عبير متخافيش انا رغايه في الفرح والاكتئاب مش هتخلصي من رغيي ابدا هههه
نواره برنسس والله اديتينى امل احسن انا متعقده من وزانى جدا خصوصا انى مش بخس مع الرجيم لوحده لازم اعمل رياضه وطبعا لا فى وقت ولا ظروف ولادى تسمح انى اسبهم ربنا يعنى بقا لا اندومى انا اقصد تعملى فير او استشوار حاجه تغير كده علشان تكسرى الملل برنسس يا ريت تكتبى اسماء المحلات علشان انتى عارفه الواحد لما بيكون مش من البلد بيدور كتير
اندومى ربنا يجعل ايامك كلها فرح يا رب وما نبطلش رغى برده ههههههههههههههههه
بنات ازيكوا صباح الفل على عيونكم جميعا برنسس انتى كمان بتوحشينى اووووووووووى متجبيش بقى خالص بصو يا بنات بالنسبه لموضوع التخن ده عشان ده بجد مشكله وخصوصا فى الصيف ولبس الصيف بيبين الوزن خالص المهم انه مفيش حاجه صعبه يعنى الى عايزة تخس ان شاء الله بتخس اهم حاجه الاراده انا بعد الجواز طبعا زدت فى الوزن وكنا مرة فى المصيف قلت لمل اوزن نفسى بالصدفه وفجأ’ كانت الصدمه لقيت وزنى 89 طبعا مكنتش حاسه ان وزنى زاد اوى كده او مكنتش حطه موضوع الوزن ده فى دماغى خالص بس قلت لا لازم اخس بعدين رحت لدكتور وعملت معاه دايت وفعلا نزل وزنى الحمد لله بس كنت ملتزمه جدا ودلوقتى انا وزنى مبين 66 و68 ومحافظه عليه الحمد لله وطولى 165 سم يعنى كويس الحمد لله وعلى فكره انا كان كل الى يشوفنى يقولى هتخسى ليه ده انتى مش تخينه خالص بس طبعا ده من وجهه نظرهم بالنسبه لاصحاب الوزن الجامد جدا وكمان حبيت اخس عشان جوزى هو مبيحبش التخان بس بصراحه عمرة ما قالى انت تخنتى خالص يعنى الراجل زوق زوق خالص قلت بقى لازم انا يكون عندى دم هو عشان مبيقولش هسوق انا فيها وكمان الواحده لازم تملى عنين جوزها مش كفايه الى بيشوفوه فى كل مكان
اما بقى بالنسبه للشعر فانا شعرى طويل وملمسه مش خشن هو فتلته ناعمه بس فى الصيف بحس انه هايش اوى فى الشتاء بيبقى تحفه حد كده ولا انا الى حاله خاصه المهم مرة قولت اروح عند سحر افردة والكلام ده كان من زمان خالص قبل ما اتجوز بكتير كنت لسه عيله بس تقولى ايه بقى المهم عملته هو فعلا اول ما تعمليه بيبقى شعرك تحفه وبيلمع وجنان بس بعد كده بتلاقى الجذور فى وادى وباقى الشعر فى وادى تانى بس معملتوش تانى خالص وبحاول انى اعمل زيوت وحمامات كريم احسشن وافيد للشعر وفعلا شعرى طول وبقى كويس هو صحيح بيغلبنى فى الغسيل واللف بعد كده بس مصممه انى مقصهوش خالص
وايت ما شاء الله عليكيربنا يسبتك بس انتى عارفه انا كانت مشكلتى انى حملت وارا بعض مع عدم ممارستى اى رياضه ده سبب عندى زياده فى الوزن بس انا ان شاء الله ناويه انى اخس وارجع لوزنى السابق خصوصا انى خلاص فطمت بنتى بس انتىلازم تقصى شعرك من فتره الى اخرى حتى يتجدد نشاطه
سلاااام عليكم ...ازيكم يا قمرااات ... يااارب تكونوا بخييير كلكم ...بالنسبة لموضوع الوزن دا انا مضايقني جدا موضوع البطن ومش راضية ترجع زي زمااان خااالص ... وبحاول اعمل رياضة بس بصراحة مش مواظبة اوي غير اني مش بعمل كتير غير اني بارهق طول اليوم من ابني فباجي على بالليل خلصانة ومش قادرة خالص ... فبالله عليهم اللي يعرف علاج للبطن يقولي لاني بتضايق جدا من التخن وعايزة الحق نفسي لان جسمي عمال يفرد ودا اول ابن ليا ... ومش عايزة بقى بصراحة اتخن اكتر ونفسي ارجع احافظ على جسمي تاني ... اما بالنسبة للشعر انا كان شعري قبل ما اتجوز طوله حلو ما شاء الله ...رحت لكوافيره تساويهولي ...عينكم ما تشوف الا النور ... قصيتيل نصصصصصه ... وقالتلي انت شعرك خفيف جدا ... وهووووووب قصته ...... طبعا من ساعتها مش راضي يرجع تماما ...ولا ربعه حتى ...دا اولا ...بس الحقيقة انا فعلا شعري خفيف جداااا ... وطبعا بعد الحمل والولادة والرضااااااعة كانت مأساة بقى يقع بطريقة فظيعة وانا مبقاش عندي وقت الفه او كدا ... فقصيته كاريه عشان اريح نفسي وكنت صايغاه قبلها فقلت لما تسحب الصبغة بقى باذن الله واعالجه واخلص رضاعة وبهدلة وهوا يرتاح شوية ...ممكن ابقى احاول اسيبه يطول تاني ... يعني دلوقتي كل شوية اروح اقصه لان فعلا معنديش وقت دا اولا ...غير الحر الفظيع وانا بتحررررررررررررر جدااااااااااا ... غير انه مجهد جدااااااااااا من الصبغات والغسيل واللف ... والعمايل ... بس ويااارب ربنا يقدرني وارجع زي زمان واقدر ارجع زي ما كنت بنت وبطني ترجع زي الاول ... بالله عليكم بما انكم ولدتوا قبل كدا قولولي ازاي اقدر ارجع بطني لانها فعلا مضايقاني جداااااااااا ...
نسيت اقولكم ان شعري طبعا بقى ناااااشف جدا دلوقتي وانا بحاول اعمله حمامات كريم ولو اني برضو حاسة انها مش فايداني اوي ومش عارفة اخليه طري ازاي ...لانه فعلا مجههههههههههههد ومقصف وحاساه جاااف ...
وايت انجل طلعت خاينه داخله جروب الشعر الجاف وهي شعرها حلو نعمل فيها ايه دلوقتي؟ولا نسيب الحكم للجروب هناك وهو يتصرف معاها؟قولو يلا نحكم عليها بايه؟
انا بقا لبسي السنه الي فاتت كان ديق جدا عليا وانا رفيعه السنه دي بقا انا بقيت الضعف يعني فيه حاجات مش بتدخلي اصلا ودي حاجه مخلياني مش بنزل من البيت تقريبا وقالبه كل صحابي حتي فيه بنات بيمرو بازمه مع اجوازهم او اهلهم وميبقوش عارفين يتكلمو في التلفون معايا ويتحايلو عليا اروحلهم ومش برضي وبتحجج باي حاجه وبديهم مواعيد وافرقعها واطنشهم خالص بعدها عشان ميفكروش يجيولي البيت خالص لاني ولا شعري ولا حجمي متظبط احلها ازاي ياعباقره؟عندوكو دايت كويس ومياثرشي علي شعري وبشرتي ؟لاني عندي انيميا من الدايت الكيميكال ومقدرش اعملو تاني