سلام عليكم جميييييييعا ام نور الف سلامة على نور شفاها الله وعافاها رونا وام فاطمة انا سمعت الشيف شربينى بيقول ان الكريمةاللبانى هى الطبقة الرقيقة اللى بتكون بين اللبن والقشدةاو وش اللبن زى م بنقول والكريمة اللباني يابنات ممكن نستبدلها فى الاكل المالح مش فى الحلويات بكوب حليب مدوب فيه ملعقتين دقيق
السلام عليكم ورحمة الله وبركاته اختى roona ا انا لما كنت فى اسكندرية كنت بشيل وش اللبن ونعمل منه زبدة وبعدين نسيحها وتكون احسن سمن بلدى بس معلومة الكريمة اللبانى ماعندى فكرة احتى ام نور كيف حالك الف سلامة على نور شافها الله وعافها واجرب اشيل الخضرة فى كيس قماش
صباحكم فل وياسمين
صباح الخير يا احلى مجموعة انا جايز مش بشارك بس كل يوم الصبح لازم ادخل واعرف ايه الجديد بجد الواحد اتعلم منكم كتير جدا وخصوصا موضوع تفريز الأكل ده وابتديت فعلا اجرب انا عاوزة اسألكم سؤال انا امبارح عملت مكورنة بالبشاميل وسيبتها فى التلاجة للنهارده لحد ما اروح و اسويها فى الفرن تفتكرو ممكن يحصل حاجة تانى حاجة بقى معلش عاوزة منكم مساعدة صغنونةةةةة خالص انا كل يوم بروح من الشغل الساعة 6 بحاول انظم وقتى ومش عارفة ياريت تساعدونى فى الموضوع ده انا مثلا كل اسبوعين بجيب واحد تنضف معايا الشقة بنشيلها كلها وانا بين الأسبوعين دول بنضف من على الوش واغير الملايات كل اسبوع وطبعااااااااا ضرورى التهوية كل يوم بس حاسة انى تايهة فى باقى الحاجات وخوصوا الأكل قوللى اعمل ايه عشان اعمل الأكل واشيله وجوزى مش يكتشف انه بايت واضحك عليه
مساء الخير ميرو بالنسبة للمكرونة طالما حطتيها في الثلاجة علي طول بعد ماخلصتي اكل بالهنا والشفا وغطتيها مش حايجري لها حاجة بس انتي قبل االاكل بشوية تطلعيها تهدا من برودة الثلاجة وتكوني مسخنه الفرن وبعدين تضعي في الفرن الكمية التي ستاكلينها بالنسبة لموضوع التوهان بالتدريج تحاولي تنظمي نفسك ممكن تفرزي الخضروات وممكن لما تفرزي الطماطم تنوعي فيها مثلا تفرزي جزء للمحشي بالبصلة والخضرة يعني لما تطلعيا يادوب تحطي الارز وتحشي وجزء ممكن تعمليها للطبيخ السريع مثلا تصفري البصلة وتضعي عصير الطماطم وتتركيهم يتسبكوا - وتفرزيهم كميات صغيرة علي قد طبختك - يبقي لما ترجعي من الشغل حاتطلعي الطماطم المسبكة وتحطي لها شوية شوربة وتغلي ثم تضعي فيها نوعك من الخضار المفرز - وبكده تبقي عملتي الاكل بدون ماتستني ان الاكل يتسبك وان شاءالله الاخوات الموظفات اكيد حايفيدوكي ازاي تقسمي وقتك وتنظميه وربنا يوفقك
شكرا يا جميلة على مساعدتك لى بس انا عملت المكرونة من غير ما اسويها وحطيتها فى التلاجة قلت عشان اما اروح اسويها وناكلها طازة انشاء الله بالنسبة للطماطم انا فعلا بعمل كده واما بجيب اللحوم اول الشهر بقف وا اتبلها حسب احتياجى بس مش عارفة ليه حاسة انى لسه مش عارفة انظم وقتى وحاسة انى لو نظمت وقتى هوفر كتيررررررررر جدا
انا فعلا يا جماعه حطيت الخس والكسبره في قماش وسبتهم في رف التلاجه فضلو فريش زي ما هم
السلام عليكم يا بنات عاملين اية يا رب تكونوا كويسين ميروا ازيك ايجيبت سيسترمنورة يا قمر جميلة ونور وباقى القمرات ازيكم كلكم
هدية لكل ام
ازيكوا ياجماعة وحشتونى معلش انشغلت شوية ومكنتش بدخل كتير واكيد نسيتونى ههههههههههه اولا الف سلامة على نور ياام نور ثانيا يابنات شايفة كلام عن الكريمة اللبانى فعلا ياريت حد يفهمنا هى ايه بالظبط لانى مش بلاقيها عندنا ومرة بعت للبان فبعت لى كوبيات زبادى وفيها قشطة ال هى بتتكون فوق اللبن قبل غليانه ال بيكون متواجد فى البراد الاستانلس الكبير ال عند اى لبان بس مكنتش حلوة ياترى هى دى فعلا ولا فيه نوع تانىىىىىىىىىىىىىىى اما قشطة اللبن الحليب فانا بجمعها بكميات فعلا فى الفريزر وبعمل منها احلى سمن بلدى وهى ال بستخدمها فى اى حلويات او معجنات بعملها وانا نزلت طريقتها هنا فى المنتدى ولو حابين تعرفوا الطريقة اجيب لكم اللينك بتاعها وبالنسبة للورقيات زى الخس والبقدونس والشبت والكسبرة وكدة انا فعلا بحطهم فى قماشة نضيفة ودى ماما الله يعطيها الصحة هى ال علمتهالى وفعلا بتحافظ عليها فترة طويلة فى التلاجة وهى محتفظة بنضارتها سلامى للجميع نفر اية نفراية(علشان احنا مؤنث صح ههههههههههه)