يا اهلا وسهلا بالناس الحلووين اللي انضموا لنا ام خالد وعروستنا الحلوه منه وعروس الاسكندريه اهلا بكم حبايب قلبي نورتوا المجموعه وبالنسبه للحكايات فحكاياته ماشاء الله مش هنخلص منها ربنا يحفظهم ويحميهم ده هما طيبين مش مطلعين عنينا ولا حاجه يا جماعه ده هما نسمه ههههههههه ربنا مايحرمنا منهم ابدا اللهم آآآآآمين اما موضوع الساعه اللي عندي بقي وسالت عليه الحمام انا خايفه جدا منه وربنا يستر خاصه ان توتا بقت سنتين و7 شهور ولسه متعودتش ع الحمام كل ما ابدأ يحصل حاجه والموضوع لا يتم بس خلاص انا قررت ان خلاص لازم اقلعه لها بس مستنيه الصيف بالنسبه لبليل اما النهار ماشين ساعه كويس وساعه ربنا مايوريكم المهم شكرا لحبايبي اللي اعطوني تجربتهم عهد وام هيثم وسمووره وسعيده جدا بانضمام اخواتي الاعزاء مره اخري وان شاء الله نفيد بعضنا البعض ...،،،،،،،
انا حابه انكم تقترحوا بردوا افكار تناقش فيها عشان نكون محددين في كلامنا ايه رايكم
انا قبلت الدعووووووووووووه ومشكوره جدا للي ارسلها لي وانش اء الله كلنا بنستفيد
اهلا نورا نورتينا حبيبتي وياريت نتعرف عليك اولادك اد ايه وكده ...،،،، تحياتي وشكرا لقبول الدعوه ...،،،،،
اول مشكلة ليا هو الاستاذ** خالد ** تمللي يضرب اخته الاصغر منه سلمى وبصراحة مش بعرف اعمل معاهم ايه*والأخر بقعد متفرجة واخر ما بزهق بضربهم الأثنين خالد في سنة رابعة وسلمى في سنة اولى ابتدائي ما حدش يعرف طريقة تخليهم يبقوا كويسين مع بعض والسلام لكن جميعا
السلام عليكم انا بشكرك جدا يا توتا على انشاء هذه المجموعه وبشكر المنتدى والقائمين على الأشراف ... الفكره جميله ومفيده لينا كلنا انا سعيد جدا انى هشارك معاكم وربنا يقدرنى افيد واستفيد بإذن الله وان شاء الله يوفقنا جميعا فى تربيه اطفالنا لأنهم هم اطفال المستقبل . لكم منى كل الشكر ...
انا مشكلتى بدأت من اسبوعين مع بنتى جومانا عندها سنتين و3 شهور تقريبا بدأت ترفض اى طلب منى يعنى لو قلتلها كلى تقولى لأ لو طلبت منها تشيل حاجه من الأرض تقولى لأ البسى الشبشب فى رجلك تقولى لأ استغربت لرفضا مع انى بطلب منها الحاجات بشكل لطيف فقرأت كتاب عندى عن الطفل وكل حاجه عنه من وهو بيبى اكتشف ان الطفل فى السن ده بيلفت نظر امه ليه بالمشاغبه والرفض والصوت العالى والبكاء فى بعض الأحيان وعدم الأكل وغيره من الحاجات دى فيجب انى اكون صبوره وانى اهتم بيها اكتر واحضنها من وقت للتانى واقولها كلمات تشجيع من وقت للتانى بس مش بطريقه مبالغ فيها طبعا المهم نفذت الكلام ده لقيت فيه نوع من التحسن شويه حبيت اطرح المشكله دى وعلاجها يمكن اقدر افيد بعض الأمهات وللعلم كل التغيرات اللى بتطرأعلى بنتى دى مش هتدوم لغياه ما تتم 3 سنوات وبعد كده هتكون عاديه ومطيعه لى وربى يهديها لى ... اشكركم واسفه للأطاله
توتا بالنسبه للحمام المفروض الطفل بيتعود من سن سنه ونص بيبتدى يفهم ويقلد مع الوقت هتلاقيه بياخد على الموضوع ده انا جربت مع بنتى قبل سنه ونص مرضيتش تعد على البوتى ومع الوقت اتعودت الحمد لله دلوقت
عزيزتي توتا طبيعي انه ساعه وساعه والبنت ماشاء الله هتفهمك لما تبقى ماشيه صح شجعيها ووريها قد ايه انت مبسوطه وكافئيها بحاجه مميزة والعكس بيني انك زعلانه واعملي بتعيطي وكده لما تعملها على روحها بس لازم التدرج بالعقاب وانت كل نص ساعه خديها الحمام وفهميها انها لو عمليتها على روحها انك هتزعلي وهتتعاقب استخدمي فالاول الزعل النظرات الحاده time out وبعد كده لو حسيت ان الموضوع دلع وداخل فعند ممكن تضربي على خفيف وانشاء الله تعدي
عزيزتي الورده المصريه انا قرات مرة فمقال اناول كلمه الطفل بيحب يتعلمها هيه لأ علشان كده متحاوليش تكلميها او تساليها اوتطلبي طلب يكون رده لأ مثلا انها تلبس الشبشب قوليلها مين هيلبس الشبشبالاول ماما ولاجومانا او ال هيعمل كذا ليه عندي مكافاه وزي مقلت اي مشكله عند الطفل حلها فزياده الحب والحنان لانه بيستفزك يشوفك بتحبيه قد ايه وهتستحمليه قد ايه