الف الف لا باس عليكي يا لولو نورتي يا قمر
ياسلام على ريحة النضافه بونكس ياريشه ربنا يباركلك ياايمي لخصت كل حاجه هقول بس حاجه صغنونه لما تنضفوا التلاجه وتنشفيها افرشي على الارففف المفارش البلاستيك بتاعت السفره بيبقى شكلها حلو ولما تيجي تنضفيها تاني يادوب تشيلي المفرش وتمسحي وتفرشي غيره سلامتك يالولو ياعسل
شكرا يا إيمي على الرد wbaby طيب مفرش السفرة لما يتحط على الرفوف مش يخلي التهوية داخل التلاجة مش كويسة؟ ولا تقصدي اللي هو المخرم ده؟
لا ياسوده العدي مش مخرم مفارش او اكياس السفره البلاستيك لاابدا مابتاثر على التهويه انت هتحطيها على الرفوف بس
هاجرب فعلا موضوع النفتلين انا امبارح فعلا شوفتهم حاطين حببيتين نفتلين في احواض الوضوء بس في استفسار عن النفتلين في السيفون هو انا لما احط نفتلين لما اجي اشد السيفون مش هايقع مع المية ولا ايه النظام ولو حطيته في شبكة او حتة شاش وربطها كمان شوية هاعرف اذاي اشيلها من السيفون علشان احط غيرها ؟؟
بصي يا جميل السيفون مش مفتوح عشان ينزلها هى انتى بتحطيها بترسى فى الرضية بتاعت السيفون انا باحدفهم فية وبيفضلوا لكن نظام الشاشه انا بحطها تحت الحوض مستخبية كدة وبطلع ريحه فهمانى لو فية حاجه أسألى ماشي ياقمر سودة لاشكر على واجب احنا كلنا هنا عشان نفيد بعض
ايمي ان شاء الله هاجربها وهاشتري فنيك في اقرب فرصة
رونا نفتالين ياحبيبتى مش فنيك السلوك دخلت ف بعضها اصل انا مش بحب الفنيك انا بموووووووووووووووت في الديتول وريحته
ميرسى يا قمرات ربنا يخليكم انا عملت حاجة بقى النهاردة وطلع نتيجة تهبل بجد عملت بخختين فيها دونى وشوية كلور وتايد بنسب مش كتيرة وديتول وخليت واحدة بالتواليت وواحدة فى المطبخ جامب الحوض لو حابة انظف اى حاجة بفوطة اخد رشة وامسح مثلا دولاب المطبخ او التلاجة ريحة النظافة تجنن وكمان بفوطة وعلى البوتجاز بقى يبرق ما شاء الله وكمان الفرن الكهربائى طلعت النتيجة تجنن روحت عاملة اية كمان اخدت رشتين كدة على فوطة السجاد ومسحت علشان الميكروبات والولاد بس الحمد لله نظفت حلو قوى الخلطة دية جربوها هتدعوالى وشكرا بجد يا ايمى على موضوع النفتلين جربتة وهشوف النتيجة ان شاء الله
لولو لاشكر على واجب انا كمان مجربة نظام الرشاش ده حتى كاتبة الوصفة دى فى صفحة رقم اربعه وفعلا بتخلي ريحة الشقة جنان علطول وهى استخدامك اليومى ربنا يدينا الصحة دايما ونبتكر عشان نخلى بيوتنا جنه طبعا هى جنه حلوة كفاية ان احنا فيها طبعا هههههه شوية غرور بقا