ماشاء الله كل الحبايب مجتمعين اللهم صلي على محمد يلاام نور نبدتي نقاشنا وتبادل خبرتنا بيه ؟؟ اتفضلي ياقمر
يلا نبدأ و الا هنستنى المجموعه تكبر
اهلا اهلا بالاخوات الجميلات جميعا حنحاول نبدأ والاخريات يلحقونا ان شاء الله شوفوا اخواتى عاوزين نتكلم عن موضوع بيشغلنى كتير اوى اوى وهو ازاى تقدرى تبقى فنانه فى الطبخ بس باقل التكاليف ازاى توفرى لبيتك ولزوجك وتستفيدى اكبر استفاده من الوقت والمال والمجهود ايه رايكم نتناقش
بشكرك يا ام نور على دعواتك الكريمه انا فكره بسرعه لما بقدم الاكل للبنات مثلا زى الارز بعمله فى قطاعت البسكوت وكل يوم شكل غير اللى قبله وكذلك الخضروات والسندوتشات بقع التوست والجبنه او لانشون بنفس مع خيار او جزر بنفس القطاعه واحطهم على بعض بيكون شكله مغرى وكمان مش مكلف
بصراحه وعلشان الامانه انا شفت موضوع لاخت معانا فى المنتدى عملاه فى منتدى تانى كان عنوانه التوفير كمنهج تفكير واسلوب حياه الموضوع قريته وعجبنى جدا فيه تجارب واراء وفوائد ولذلك حبيت نبدا مجموعتنا بيه انتوا شايفين الغلاء عامل ازاى عاوزين نرفع رايه نعم للتوفير كمبدا عام وفى نفس الوقت بعيدا عن البخل او الحرمان ولا للاستسلام للغلاء
فكره حلوة يا ام نور وفعلا الغلاء فى كل مكان دلؤقتى واقتصاد العالم فى الانخفاض ويا ريت نعرف تجارب بياقى البنات حتى نستفيد زى مثلا بدل ما نشترى بانيه جاهز ممكن نعمله احنا فى البيت يكون اوفر وكمان انضف وكمان البفتك والكفته والفطائر الجاهزة مش فاكره حاجه دلؤقتى هجمع افكرى واقولكم
انا شايفه ان بأيد كل انسانه توفر لبيتها ورغم انى عزبته (يعنى مش متجوزه) لكن اداره البيت ماما سايبهالى وفى افكككككككككككككار كتير للتوفير
علشان يكون موضوعنا منسق لازم نحط نقاط ومبادئ نمشى عليها يعنى مثلا 1- لازم نتعلم ازاى نعمل كنترول على نفسنا فى عمليه الشراء 2-ازاى نعلم ولادنا ان مش كل حاجه عاوزينها نجيبها من منطلق انى مش عاوزه احرم ولادى من حاجه طبعا منحرمهمش انما ننظم العمليه يعنى مثلا منروحش نجيب انواع كتير كتير من الفاواكهه والخضروات لمجرد ان ولادنا عاوزينها وفى نفس الوقت الطفل ياكل قطعه او قطعتين والباقى يبوظ ويترمى ليه مننظمش العمليه كل اسبوع نشترى نوعين او تلاته فاكهه فقط والاسبوع اللى بعده نغير وهكذا 3-لما نشترى حاجه للبيت الافضل شرائها من الاسواق عن شرائها من المحلات لسببين الاول بتكون دائما طازجه وفى متناول الجميع الثانى بسعر اقل من اللى بتتباع به فى المحلات 4-فى حاجات نشتريها بالكيلو ونخزنها او بكميه ونخزنها مادامت لا تخسر ولا تبوظ بسرعه وحنحدد الاشياء دى بعد كده
5- مش اى عرض او اوفر يشدنا ويغرينا يعنى انتى ممكن تتغرى فى تمن الاوفر انما بنظره متأنيه حتقدرى تعرفى ليه السعر مغرى علشان يشدنا وليه يشدنا لان مثلا ممكن تلاقى العرض عباره عن تلت او اربع علب من منتج ما من ضمنه علبه مثلا مضروبه من الجنب ودى غلط اننا نشتريها او تلاقى مثلا باقى على انتهاء الصلاحيه شهر وكده مش حتقدرى تخلصى المنتجى يبقى انتى كده خسرتى مستفدتيش او يكون المنتج نفسه استخدامك له قليل جدا جدا جدا جدا يعنى مروحش اشترى عرض علب قشطه مثلا كتير ونا اصلا نادرا ما اكلها انا او اسرتى
صح يا روينا عندك حق حبيبتى بس مش كل انسانه عارفه ازاى توفر فى ناس فعلا عاوزه توفر بس العمليه بتخرج بره السيطره علشان كده عاوزين كلنا كمجموعه نقول اقتراحتنا وتجاربنا للتوفير علشان كلنا نستفيد