تاتا ما شاء الله عليك .. الله يدينا همتك ويحميك من العين أنا درست التريكو في المدرسة بس ما حبيته .. ولا أفكر أشتغله الآن نهائيا .. مافش مقارنة بينه وبين الكروشيه .. أحكيلك على مشروعي لمن سافرت شفت أكشاك أشكال ألوان في ماليزيا يبيعوا كل شي .. ولاحظت في بعضها شغلات كروشيه جدا جدا سهلة عاملين منها ميداليات للمفاتيح وزينة للجوالات وشنط صغيرة جدا للموبايل والأقلام وكل شي .. وبيكسبوا دهب .. الصراحة أشتهيت أعمل فكرة مشابهة .. وأشتريت علبة مقسمة وقلت أعمل فيها مجموعات مثلا ميدالية نفس الشكل بس كل وحدة لون والعلبة التانية شنط جوال نفس الشكل والألوان مختلفة .. وقعدت أدور على الحديدة تبع الميدالية بالجملة بس ما حصلت ..واللين ألقاها حأعمل حبل بالسلسلة وخلاص .. بس الى الآن ما بدأت .. مشوشة بين كذا مشروع وخصوصا موضوعات المنتدى لأنه في ناس قاعدة تستنى .. وأموري في البيت ملخبطة وشغالتي مو راضية ترد .. الله يستر .. أنا خايفة في الآخر ما أسوي ولا شي .. بس وسلامتك هادي كل الحكاية
اذا أتأخرت عليك في الرد لا تطفشي لأني ناوية أقوم أشتغل في البيت شوية وأرجعلك أستنيني
وعليكم السلاااام أخت المحبة مو انت اللي هناك ولا أنا غلطانة ؟؟ اي نعم انا اللى هناك إن شاء الله أكون أنا اللي جبتك لهنا .. لا بس انا كنت اشوفكم من زمان وكنت ابى ادخل مجموعة بس ما كنت فاضية بس انتى يوم دخلتى مجموعة الحافظات تذكرت مجموعة طلبات الكورشية فدخلت يا الله انا مشغوله مع السلاااااامه
يا هلا بيكي أخت المحبة هنا وهناك تعرفي اش مشكلتنا .. انه الموضوعين هدول بالذات يحتاجوا وقت طويل وتفرغ وصعب تجمعي بينهم اقصد القرآن والكروشيه .. اش رأيك انت ؟؟ كيف تقدري تجمعي بينهم ؟
فينك يا تاتا ؟؟ أنا رحت غسلت الحمام الله يكرمك ورجعت وانت ما رديت .. برضه فصل النت عليك ؟؟ الله يصبرك
وصعب تجمعي بينهم اقصد القرآن والكروشيه .. اش رأيك انت ؟؟ كيف تقدري تجمعي بينهم ؟ مافى صعب انتى لوو عندك الارادة القوية تقدرين تجمعين بينهم لوو اردتى واذا قلتى صعب وانا ما اقدر فبيكون لك صعب وهو سهل جدا فهمتى حبيبتى وسلاامى لك
انا مش بعرف تريكو يا تاتا للاسف شكرا على المساكات دى عجبتنى
كيفك يا أسماء ؟؟ اش في يدك دحين ؟؟ أنا لسة الى الآن ما مسكت الصنارة .. بس في السفر كنت بأعمل شنطة مكياج صغيرة والظاهر اني ما راح أكملها .. لأني بدي أكمل بطوط ان شاء الله اللي في ورشة الألعاب
الحمد لله بخير مشغولة شوية بس
أنقذوني يا مجموعتي .. أنا في ورطة كبيرة .. اذا كنتو شفتوا موضوعي ( اللي حابة تشتغل معايا تتفضل ) البترون اللي عندي صارت الصورة مشوشة ومني قادرة أقرا البترون .. ونسيت من فين أخدت الصورة .. والمشكلة اني وعدت الناس اني راح اكمل الشرح .. في احد عنده البترون ؟؟ ألحقوني بيه الله يخليكم ..
