مرحبتين بالحبوبة ... ست الكل ماشاءالله معلومات قوية ومش عادية ، كويس مفيدة جداااااااً بالنسبة للصور اكيد نحتاج للجديد مش للقديم ... انا برأي الصور القديمة انديروها مجرد لقطات يعني مجرد مقارنة بطريقة Befour / After بطريقة بسيطة وقليلة باش توضح الفرق وتكون بالمطوية الأولى ... والا شن رايكم ؟؟؟ وعلى فكرة مطعم الحفرة يا حبيبة ( كان زمان ، الله يرحمة ) مشي في الإزالة
بريكة يا حبيبة ... رأيك حلوووو بكل الصور تكون خلفيتها زهر وورق حنة ... وبما انه راح نشتغل كذا مطوية اكيد راح يكون اللون مختلف يعني سادة والأخرى ببرواز وأخرى بصور المفروض يكون في اختلاف لجذب النظر وحتى الأغنية محلاها لو تكون ... يا ليبيا يا أرض الزهر والحنة / اجعل ترابك من تراب الجنة لكن للأسف الأغاني المسحوبة بالموسيقى ممنوعة بالمنتدى
المهم ... نجو للتقسيم باش الشغل يكون واضح ومرتب التقسيم راح يكون بهذا الشكل وحسب استعداد ورغبة كل وحدة حرة وست الكل ... طرابلس ابريكة وجي جي ... سبها عود قرفة / ومعها من لدية معلومات ... المنطقة الغربية الفالحة / ومعها من لدية معلومات ... غدامس ام هدولي و أريناس ... المنطقة الشرقية ( شحات ، درنة ، البيضاء ، بنغازي وغيرهم ) ملكة الرومنسية ... مصراتة وما جاورها حنان ليبيا ... على التصميم ( والا شنو رايكم ؟؟؟ ) أهم شي الرأي والمشورة والتفاهم الأخوي بينا ... باش يطلع موضوعنا عسل ومافيش مانع ... يلي لقت معلومات كويسة وواضحة في غير بحتها ترسلها للمعنية آه شن رايكم في التقسيم ... Go ahed >>>>>> والا شنووووو ؟؟؟ الحماااااااااااااااااااااااااااااااااااااااااس ابدي ايدير في مفعولة
السلام عليكم يا بنات معليشي خشيت على الخط و اني مش مشتركة معاكم لكن هذا ما يمنعش اني نعطيكم معلومة نستفيدو منها في المسابقة عندي صور لفندق البردي السياحي تم افتتاحه جديد و معلومة بسيطة عليها هو على الحدود مع مصر في مدينة طبرق لمن نبعت الصور لاريناس ولا مني ؟؟؟
اهلين بالفالحة ماشالله عليك نويشطة بالنسبة ليا التقسيم تمام هما عموما السبت اخر يوم للتسجيل وبعدها بيقولو كم مدة المسابقة وامتى تبدى بالنسبة لمطعم الحفرة بعد ما سكروه ردوه وقاعد يخدم توا انى ان شاء الله حنبدى نخزن الصور اللى تبوهم وبعدين نتفاهمو كيف نعطوهم لبعض سالو
صباح النور علي بنات بلادي ماشاء الله عليكن افكار حلوة بس اني سبها الصور اللي لقيتها قديمة بكل ماعدى طبعا قبر عون واو الناموس من قبل دايرة عليهم بحت ومنزلة عليهم في ركن السياحة صورهم حلوة ومزال جبال اكاكوس وياريت اللي تلقى صور جديدة عن سبها تبعتهم ليه
السلام عليكم ياغاليات أي مساعده فوتوشوب ياحبيبات أني معاكم
شوفو رد اختنا ورد علي استفسار الاخت ايلاف أهلا غلاتي إيلاف بالنسبة للمطوية خلاص مو ضروري يكون الموضوع عبارة عن مطوية إنتو ممكن تعملوا موضوع شامل عن بلدكم من صور وتقارير ومنتزهات وفنادق وممكن تحطوها في في خلفية تكون متناسقة مع موضوعكم هلأ احنا بس ابتدينا التسجيل لما نخلص التسجيل يوم السبت المقبل راح تبتدأو في التحضير للمسابقة وراح تتراسلون بينكم على الخاص ولما تخلصوا الموضوع ساعتها راح تراسلوني وانا الي راح كمل الباقي من تصويت وتنسيق وكل شي أي سؤال انا حاظرة ..
ابريكه وباقي الاخوات اني رايي انه هاليومين نبدو نجمعو في المادة اللى بنشتغلو عليها والسبت او الاحد نقررو كيف نتلاقو كلنا مع بعض او نراسلو بعضنا بالمواد اللى حصلناها انى هاليومين عطلة اخر الاسبوع ومرات نفضى في العشية بس النت ضعيف في الحوش عندي شويا في الديزاين حنحاول ندير فكرة
ما شاءلله الله واكبر على الحبوبات بلاد ببلادى ربى يوفقهم ان شاءلله
