بصى يا ستى بذور الكتان ده انا سمعت عنها من دكاترة كتير فى التليفزيون وقلت لما اجرب هى فعلا حلوة بس انا مكنتش بستعملها مع الدايت انا بستعملها دلوقتى انا قات حتى لو مخسستش يبقى على الاقل هتساعدنى فى تثبيت الوزن وزى ما قلت باخد معلقه منها الصبح كل يوم وهى شكلها عامل زى السمسم بس اصغر ولونها بنى وعلى فكرة لو عملتى سرش على جوجل هتلاقى ان ليها فوائد كتير اووى وده الى طمنى وخلانى استعملها وانا مطمنه وبالنسبه لنظاه الهرم ده وهو انك بتاخدى كل شى تقريبا بس بحدود يعنى البروتين والنشويات والدهونو وبالنسبه كام كيلو تخسى ده طبعا حسب الحرق بس عموما من كيلو للاتنين فى الاسبوع وتستمرى عليه حسب الوزن الى عايزة تخسييه وبتاخدى بعد ما تخسى كام كيلو كده وجبه فرى فى الاسبوع
وايت انجل ... الف شكر ليكي يا قمر على افادتك ... بجد جزاكي الله خيرا ...اه يا حبيبتي انا ابني اسمه حمزة ... عقبالك يااارب ياااقمر لما ربنا يرزقك بالذرية الصالحة السليمة والمعافاة عاجلا غير اجل وياارب يااارب يقر عينيك قريبا جدا يا قمر ...ياااااااارب ياااارب اللهم امين
انا فعلا بحاول اشرب ماية بس مشكلتي اني بنسى والله ...وفعلا يا قمر عندك حق الماية بتفرق جدا ...اما بالنسبة لنظامك فهو فعلا ما شاء الله جميل ومريح ...انت عارفة انا مشكلتي اني من ساعة ما خلفت وبقيت اتجه لاكل الحويات رغم اني مكنش ليا فيها خااالص ...بس سبحان الله بقيت باكلها كتير عشان بتديني طاقة في الرضاعة لان الرضاعة اجمالا بتفرهد بصراحة ...وان شاء الله هابقى اجيب بذرة الكتان دي لما اخلص فترة الرضاعة باذن الله تعالى ... اندومي ...اللي انا اكتشفته في موضوع الشعر دا ان كل شعر غير التاني يعني انا بحس ان شعري مش بتمشي معاها الوصفات دي ... يعني الزبادي مرة حطيته على شعري لقيته وقفهولي والله بجد من ساعتها مبقتش احط ... بس كنت كل شوية اعمل خلطات زيوت ...واعك الدنيا ... مع ان فيه ناس كتير كانت بتشكر فيها وبتقول بالاجماع انها جابت معاهم نتيجة بس بصراحة مفدتنيش ... وانا دلوقتي منعت اي حاجة عن شعري ... الا سعات حمام الكريم ... بس والله بفكر دلوقتي ابدأ اعمل حمامات زيت ...مش عارفة بصراحة ... وخايفة برضو ... في ناس بتقول ان زيت الزيتون بينشف وناس تقول لأ وناس تقول مش عارفة زيت اللوز بيعمل ايه ... وهكذاااااااااا ...انا نفسي تهت وبقيت اعك الدنيا عشان كدا بقولك بطلت كل حاجة ... بس للاسف شعري مجهد من الرضاعة جدا ومن الصبغات ... فنفسي اهتم بيه بصراحة ...الله المستعان ...عشان كدا قولتلك ان شاء الله هابقى اشترك في موضوع الشعر الجاف دا ...
ازيكم يا جماعه ايه يا جماعه الاخبار انا شايفاكم قلبتم الموضوع عن الرجيم والشعر ههههههههههههههههههههههه الي هيرغي تاني عن الحاجات دي هنرش عليه مايه ونغرقه ههههههههههههههههههههه وعلي العموم معلومات كلها حلوه ومفيده لكن نرجع تاني لموضوعنا عايزه ااقولكم اني نزلت اشتري كوليه وخاتم وشويه اكسسوارات للطقم الجديد بتاعي فقلت اروح جنينه مول كده اتفرج ايه الجديد دخلت محل جليتر في اول دور علي فكره المحل ده حلو اوي بس المشكله الاسعااااااااااااااار فظيعه نظام الكوليه ب 150 او 180 والخاتم ب 65 و 70 جنيه فطبعا مشيت ودمعتي علي خدي علشان كان عجبني حاجات هناك ومردتش اشتريها طبعا ورحت لمحل تاني في اول دور بردو اكسسوارات بردو واشتريت من عنده الكوليه والخاتم جبت بقي كوليه 55 والخاتم 35 بس حلوين اوي ولايقين علي الطقم ونطقوه جدا وكده يبقي خلص الطقم البني بتاعي وربنا يسهل في الباقي بقي علشان انا حطه عيني علي محلين هدوم (اسكارفا وفيل) الي قلتلكم عليه في الاول ومحدش عرفهم عايزه انزل اتفرج اشوف فيهم ايه............ادعولي بقي
وايت انا شكلي ابتديت فطاري دلوقتي من الدايت بتاعك لانو مريح اوي وربنا يسهل النفس المطمئنه انا كنت حاكيه حكايتي هناك اني اول مابتديت اعمل وصفات للشعر مكنشي فيه ولا وصفه نافعه لشعري وزيت الزتون كان بيوقفه والمايونيز الي كل الناس بتحكي في فوايده في التنعيم كان بيوقفه وفعلا كبرت دماغي وفردت شعري بس ورجعت تاني للخلطات وفضلت شهرين ولا حاجه مش بلاقي تحسن لغايت مااكتشفت اني كنت بجرب حاجات غلط مع انها هي تقريبا الي بستخدمها دلوقتي بس الخلطه كلها علي بعضها فيها اختلاف يقلب نتايجها خالص والحمدلله شعري في تحسن وبيستقبل اي وصفه وبتظهر النتيجه من اول مره
ايه شكلي دي انا ابتديت بالفعل ههههه
والله يااميره بقنع النفس المطمئنه انها تشترك في جروب الشعر الجاف عشان نتكلم هناك بس لسه جاري المحاورات هههههه اصلي مقدرش متكلمشي فيه وخصوصا انها زي العسل وجربت حاجات بردو ...حاولت مفتحشي موضوع الشعر هنا بس مقدرشي مقدرش هههههه الف مبروك علي تكمله الطقم الجديد وعقبال الجايين وانتي غايظاني عشان كده بعمل دايت من انهارده عشان اشتري قريب ...بس حكايه الكوليه دي جديده متهيالي هتبقا جامده جدا عالطقم وهتغير شكلو خالص بس انتي هتلبسي طرحه سبانش ولا ايه ؟لان لو طرحه عاديه مش هتبين الكوليه عشان كده عمري ماشتريت كوليهات خالص مع اني بشوف منها حاجات جامده موت وببقا هتجنن وهشتريها
اميره انتي تعرفي تصوري الاكسسوار الي اشتريتيه وتحطي لنا الصور بتاعتو عشان ناخد فكره لاني عمري ماشتريت كوليهات وبالنسبه للخواتم انا مدمنه وهموت واشوف صور حاجتك مليش دعوه هه هههههه
صحيح ياعيال انا شوفت في محل عندنا لفات طرح سبانش جاهزه حاجات بناتيتي موت وشكلها فظيع كنت هموت واشتري بس هستني علي اللبس الجديد ان شاء الله المهم اللفات دي الواحده ب135 او 115 وارخص حاجه كانت 95 جنيه انتو ايه رايكو ؟وفيه حد منكو جرب لفات جاهزه قبل كده؟
اميره انا جالي دلوقتي بدي لونو احمر من بورسعيد ب45جنيه وحلو اوي عليا مش مبين الزياده الي عندي في البطن خالص اصل صحابنا لما بيشترو حاجه وتطلع كبيره عليها بقو بيجيبوهالي عشان انا اتخن وحده دلوقتي ههههههه قولولي بقا البس تحتها بدي اسود كارينا ولا ايه؟بس اصلي دراعاتي مليانه يعني عايزه لون ميبقاش مبين تخنهم ها؟