بصي يا كوين انتي بتدفعي اشتراك هو 30 جنيه في السنة كلها وال30 جنية دول ممكن توفريهم و اكتر منهم بكتير مع اول اوردر تعمليه لانك لما بتعملي اشتراك بتاخدي الحاجة بخصم الربع عن سعر الكتالوج بس لازم تدخلي عن طريق اي عضو هناك هو اللي يدخلك بس الاول قوليلي انتي عندك فرع اورفلام في المحافظة بتاعتك اهم شيء
تقريبا لا
افهم من كلامك انه الاشتراك يكون فى فرع الشركة اللى فى البلد اذا وجد-امممممممم
ممكن حد يقولى ايه احسن البارفانات اللى جربها سواء من اوريفلم او من غيرها وكمان احسن كريم اساس يكون خفيف ويبان طبيعى ولو حد كمان يعرف سبراى الساقين ياريت يفيدنى
فعلا يا كوين لازم يكون في فرع للشركة جنبك عشان تروحي تجيبي منه المنتج بس مش عارفة اذا كان في شحن للاماكن البعيدة والا ايه واكيد لو في شحن فيكون السعر اكتر
انا عن نفسي يا مونمون استخدمت برفان رامبا الاصلي وعجبني جدااااا وفي من اوريفليم جورداني و في اكلا كمان حلوين وكمان عندي كريم اساس فيجن من اورفيلم بصراحة رائع وبيبان طبيعي جدا وكمان حتي مع العرق مش بيقطع علي وشي اما سبراي الساقين ده فبصراحة انا اساسا مش عارفاه وياريت تقولي عليه اكتر
ميرسى يا ام سلمى على ردك. سبراى الساقين ده انا قريت على النت انة حاجة زى كريم اساس بس للساقين يعنى بيخفى العيوب اللى فيها زى الحبوب او المسامات او العروق الظاهرة وبينفع فى المناسبات المهمة.وبس انا مش عارفة ممكن الاقيه فين فى القاهرة وهل هو فعلا كويس ولا ايه .يارب حد يكون عارفة وجربه
ازيكم يا حلوين انا لسه جديده هنا معاكم هتقبلونى ولا هتقبلونى ... بصوا انا اشتريت كام حاجه كده من ايفون الشهر ده كريم تاشا الجسم هوا حلو بس الريحه مش باينه فيه وكريم اساس color trend لسه مجربتوش وكريم للصباح بحمايه من الشمس 12 حلو اوى اسمه solution perfect tone ومزيل المكياج حلو بردو وبرفان مش فاكره اسمه بس مش عاجبنى هبقى اشوف اسم واقولكو عليه عموما هوا كان اخر صفحه فى الكاتلوج بس كده كفايه علشان طولت عليكو من اول مره كده
ازيك يا شموسة وتنوري يا قمر بس المشكلة ان المجموعة دي مفيش حد بيدخلها خالص مش عارفة البنات لما انا اشتركت باين سابوا المجموعة ههههههههههههه ع العموم انا مستنياهم وانا وانتي نتسلي علي ما يرجعوا بالف سلامة بس اوعي انتي كمان تهربي من المجموعة ههههههههههههه منورة يا قمر
بالنسبة لافون انا كنت باجيب منهم قبل ما اتجوز وبعدين بصراحة جربت اورفلام وارتحت فيها اكتر وحسيت ان منتجاتها احلي وما شاء الله مفيش منتج بجيبه الا لما بلاقيه كويس جدا ومبروك عليكي حاجتك يا قمر تتهني فيها ان شاء الله