النفس المطمئنه متشتركي معانا في جروب الشعرالجاف احنا عندنا خلطات مجربينها حلوه اوي
اندومى كدة برده هتحكمى علياوكمان الشعر الجاف مش لازم يكون فاتلته خشنه ممكن يكون ناشف بس الفاتله بتاعته ناعمه شويه وانا كده بس بحب احافظ عليه عشان كده حبيت اشترك معاكو النفس المطمئنه بالنسبه للبطن بيقولو ان اهم حاجه التمارين بس لازم تستمرى عليها فترة باستمرار من غير توقف وفى وصفه حلوة للبطن وهى لدكتور اسمها ايمان كامل كانت بتيجى على الفضائيه المصريه وهى بذور الكتان بتقول انها مفيده جدا للبطن والارداف والجزء الاسفل عموما وبتسلعد على التخسيس وانا دلوقتى باخدها عشان المحافظه على الوزن بذور كتان +كمون +عين الجمل بكميات متساويه وتوخذ قبل الاكل بنصف ساعه بس انا باخد البذور لوحدها على الريق عبير ان شاء الله تخسى وترجعى زى ما كنت واحسن يا قمر وبالنسبه لشعرى انا فعلا بقص الاطراف كل فترة
اندومى على فكرة اوحش حاجه هو الدايت الكيميكال وده اسهل حاجه تخليكى تتخنى بسرعه بعد الدايت انا كنت بعمل الدايت بتاع الهرم الغذائى وده احسن حاجه النزول بالراحه بس بيريحك بعد كده ومبترجعيش للوزن بسرعه ولو عاوزين الدايت الى كنت بعمله ممكن اقولكوا عليه
والله يا اندومي بقيت اخاف استعمل اي حاجة لان اللي بهدل شعري قبل ما اتجوز اني كنت بحط حاجاااااااات غريبة ... على اساس انه يتعالج وللاس باظ ... فبيني وبينك خايفة احط عليه اي حاجة ... بس هاشترك ان شاء الله مدام انكم بتشكروا في الحاجات دي وبتقولي انها مجربة ... وايت انجل ... معلش ممكن فعلا تقوليلنا الدايت بتاع الهرم الغذائي دا ... وياريت معلش تقوليلي اكتر على موضوع بذرة الكتان ... انت بتشربيها ولا بتاكليها بالمعلقة يعني ...انا عشان مش اكدب عليكي اسمع انها غلط فترة الرضاعة ... لانها بتنزل في اللبن للبيبي ... بس انا عايزة اعرفها عشان ان شاء الله بعد الرضاعة ...يعني ممكن تقوليلي الوصفة بالظبط وانت نفسك بتعملي ايه بالظبط ... والف شكر ليكي يا قمر على اهتمامك ...انت وباقي القمرات
النفس المطمئنه ايوة فعلا هو انتى مينفعش تاخدى حاجه خالص وانتى بترضعى وانا عن نفسى باخدها معلقه على الريق الصبح بالماء وبالنسبه للدايت هبقى اجيب الورقع بتاعته وانقولهلكم ان شاء الله
بصو يا بنات هو ده الدايت الى كنت ماشبه عليه الافطار كوب شاى باللبن خالى الدسم نصف رغيف بلدى ومعاه سلطه خضراءومعاهم 3 ملاعق فول او 2 بيضه مسلوقه او قطعه جبنه قريش الغداء نصف رغيف بلدى او 6 ملاعق ارز او مكرونه ربع فرخه او 2 شريحه لحمه او 2 سمكه طبعا اما مسلوقين او مشويين او فى الفرن سلطه خضراء وخضار مطبوخ نى فى نى العشاء نصف رغيف بلدى سلطه خضراء ومعاهم قطعه جبنه قريش او جبنه نستو لايت او بيضه مسلوقه او علبه زبادى ممكن بين الوجبات تفاحه او كمترى او خوخه او برتقاله او موزة او شريحه بطيخ او كنتالوب الممنوعات جميع انواع الحلويات
اللبان اللب السودانى المخللات المياه الغازيه البطاطا البطاطس الفينو لانشون البسطرمه جبن رومى القلقاس البسله الترمس الاوز البط الحمام الكلاوى الكبده القوانص
يسمح بتناول معلقتين سكر فقط فى اليوم المشى نصف ساعه اذا امكن مسموح بتناول شاى القهوة ينسون النعناع ليمون الكركديه مياه الغازيه لايت يمكن استخدام بدائل السكر شرب الماء على الاقل 8 اكواب يوميا
وحاولو تجربوة وان شاء الله تخسوا كلكوا يا رب النفس المطمئنه انا عارفه ان اهم حاجه فى الرضاعه المياه فحاولى تشربى مياه كتير وتكترى من الفاكهه والخضار وان شاء الله تعملى الدايت بعد الرضاعه ويضبط معاكى ولو اننى عارفه ان فيه انواع دعيت ممكن تنفع للى بترضع بس لازم مع دكتور طبعا عشان البيبى ربنا يخليهولك يا رب حمزة مش كده
هههههه وايت انجل ده انتي حبيبتي واكيد بهزر معاكي ياقمر اه انا عايزه اعرف بردو حكايه بذور الكتان دي والدايت ده شكله حلو وسهل اوي بس مش فاهمه قصدك بكلمه انو نظام الهرم الغذائي يعني انا الدكتور كان بيديني يااما نظام كالوريس سعرات غذائيه يعني او نظام كيميكال بس مسمعتش عن نظام هرم غذائي وكمان هو انتي كنتي بتستمري عليه فتره قد ايه وبتعملي نظام تاني بعديه ولا ايه؟وبتخسي عليه قدايه في الاسبوع النفس المطمئنه بدامك جربتي حاجات علي انها بتصلح وبوظت يبقا لازم تقوليلنا عليها عشان منغلطشي غلطتك واحنا هناك بنفيد بعض كلنا واسالي وايت انجل