ياليت نتناقشوا ونستفيدو ا ونفيدوا بعض وبالاخص تربيه اولادنا بالغربه صعب لي عودة
موضوع مهم جدا
ياريت وين باقي الحبايب مفيش حد وينكم نبو تفاعل
سلام عليكم عندى اربع اطفال الاول خمس سنين ونص التانى اربع سنينوخمس شهور التالت سنتين وتلات شهور والرابع سبع شعور حاليا الحمد لله متعلمين فى الاكل يقولوا بسم الله واانا لمانتغدى معاهم نقول بسم الله بصوت عالى عشان اللى ناسي يتذكرواذا نسوا االاول والتانى يعرفوا يقولو بسم الله اوله واخره معلمتهم لما يخشوا لاى مكان حتى فاضى يقولوا السلام عليكم وكلمة صباح الخير وصباح النور القران مش حافظين هلبه الفاتحه والناس والفلق بس صعب عندى التحفيظ لانه كلامهم رزين فى العربي وشئ اخر اهمال منى نبي نعلمهم الكتابه واللغه العربيه كويس فى هالصيف ان شاء الله دخلتهم مدرسة عربيه بتبدا فى شهر سبعه ان شاء الله وان شاء الله لى عودة للتكملة
السلام عليكم وعليكم السلام ربي يحفظهم ملوكه صغارك بسم الله ماشاء الله وصدقيني الصغار يتعودو بالشويه بالنسبه ليا صغاري اكبر عندي بنيه ووليد البنيه عمرها داخله علي 11 السنه والوليد داخل ل9 سنين الحمد الله علي هلنعمه بالنسبه لبنتي واصله في سوره الاعلي وولدي الفجر يومين في الاسبوع يمشو الحمد الله هاديين قدام الناس بس عندي مشكله ومش عارف كيف انعالجها علي قد مفهمت مفيش فايده انهم ميعرفوش يتصرفو لما يطلب منهم حد طلب مش مناسب ومش وقته يعني لازم يفضحوني قدامه ههههههههه مش عارف هل قعدين صغار او انهم ميسمعوش في الكلام ندكر مامتي اياماتنا من نظره نفهم اعليها توا اعيوني بيطلعو مفيش فايده
السلام عليكم موضوع في غايه الاهميه وبدات احنى اللي في الغربه ويكون اصعب مع اختلاط الاطفال بالمدارس الاجنبيه.. اني عندي بنيه و وليد تؤامه عمرهم 4 سنين يمشوا لروضه امعلمتهم ان لما ناكلوا لاازم انسموا باش الشيطان مايكلش معانه..ولما نعطسوا بقولوا الحمد لله,,,القران مش هلبه بس سوره الفاتحه والاخلاص والفلق لكن مش حفظ تام يعني يتبعوا معاي ويقولوا الاياه اللي بعدها بروحهم الحمد لله بنسبه للغه العربيه او لهجتنا اللبيبه يتكلموا كويس حتى لما امشينا لليبيا الحق اتفاجوا بيهم,,,
عندي سؤال يابنات صغاري في شهر 9 الجاي ان شاء الله بيخشوا للمدرسه...المهم المدرسه كلموني يسالوا فيا تبيهم الزوز في فصل واحد او كل واحد بروحه؟ طبعا اني جاوبتهم الزوز مع بعض...هما توا في الروضه ايكعمزوا فيهم في نفس الطاوله وهما الاتنين الحق متعلقين ببعض لدرجه كبيره مدرستهم توا نصحت بوهم ان في المدرسه كل واحد في فصل احسن ليهم اني قاعده محتاره ويوم الاربعاء الجاي عندنا اجتماع في المدرسه ياريت تعطوني اقتراحكم
دموع ربي يحفظهم ليك يارب قداش انحب التوامه المهم بالنسبه لسؤالك اني من رائيي زي مقالتلكم مدرستهم كل واحد في فصل افضل لانه اولا انت مشاء الله جبتيهم جنس مختلف وكل واحد تتنمي شخصيته بروحه يعني تصرف البنت مش شرط اكون زي الولد والعكس صحيح حتي ميتاتروش هلبه في المستقبل علي الاقل في المدرسه وانت وراحتك حبيبه لك ودي ومحبتي
السلام عليكم الله يبارك فيك ملوكة على ها الموضوع الهام جدااااااااااااااا دموع انى نفس راي غيدونا خلى كل واحد فى فصل بش يعتمدوا على انفسهم من البداية وكل واحد تكون ليه شخصيته المستقلة عن الاخر وحتى ما يكونش فى تنافس فى نفس الفصل يعني المعلمة مرات تفضل حد على التانى وهذه مشكلة وطبعا شوفى راي البنات وان شاء الله من المتفوقين يارب العالمين لي عودة بإدن الله
السلام عليكم ماشاء الله ربي يحفظلكم صغاركم اني نفس رأيهم لأني أختي وخوي عندهم توائم اختي في الاول بناتها ما فصلتهمش تعبت هلبة فيهم ونصيحة مني ليكم لاني صغاري كبار بنتي الكبيرة عمرها 14 أي شئ ملتقولوش صغار يفهمو تبي تعلميهلهم هما اصغار ما تأجليش وتقولي لين يكبرو الصلاة الادكارحتي حاجات بسيطة القرآن يوميا حتي كان جت فترة وهمتك كانت نازلة هما بروحهم يطلبو منك تعلميهم خصصي حتى 10 دقائق إنشاء الله