السلام عليكم: ازيكم يا حلوات؟ يا رب تكونوا كلكم بخير. بصي يا تاتا, بالنسبة للميعاد اللي كتبتيه, هو للأسف مش هاينفع معايا, لأننا خلصنا الامتحانات ورجعنا تاني بنروح المدرسة من 8 الصبح لحد 12,30 الظهر, بس ده ان شاء الله من الاسبوع القادم, لأني الاسبوع ده اجازة, وربنا يوفق الجميع.
صباح الفل يابنات لسه محدش لبى الطلب احنا هانبتدى من الاول بالكسل يلا عاوزين نشاط وهمه
السلام عليكم: ازيك يا تاتا ايه اخبارك؟ يارب تكوني بخير. بالنسبة لسؤالكم في الرسالة انا فعلا مدرسة بنظام التعاقد, مدرسة دراسات اجتماعية في المرحلة الابتدائي, وفي انتظار ان مكان يبقى خالي في الاعدادي عشان اتنقل فيها ان شاء الله.
وبالنسبة لموضوع المفرش الصراحة باترونه مش عندي للأسف.
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ واضح انك خرجت.
لا انا موجوده بس افتكرت انك نش هاتدخلى دلوقتى والله كويس لاقيت مدرسه مثلى بس للاسف انا ماباشتغلشى مش لاقيه شغل معندكيش شغل لى انا نفسى والله اشتغل انا خريجه تربيه فرنسى
الصراحة يا تاتا مش عارفة تخصصك مطلوب ولا لأ, بس هاقولك على حاجة, من اول الشهر الجاي ان شاء الله روحي اسألي في مديرية التربية والتعليم اللي في عبده باشا على اذا طالبين مدرسين فرنساوي ولا لأ, واعتقد انك ممكن تشتغلي مدرسة انجليزي, صح؟ المهم روحي شوفي كده, يا فرنساوي يا انجليزي, وهما لعلمك بيبدأوا يشوفوا العجز في ادارات القاهرة من اول شهر 6, عشان على ما يتقدم ناس وهما يختاروا بتنزلهم العقود من اول شهر 9, ربنا يوفقك ان شاء الله يا قمر.
بصي بعد ما تروحي شوفي هايقولولك ايه وابقي قوليلي, بس بالمناسبة انت ساكنة فين؟ يعني انا ساكنة في حي المطرية, وده ماشاء الله الكثافة فيه عالية جدااااااااااااااااا, وعندنا عجز تقريبا في كل المواد ماعادا الرياضة, لسه شوية على ما يبقى فيها عجز, لو انت ساكنة في مكان الكثافة فيه عالية ان شاء الله هاتلاقي مكان, خصوصا انك تربية, بس الاهم انك تروحي تسألي من اول الشهر الجاي, اصل الناس اللي هناك في المديرية دول رخمين, يعني مثلا هما طالبين 400 مدرس على مستوى القاهرة في تخصصات مختلفة من اول الشهر لمدة اسبوعين, لو هما شافوا ان اتقدملهم ال400 دول في اول 4 ايام مثلا يقوموا قافلين باب التقديم على طول ويقولوا انهم استكفوا, فهما لو قالوا ليك على ميعاد معين روحي من اول يوم, ولو تعرفي تروحي قبلها باسبوع تتأكدي روحي وهايكون احسن, وان شاء الله موفقة.
صباح الخير شكرا ازهريه على الرد وهاشوف كده وهابقى ارد عليكى
تاتا صبح الخير ياقمر معلشى اعزرينى بجد مشغوله بس اعرفى انى عمرى ما تاخر عنك