الجمله دي بتتقالي كتير والله يام نور ومع كده بساله مش يمكن نفسه فحاجه هههههههه بصراحه انا بحبه يشارني فكل حاجه حتى لو هوه بيعملها وهوه مش عايز بس بحب البيت الي في مشاركه علشان الاولاد كمان يتعلموا
انا فعلا زي موني خصوصا الفترة الاخيرة رجيم في رجيم لان جوزي ماشي على نظام واحنا بنشجعه فغالبا الاكل بيبقى معروف لحوم مشويه خضار وسلطه اما السمك فعلاببقى نفسي اغير بس مبحبش المجمد وبستنى لما حد يلاقي سمك حلو او ينزل اسكندريه علشان اعمله في الاوقات العاديه بحب اعمل يوم مخصوص للبيتزا والمعجنات ويوم بقولياتيوم فراخ مشويه يوم محشي علشان منزهقش كده
بيبى حبيبتى طبعا اكيد المشاركه جميله بس فرض الراى حلو برده خخخخخخخخخخخ يعنى اعملى بصاره وقوليله مفيش غير كده انا سالتك ورديت عليا بكذا هههههههه ممكن بقى بعد كده يقولك ربنا يسعدكم دايما حبيبتى
معاك حق والله ربنا يكرمك يارب ويسعدك وتشوفي نور عروسه
ازيكم يا بنات عندكم حق انا جوزي كل لما اسالة تاكل اية يقولي اي حاجة نفسي اخترع طبخة اسمها اي حاجة ولما يقولي كدة اعملهالة عشان يحرم هههههههه مفترية صح فعلا كلام مون في عمل جدول اسبوعي انا مشيت علية شوية وكان بيسهل عليا اوي بس للاسف مستمرتش كتيييير ورجعنا للحوسة تاني
لاياقمر مفتريه ايه وهيه المشكله زي مقلت الاستمرار بس طالما المنتدى ورانا كل يوم تشوفي وصفات تجنن تقلبلك المخطط كله هههههههههه
السلام عليكم حبيباتى مبارك علينا التجمع الجميل والفكرة الرائعة ومشكورين على دعوتى وأكيد بأشارك معاكم مؤخرا بدأت أحاول أعمل كل شئ بالبيت من ناحية إنه أوفر وكمان من ناحية النضافة ومعرفة المكونات ... لأنه فى البلاد الغير مسلمة الواحد بيخاف وبيلاقى حاجات غريبة كتير ومكونات عجيبة ... أسأل الله لنا السلامة طبعا العيش بأحاول أعمله فى البيت الشامى وشبيه البلدى والفينو ( أبو 15 قرش برضه) هههه وأخيرا الفرنساوى وطبعا لا أنسى فضل حبيبتى أم هيا على فى عمل الزبادى البيتى رووووعة أنصحكم تجربوه واليومين دول أنا بصدد تجارب عديدة لعمل الأجبان .... أتمنى إنى أفلح فيها وأنزل لكم وصفات منها بالنسبة للخضار هنا بأجيبه من المحل العربى لكن للأسف بيكون غالى موش بتمن المجمد... هنا المجمد أرخص بكتير بالنسبة للأولاد فعلا بأحاول أحط لكلواحد كمية قليلة على قده مش كتير ومع هذا ممكن قوى يتبقى منهم فى الأطباق وأكره الرمى وعلشان كده أنا بألم وراهم فى البلاعة ( اللى هى بطنى أنا طبعا) وده بيتسبب بقى فى زيادةالوزن ...لكن بأقول إن شاء الله ربنا موش هيتخننى لأنى بألم ورا ولادى علشان ما أرميش حاجة أمى حبيبتى زمان كانت تقول لى اللى يرمى لقمة تجرى وراه يوم القيامة هههههه
ازيكم يا قمراااااات انا كمان عاملة شبة جدول بينى وبين نفسى .اولا باعمل اغلب الاكل ليومين( لحمة وخضار ليومين 0اعمل صنيتين فراخ اسويهم على يومين0اعمل كفتة يوم وتانى يوم كفتة داود ويوم فى الاسبوع بيتزا ومعجنات وفى الشتا يوم كشرى مصرىلان مش بناكلة فى الصيف وطبعا لازم يوم سمك فى الاسبوع)واكررعلى هذ المنوال (حلوة المنوال دى)على فكرة ياام نور انا كمان ليسانس حقوق بس مش شاطرة زيك يعنى مش محامية خالص يعنى اهم حاجة يكون عندى اصناف اللحوم دى فى الفريزروانا بانوع جنبها الاكلات وده بيريحنى. والحمد لله مش بيكون عندى مشكلة فى اختيار الاكلات وده بيخلينى لا اسال زوجى ولا حاجة لان زى ماانتو عافين مش بيريحوا خاااااااالص ربنا يهديهم هههههه
السلام عليكم حبيباتى بعد ان اصبح الغلاء كالمارد يتضخم يوما وراء يوم .اصبح لابد من وقفه مع النفس وتغيير اسلوب الحياة تماما . من هنا لازم نتفق الاول :يعنى ايه توفير من وجهه نظركم ؟...التوفير عندى دة ...طريقه تفكير واسلوب فى حياتى ...التوفير لا يعنى ابدا البخل ولا الحرمان بالعكس ...هو حفاظ على نعمه ربنا من التلف و اموال ازواجنا وطبعا عارفين قد ايه بيتعبوا فى اعمالهم . كل شىء فى حياتنا لابد ان يندرج تحت بند التوفير
بنود التوفير الماكولات - الحلويات - الخضراوات - اللحوم - الملابس - التجميل - المواصلات - التنظيف- المخبوزات - اماكن الشراء باسعار معقوله - اعادة تدوير الاشياء المهمله فى البيت والاستفادة منها فى عمل شىء مفيد -الخروجات والنزهات - المجاملات الاجتماعيه - ايه رايكم نبدا نتكلم فى كل بند منهم بالترتيب ونحاول نضع كل افكارنا وخبراتنا اللى تخص البند دة ؟؟؟ بحيث نقدر نحقق اكبر قدر من الاستفادة فيما يخص كل بند على حدة
