مساكم فل انا أو كنوشي من السعودية معرفي هنا عاشقة البدر حبيت انضم لمجموعتكم ممكن تقبلوني
عاشقة البدر من سعادتنا انضمامك وانضمام اي اخت لمساعدتناومساعدة بعضنا ان الحياة تبقي اسهل ام خالد حبيبتي ربنا يديم محبتنا ام محمد وانتم كمان وحشتوني يارب ماانحرمش منكم
ام خالد سعيدة جدا بدعوتك والموضوع اكتر من رائع ربنا يباركلك يارب
اولا سعيدة اكون وسط اخوات ننصح بعض ونتعلم من بعض حتى لو من الحكاية نفسها اعرفكم بنفسي ايمي مصرية مقيمة فى السعودية انا وجوزى بس معنديش اولاد ربنا يرزقنى يارب انا وكل محرومة الحمد لله انا بقالي 6سنين متجوزة مفيش اللى هى المشاكل الكبيرة كلها الحاجات العادية اللي بتحصل في اي بيت بس عندى مشكلة بتبقاهى السبب فى اي مشكلة ألا وهو انا جوزى بيموت في الهزار وعلطول بيهزر وشوية يذيد شوية مايزيدش احنا هنا لواحدنا محدش معانا اضايق لو قالى حاجة قدامه بس المشكلة تكبر لما بننزل مصر وهى الهزار قدام اهلى واهلة محدش بيبقا عارف ان ده هزار هى دي بقا بتبقا سبب المشاكل عندى مع جوزى
اما المشكلة الأصلية عندى وهو مشكلة الحمل المشكلة دى مأرقة حياتى من غير دخل جوزى فيها هو عمرى ماحسسني ان ناقصنا حاجة ويقولى انا ما اتجوزتكيش عشان الحمل ودة بيتعبنى قوى يالا ربنا يرزقنى يارب واسعده واعوض صبرنا خير
حبيبتي --ايمي-- اسأل الله العظيم رب العرش العظيم ان يرزقك الزرية الصالحة عاجلا غير آجل يا أرحم الراحمين وأن يعوض صبرك خير بس جددي النية لله واياك ان تتكدري من هذا الشيء سيبيها عليه سبحانه وبالنسبة لهزار جوزك** بهدوء فهميه ان الهزار ده مضايقك بالذات لما بتنزلوا مصر وخليكي يا ايمي صبورة كدة ومش اي حاجة تضايقك اهم شيء انه بيعزك وبيحترمك
عاشقة البدر اهلا بيكي معانا منورة
ايمى انتى مقيمة فين فى السعودية
السلام عليكم جميعا ومرحبا بكم معنا قلبي معك ياايمي ادعو الله ان يرزقك بالذرية الصالحة التي تسعدك وتسعدنا معك وعليكي بالدعاء وانتي موقنة بالاجابة من الله عز وجل لان كل شيء قسمة ونصيب وقل لن يصيبنا الا ماكتب الله لنا وان شاءالله كله خير من عندالله وله في ذلك حكم عليكي ايضا مغرفة سبب هذا التاخير لانه من الممكن يكون سبب بسيط جدا اعملي اللي عليكي وسيبي الباقي علي ربنا الكريم بالنسبة الي زوجك انا مع راي الاخت ام خالد وايضا ممكن يكون سبب هزاره الزائد انه يضفي علي حياتك كثير من البهجة من وجهة نظره وانه يوءكد لك عن طريق غير مباشر ان مشكلة الانجاب لاتشغل باله وايضا عند زيارتك لمصر يبين ذلك ايضا للاقارب والاهل ولكنك كما قالت اختي ام خالد في لحظة صفاء قوليله بكل صراحة انك تحبيه وتحبي هزاره ولكن كل شيء له حدوده امام الناس والاقارب مثلا هل ينفع اننا نهزر مع بعض في الشارع طبعا لا وايضا ماينفعش نهزر اما الاقارب والناس لان ديه من خصوصية العلاقة بيننا وايضا قوليله بطريقة لطيفة ان مش كل اللي حوالينا بيفهمونا صح ممكن اي حد ياخد الهزار علي غير شكله وده بيضايقني ولكن بهدوء ولطف ورقة واختاري الوقت المناسب تكون الامور رايقة وهادية وربنا يصلح احوالنا جميعا ان شاءالله
انا بقى مشكلتى الازلية مع جوزى ان عمره مابيشوف نفسه غلطان واتكلم مهما اتكلم مافيش فايدة
