" عروسات المستقبل تعالوا اقولكم".. جزء ( 4 )

[هنودة هنانيدو]

ازيكم ياقمراتى عاملين ايه ؟؟ معلش نهاردة مش عارفة ادخل قلت بسرعة اسلم عليكم .. عشان عيد ميلاد جوزو بكرة وهو طبعا مسافر مش معايا فقاعدة بعمله شوية هدايا على النت .. اعمل ايه بحاول اعمل اى افكار تحسسنا اننا مع بعض ان شاء الله بكرة ارجعلكم ونجاوب على كل الاسئلة ونتكلم على موضوع عن الرياضة والرشاقة اوك ؟؟؟

[ملوكة 12]

يا رب دايما فى قمة السعااادة انتى وزوجك ان شاء الله يا هنوودة
وربنا يجمع شملكم فى أقرب وقت يا قمر
مستنينك طبعاااااا

[سماح عزت]

كل سنة وانتم طيبيين يا اجمل هنودى وعقبال 100سنة ليكم انتم الاتنين ويااااااااااااااارب يجمعكم على خير عن قريب وان شاء الله تحتفلوا السنة الجاية مع بعض فى عش الزوجية بتاعكم من غير اى عزول.,وربنا يحفظكم لبعض وهو جوزو يانودى اكيد شخصية تستاهل وحده قمراية زيك لان ربناسبحانه وتعالى قال (الطيبون للطيبات)ونحسبكم على خير ولا نزكى على الله احد. happy birth day ::

[dodo412]

السلام عليكم انا على المنتدى من زمان بس كنت بتكسف اشارك كيفكم يابنات
بجد موضوعك شجعنى على المشاكرة يا هنودة انا دينا من المنصورة فرحانة انى لاقيت ناس من مصر
بصى ياهند انا بعمل حاجات كتير والحمد لله بهتم بنسى وبجرب وصفان وان شاءالله هقولكم ايه اللى جربته وطلع حلو بس مشكلتى دلوقتى كريم جليسوليد دا قلبت عليه الدنيا ومن زمان بدور مش موجود انا بستخدم جونسون بس خايفة احطه فى الخلطات قوليلى لو تعرفى فين فى المنصورة ولا ابعت اجيبه من السعودية دبرينى لو له بديل ياقمر
اسفة للاطالة بس بجد موضوعك يستاهل مليون تحية

[هنودة هنانيدو]

والله ما قصرتى يانودى ياسكره ولوحصل منناتقصير يبقى احنا الى نستاهل واجمل حاجة فى كلامك هى البساطة ولو طلبناه فيديو مش هيكون احسن منك فى توضيحك ياقمر..نفسى اعرف بتشتغلى ايه يانوده لان بصراحة مش عارفة خبراء التجميل تيهين عنك فيناللهم لاحسد.. ربنايبارك فيكى..نودى انا لما بعمل سويت تحت الابط مش بلحق افرحعشان المكان بيكون لونه غامق كان الشعر لسه موجود مع انى مش بعيد كتير والله وكمان لما بيبدا يطلع بيبقى عامل زى الشوك..وكمان الرؤوس السودة الى فى الانف حلها ايه يا جميلومعلش اخر حاجة منطقة السرة الى فى البطن ايه اسهل طريقة لتنظفها؟؟وجزاكى الله خيرا ويرزقك طولت البال عشان تستحملينى

ازيك ياسموحة والله انتى كلك ذوق ..بشتغل ياجميل خدمة عملاء فى المصرية الاتصالات بفكر اعمل هوت لاين واكلكم عليه بدل النت ههههههههه ...

بالنسبة الابط بصى اللون غامق مش حيكون يحصل فجاة يعنى اكيد غمقان بيبقى نتيجة حاجات كتير زى استعمل السويت غلط او مزيل عرق او البكتريا والعرق عدم تهوية طبعا جزء ده .. كل ده بيعمل لون غامق بس ببساطة حتتحل ان شاء الله

اول حاجة قبل ما تعملى سويت تحت الابط اعملى قبلها سكراب ملح وليمون عشان تطلعى اى شعر تحت الجلد بالتالى لما تعملى سويت مرة على مرة الشعر مش حيطلع خشن

الغمقان كان فيه وصفة كنت قايلها من كريم كيناكومب + ملعقتين اى كريم مرطب ابيض زى لوكس او دوف + ليمونة كبيرة ناخد عصير بتاعها ونقلب كله بمضرب البيض عشان يتخلطوا كويس وندهن بيهم الابط كل يوم بليل ةوغسله الصبح لمدة اسبوعين ويكون طبعا مفيش شعر فى الابط بصى عشان ابقى صريحة كبناكومب فيه اقل من 1% كورتيزون انا عملت الوصفة ديه من سنة والحمد لله نتيجة مرضية جدا واصحابى عملهوا وماشاء الله كل السواد راح ومرجعش وانا سالت دكتورة على كيناكومب قالتلى انه مادول لمدة اسبوعين مفيش مشكلة وانه اصلا مخصص كمان للحكة والالتهابات بالتالى مفيد للابط انا حبيت اقولك على تجربتى انا واصحابى

بالنسبة البثور السواداء بصى هى البثور ديه نتيجة ان مسام كانت مفتوحة واتسدت بالدهون ولما اتاكسدت الدهون اتحولت للنقط السواد حلها سهل بس عايز مواظبة منك مرتين فى الاسبوع تعملى
حمام بخار _ سكراب + انك تضغطى بصبعك السبابة على النقط السواد عشان تطلع اول ما تحسى انها احمرت متكمليش تخليها مرة بعدها

حمام بخار سهل انك تجيبى اناء وحطى فيها ماء وشوية نعناع وخليها تغلى وقربى وشك من الاناء بس مش اوى خلى مسافة وغطى راسك وشعرك بالفوطة وخليكى كدا 5 دقايق
خلصتى حمام بخار امسحى وشك بماء وحطى سكراب سواء جاهز او ملح بليمون وافركى وشك وركزى على الانف اوى واغسلى وشك وبصبعك السبابة اضغطى بقى على المسام ..

تنظيف السرة ابسط طريقة انك حتجيبى فوطة قطنية ناعمة وتحطى عليها نقطة زيت اللوز او نقطة بيبى جونسون اويل وتمسحى السرة براحة من جوا بطرف الفوطة حتلاقى كل حاجات مش نظيفة بتطلع بسهولة وتفضل السرة ناعمة وريحتها حلوة وتكررى ده كل ما تحسى انها محتاجة نظافة بس براحة مش بعنف

تمام كدا يا سموحة ؟؟؟

[هنودة هنانيدو]

ااااااااااااااااااااااااااااااااااااااااااااه انا كدة فهمت يعني نضحك عليهم ف الاول وبعدين
عووووووووووووووووووووووووووووووووووووووووو
يلاقي واحد صاحبه قاعد جانبة ههههههههههههه
عارفة يانودي انا بس اللي قالقني من السيلكابيل ان الملمس مش ناعم بس ربنا يسترها بقةاه صحيح هيا بتاعتك رقمها كام يانودي وجايباها منين وبكام؟
بصي انا كان قصدي الشعر اللي ف ظهر الذراع عشان مش بعرف افرد السويت وبعدين اشيلها بس شكلها هتيجي بالتعود ان شاء الله

هههههههههه مش اوى ياميويا عشان ميهربش بصى حاقولك انتى حتعملى سويت قبل الجواز كتير عشان الشعر يقل وقبل الفرح بيومين حتعملى سويت الشعر حيبتدى يطلع بعد اسبوعين تروحى عاملة سيلك ابيل سريع حتشيل الشعر القصير حيطلع كمان اسبوعين كمان بردو مرة كمان سيلك ابيل لغاية ما يظهر تانى حيبقى اقل ولما يظهر مادول خفيف مش ظاهر سبيه واعمليه سويت مش معقول لو طلعت كام شعرة حنجرى بقى نعمل هههههههههههه لا بجد يعنى مش حتفرق كتير لو الشعر طلع بسيط بس مش غولة

هى فعلا ملمسها مش ناعم وانا مجربتهاش الا مرة واحدة بس حطى زيت زيتون بعدها حيطرى جلد والله انا بتاعتى مش فاكرة رقمها بس انا جبتها صغيرة للزنقات يعنى فطعتين النتف قطعة للجسم وقطعة للابط ومنطقة حساسة بس نتف بردو مش حلق لونها لبنى ب 210 بالضمان سنتين صنع فى المانيا

شعر الايد ايوة ياقمر حيجى بالممارسة الاول مكنتش بعرف اعمله بس مع الوقت خلاص بقى عادى

[هنودة هنانيدو]

ازيك يا هند عايزة اسألك على التشقير بيتعمل ازاى عشان شعر الضهر و البثور السوداء اللى فى الانف و فى الوش حلها ايه كمان انا الحبوب مبهدلانى و مش نافع معاها فيوسيدين و مش عارفه اعمل ايه هيا حبوب رفيعه بس كتير فبدأت اغسل وشى بصابونه بروتكس فهيا هتضرة؟ و عايزة اعرف لو اكسفولياتف او كلينسر كويس يبقى ايه و اخر حاجه انا جبت خل التفاح من العطار لونه برتقانى زى لون ميراندا و بيلون الايد فهو كده سليم و لا ؟ معلش طولت عليكى و ادعيلى اخر ماده تعدى على خير و اتخرج بقى

يارب تعدى المادة على خير وتبشرينا بالنتيجة انتى فى كلية اية ياقمر ؟؟

التشقير طريقته مكتوبة على علبه لانى بصراحة مجربتهوش قبل كدا اخاف افتى بس التزمى بطريقته مكتوبة لانه عبارة عن بودر واكسجين والافضل تجربى على جزء صغير عندك عشان تشوفى الاول يناسبك ولا

طيب الاول بلاش صابونةلان صابون الطبى زى بروتكس وغيره هو مجرد تعقيم بس مش حل بالعكس ممكن يزودها بس عايزة اعرف هى حبوب ايه يعنى حب شباب ولا هى طلعت فجاة ولا بتبقى بعد البريود ؟؟؟

البثور السوداء اللى فى الانف والوش حتلاقيها الاجابة فوق عالطول عند صاحبتك سموحة

بالنسبة كلينسر هى بشرتك نوعها ايه ؟؟؟

خل التفاح اه بيقى لونه زى ميراندا بس افتح منها بكتير ومش بسيب اى لون فى الايد ممكن يكون معاكى مش اصلى انتى ممكن تجيبى اللى بيبقى زجاجة مقفولة جاهزة من سوبرماركت

[هنودة هنانيدو]

حلو اوى الموضوع فعلا جزء كتير بيكسل عنه زى كده الف شكر يا قمر

تسلمى يا امامة فعلا كلنا ببنسى رجلنا ههههههههه

ازيكوا يا عروسات يا قمرات

هنودة عاملة ايه ياجميل مستنين تألق اليوم يارب تكونى بألف خير و سعادة

ربنا يخليكى حبيبة قلبى انا بخير ومبسوطة مادول عندى اصحاب عسولات كدا زيكم

[هنودة هنانيدو]

هنودة فعلا الموضوع ده مكنتش بهتم بيه خالص زى ماقولتى رجلى اخرها معايا شويه ميه وخلاص
انا مش عارفه اقولك ايه على مجهودك الجميل ده بس انا متاكده ان شاء الله انك حتكونى احلى عروسه فى نظر زوجك عشان روحك الجميله دى

انتى كلك ذوق يابينك ببقى مبسوطة خالص لما اشوفك وميرسى حبيبى على دعوتك وفعلا احنا بننسى رجلنا غلبانة ونضحك عليه بشوية ماء

أولا الموضوع جميل جداااااااا
بصى فعلا يا هنودة انا عملت كده وزيت اللوز
مع كريم جليسوليد جميل جدااا ومن أول اسبوع
يعنى بجد مجهووود منك رائع جدااااااااايا هنودة ربنا
يجعله فى ميزان حسناتك

تسلمى يا احلى ملوكة والحمد لله ان جليوسليد وزيت اللوز عجبوكى ويارب نشوفك عالطول جميلة

[هنودة هنانيدو]

مشكوره على المعلومات المفيده

نسلمى كتير ياقمر منورنا

[هنودة هنانيدو]

يا رب دايما فى قمة السعااادة انتى وزوجك ان شاء الله يا هنوودة
وربنا يجمع شملكم فى أقرب وقت يا قمر
مستنينك طبعاااااا

اللهم امين ياملوكة وميرسى حبيبتى على كلامك الرقيق

كل سنة وانتم طيبيين يا اجمل هنودى وعقبال 100سنة ليكم انتم الاتنين ويااااااااااااااارب يجمعكم على خير عن قريب وان شاء الله تحتفلوا السنة الجاية مع بعض فى عش الزوجية بتاعكم من غير اى عزول.,وربنا يحفظكم لبعض وهو جوزو يانودى اكيد شخصية تستاهل وحده قمراية زيك لان ربناسبحانه وتعالى قال (الطيبون للطيبات)ونحسبكم على خير ولا نزكى على الله احد. happy birth day ::

انتى بتحرجينى يا سموحة بكلامك كله ذوق ربنا يكرمك وبسعد كل ايامك وبجد ميرسى على كل كلمة جميلة منك

[هنودة هنانيدو]

السلام عليكم انا على المنتدى من زمان بس كنت بتكسف اشارك كيفكم يابنات
بجد موضوعك شجعنى على المشاكرة يا هنودة انا دينا من المنصورة فرحانة انى لاقيت ناس من مصر
بصى ياهند انا بعمل حاجات كتير والحمد لله بهتم بنسى وبجرب وصفان وان شاءالله هقولكم ايه اللى جربته وطلع حلو بس مشكلتى دلوقتى كريم جليسوليد دا قلبت عليه الدنيا ومن زمان بدور مش موجود انا بستخدم جونسون بس خايفة احطه فى الخلطات قوليلى لو تعرفى فين فى المنصورة ولا ابعت اجيبه من السعودية دبرينى لو له بديل ياقمر
اسفة للاطالة بس بجد موضوعك يستاهل مليون تحية

دودو واهل المنصورة منورة ياقمر مبسوطة كتير ياقمر بوجودك معانا اوعى تسيبينا .. ومستنية منك تجاربك عشان تفيدنا

بالنسبة جليوسيليد موجود كتير ياقمر مش ناقص ولا حاجة هو فى اسكندرية هنا منتشر لسه جايبة نهاردة . مش محتاجة تجيبيه من السعودية والله لو ينفع ابعتهولك حابعتهولك بس اقدر ابعتهولك على محلة بس معرفش حد فى منصورة لو ينفع بجد معاكى ابعتلك على محلة وتاخديه بس دورى تانى يادينا فى صيدليات اصله مش ناقص فى السوق متوفر

[dodo412]

بصى ياهند انا مش بدور فى الصيدليات بدور فى سنترات التجميل بصراحة بس هشوف ويارب الاقى وبعدين نازلة اسكندرية قريب اذا مش لاقياه هشوفه عندكم
نسيت اقولك بعشق اسكندرية واهلها

[dodo412]

بصى ياهند شوفت كلامكم عن السويت والبراون وعاوزة اقولكم اللى بعمله
انا بستعمل سويت يطلع صغير اجيب البراون اعمل بيها مرتين وبجد برتاح معاها جداااااا
انتو ليه بتقولو الشعر بيكون خشن هو بس اول 1 ملم بيكون خشن لما يطول حتة كمان بيكون طبيعى جداااا والله كمان بحس الشعر بيخف بامانة باستخدمها كتير لانى بأرف من السويت هههههههههههههه
حاجة تانية بالنسبة للمنطقة الحساسة جربتها بالسويت والشفرة السويت تجنن وابدأ اشوفه بعد اسبوعين على الاقل بس صعبة اوى لكن يابنات لو اتعودتو هتلاقو الالم بسيط وجسمك اتعود عليه .. خوفت من حكاية الترهل رغم ان امى بتقول كلام فاضى جربت الشفرة يعنى تانى يوم الاقيه حاليا باستخدم الاتنين من فوق ومنطقة البكينى سويت والاقى شفرة
وبجد الشعر بيخف جداااااااااااااااااااا
مشكلتى اللى منغصة حياتى ياهند حاجة واحدة انا الحمد لله جسمى كله لون واحد ومش بلاقى مشاكل عندى بس المنطقة ورا اللى فيها لون غامق مضايقنى اوى اوى بحس انى واحدة تانية عاوزة حل لو تعرفى ياقمر
طولت عليكى سامحينى

[dodo412]

نسيت اقولكم انى جربت البراون بس جزء النتف العادى مع المنطقة الحساسة والكلام دا من شهر ونص كان صعب لدرجة صعب وصفها النتيجة مزهللللة لحد دلوقتى معرفش ايه اللى حصل بس مفيش غير يادوب كام شعرة بس اللى موجودين وباقى المناطق حسيت انها منحوله حتى انى مش عاوزة اعمل تانى مستنية اشوف اخرتها ايه بس والله من اكتر من شهر ونص يابنات
بجد مش مصدقة الحمد لله بس مفيش عندى تفسير للى حصل