سلمها دموع معليشي كل سفره تعلمك الحداقه المهم وصلتيله بالسلامه بعد هلتسحوره هده كلها الله اعينا وخلاص
السلام عليكم موضوع حلوونبي نشارك معاكم دموع مغتربة سمية ربي يهنيكم ويسعدكم يارب غيدونا ملكة زمردة
هلا هلا ام دير شاركي حبيبه نستفيدو من خبراتك مرحبتين بيك حبيبه
وعليكم السلام هلا ام ادير تعالى احكيلنا على اى موقف يخطر ببالك سواء مضحك او غيره اتذكرت اول ما اتزوجت انا مش متعلمة انطيب لنفرين بس ماعمرها صارت قبل مانتزوج طيبت اول مرة رز وفاصولياء يسدنا سبوع هههههههههه اتذكرت موقف تعرفوا حنا عاد الليبين فيه حشمة بيناتنا واحترامات بين اهل الزوج والزوجه بوى مستشار قانونى فى محكمة ..... مرة من المرات زوجى خاطم جهة المحكمة قال خلى ننزل نسلم على بوك ونهدرز عليه شويه المهم اركب للمحكمة وسلم عليه ويهدرزو وبالشوي بالشوى يتجمعوا اللى يخدموا معاه من محامى من كاتب وووو ومايحسابوش اللى واقف جنب بوي هو زوج بنته ههههههه يحسابوه واحد من المحكمة يجى يا حنه واحد طالع سخون مناستجواب متهم واااااااااااااااو وقضية زنا حاشاكم جاي يكلم فى بوي شكله الكاتب تقريبا المهم يقول استجوبت المتهم كيف دار عملته ويحكى عاد واااااااك
انا زمان نشوف فى القضايا اللى يجيب فيها بوى واتناء الاستجواب يحكى بالليبى وبالتفصيل الممل مرات مانفهمش لان خط الكاتب زى الدجاجه من السرعه مسكين المهم يحكيلى زوجى قال تحشمت وجهى وله احمر وبوك قص عليه قاله نقدملك زوج بنتى الدكتورفلان الفلانى وهداك انصدم ههههههه قاللى موقف لن انساه شوقنى كان ننزل انسلم تانى هههههههه
السلام عليكم شكلي أني العميدة امتاعكم زي ماقال هداكا المجنون المهم ليا 16 السنة متزوجة وعندي اربع صغار المدة طويلة وتوة ما نتفكرش في اي موقف نسيت عصرت راسي وماتفكرتش
رد السلام...وعليكم السلام السلام عليكم ام ادير ...مرحبتين بيك نورتي.. ملوكه اتخيلت الموقف ههههه راهو اتمني الارض انشقت هههههه ربي يحفظهولك
ايه موقف صعب يا دموع وتخيلى عريس اقل من اسبوع ههههههه وين بقية البنات اعصروا روسكم هيا هههههه
باهي خلونا نحكوا على جانب تاني بش تعم الفايدة للجميع
زي شنو يامغتربه خلى نستفيدوا