميره ؟؟؟؟؟؟؟؟؟؟؟؟؟؟؟
عبير انتى الى وحشانى خالص هحاول اجيب كىبورد تانى بسرعه بس جوزى ينزل يشترى اندومى حبيبتى اه فعلا الباليرينه حلوة اووووووى ومريحه فى اللبس وكمان الالوان حلوة خالص
انتى صعبانه عليه وايت اجل يلا خلى جوزك ينزل بسرعه تصلحيها
عبير وايت انجل فعلا انا بحب الباليرينات اكتر علشان مريحه وقبلها كانت الكوتشيات والسنيكرز لكن السابوهات مكنتش بعرف البسها كنت بشوطها قدامي هههههه بس فيه انواع بكعب كلاسيك كده وحلوه ممكن بردو تكون اميره بتحب الكلاسيك فهيكون السابو لايق اكتر عالطقم لكن لو كاجوال يبقا طبعا الباليرينه بتبقا بناتيتي وتحفه ونازل منها الوان حقيقي تحفه هي والشنط
هو قدامه قد ايه ابنك ياعبير عشان يخلص امتحانات الثانويه العامه؟ههههه بس بردو ربنا يكون في عونك الاطفال الصغيرين بيبقو عايزين الواحد تبقا عينو في وسط راسو طول الوقت
يا اندومي موضه السابوه والصندل عمرها ما بتروح علشان تبقي ليدي لازم تلبسي كعب عالي يعني البالرينه دي تتلبس الصبح مش بعد الظهر الا اذا كان انتي مش قارقه معاكي. ............ لا يابنتي انتي فهماني غلط انا مش كلاسيك خالص بس بحب حاجات الصبح للصبح وبعد الظهر نبقي بنوتات حلوات واللون البيج مش علشان انا بحب البيج علشان انا اشتريت طقم بيج في بني فهجبله سابوه وشنطه بيج
اه منا فهمت كده بعد مارديت عليكي اول مره يااميره قلت تلاقيكي جايبه طقم كلاسيك وفكره بتحبي الكلاسيك انك ممكن تشتريه لاني مش بشتري كلاسيك خالص غير في الشتا عشان يبقا طقم علي بوت وبيبقا واحد او اتنين بالكتير لكن مكنتش اقصد انك عيشتك كلاسيك في كلاسيك خالص وفعلا زي ماقلت فيه سابوهات حلوه اوي بكعب وانا كنت بلبسها من زمان بس مبقتش اقدر البس كعب عالي خلاص اتعودت علي الباليرينات والكوتشيات
ههههه انتي قفشتيني اهو ايوه انا فعلا مش بتفرق معايا حكايه صبح وبعد الضهر خالص ومعرفش ازاي اصلا ..انتي بتفرقي ازاي يعني ؟ممكن تكوني بتلبسي كلاسيك بعد الضهر الي هو بليل يعني والصبح بتلبسي كاجوال ولا ايه مش فاهمه ...انتي عارفه زمان ايام ماكنت بلبس كعب عالي السابو الي بسيور رفيعه خالص ده كنت بلبسه وانا رايحه الكليه وكانت معاه كعب عالي بردو نفس النظام وكنت ممكن البس طقم يعني يعتبر كلاسيك الصبح وتاني يوم يلاقوني رايحه بكوتشي وجينز ههههه انتي بجد ازاي بتفرقي بين الصبح وبليل
ههههههههههههههههه ضحكتيني يا اندومي ..في حد يروح الكليه بكعب عالي!!!!!!!!! دانتي قلبتي الدنيا خالص. بصي يا ستي افهمك انا الصبح بلبس بالرينات علي بنطلونات جينز يعني كاجول وده بيبقي وانا رايحه اشتري حاجات مثلا او رايحه النادي او رايحه لاصحابي ازورهم بيبقي اللبس كده. بعد الظهر يا ستي ببقي خارجه انا وجوزي مثلا هنقابل اصحابنا في مكان او رايحين زياره لحد او هنتعشي بره او هنحتفل بمناسبه بتلاقي بقي الموضوع اتقلب بناتي كعب عالي وطقم شيك مش لازم يبق تايير ممكن تونيك مثلا وبنطلون مش جينز وشوز عاليه. كده يعني. وانتي هتحسي بكلامي ده اكتر لما ربنا يكرمك وتتجوزي ساعتها هتبقي عايزه جوزك يشوفك مختلفه مش الصبح زي بعد الظهر زي قاعدتك في البيت......... فهمتي بقي يا ستي؟
