عروسات المستقبل تعالوا اقولكم.. جزء 2

[هنودة هنانيدو]

قمراتى نكمل سوا وحاجاوب معاكم على كل اسلئكتم والبيبى دول

نكمل مع الشعر الى مناسب معه حمام كريم زى شعرى

حمامات الكريم كلها تبقى جاهزة يعنى قليل لما نلاقى حمام كريم حاجات طبيعية .. بس نحاول نجيب كريمات معروفة عنها انها مفيدة .. اللى بتكون بالنخاع وجنيني القمح والبناثينول ..

طريقة حمام الكريم بسيطة انك بتغسلى شعرك بالشاميو وتنشفيه بالفوطة وبعدها تحطى حمام كريم وبردو اهتمى بفروة الراس وتسبيه 10 دقايق او حسب ما هو مكتوب على اللبة وبعدها اغسلى شعرك كويس ولما تخرجى من الحمام حطى كريم التصفيف بتاعك وفيه انواع كتير كويسة بس بردو معتمدة على شعرك بيرتاح مع ايه ..

نيجى للوصفات زى السمنة البلدى او الزيدة انها بتتحط على الشعر زى حمام الزيت طريقتها انك تسخنيها على النار وتحطيها على فروة الراس وعلى اشلعر بس مش كمية كتيرة عشان هى اصلا تقيلة مجرد حاجات بسيطة تحسى ان شعرك امتصها وتسبيها ساعة وتدخلى تسغليها كويس اوى عشان الريحة ..

بالنسبة زى ما سالتى يا هبة ان اشعر مفروض قبلها يبقى مش فيه اى زيوت .. حاقولك انا عن نفسى جربتها انى بغسل شعرى مرة فى اسبوع وبحط عادى كريم بتاعى ولما اجى اعمل السمن البلدى ( على فكرة انا جربتها مرتين فقط ) الاسبوع اللى بعده مفيش مشكلة لان شعرك خلال الاسبوع ده حيكون امتص الكريم او الزيت . اما لو انتى بتغسليه كذا مرة فى اسبوع يبقى بلاش تحطى اخر مرة ولا زيوت ولا كريمات عشان ميكونش دهنى تمام كدا ؟؟

انا جربتها مرتين وحلوة يعنى بتخلى الشعر طرى وملمسه انعم

بالنسبة ماسك الزبادى والزيتون انا بصراحة مش جربتها بس مفيش مشكلة انك تجربيها لانها وصفة طبيعية مش حتاذى الشعر بشكل وحش جربيها ممكن تجيب معاكى نتيجة لان كل شعر مختلف عن التانى

يبقى احنا كدا قولنا انك بتعملى كل اسبوع حمام زيت او كريم وبتسخدمى فى نص الاسبوع زيت زى جدايل او غيره او كريم تصفيف مغذى

حاولى انك مرة فى الاسبوع تلفى شعرك عشان بيفرد كسرات الشعر

بالنسبة للسيروم هو حلو اوى للهيشان وبيطرى الشعر ومش دهنى بيتحط على الشعر ناشف او مبلول او قبل الاستشوار

بالنسبة القشرة فيه وصفة خل التفاح وزيت زيتون يعنى مثلا ملعقة خل تفاح ونص ملعقة زيت زيتون وتحطيهم على فروة الراس لمدة 5 دقايق او 10 وتغسليه كويس وتعديها كذا مرة يعنى مرة فى الاسبوع لمدة 4 مرات او حسب ما تلاقى القشرة تنتهى وكل كام شهر تكرريها عشان تمنع القشرة ..ميزة زيت زيتون بيمنع ان خل التفاح يجفف الشعر

بالنسبة ان اول الزواج الشعر بيكون هايش احنا كدا كدا اول ايام الزواج الشعر بيتغسل كتير يعنى مش بيلحق ينشف عشان يبقى هايش وساعتها حتلاقى موضوع بسيط انك تعمليه كيرلى او ترفعية على فوق بتوكة حلوة وتسبيه نازل بشكل لولبى او تلبسى طوق عليه وتبرميه بايدك وهكذا حركات البسيطة ديه وممكن بعد وقت تعملى مرة بيبى ليس حتلاقى نفسك الموضوع بسيط

بالنسبة هايلايت اللى عايزة تعمل قبل فرحها الوان وكدا زى ما قولنا حاولى تخلى حاجات ديه بعد فترة من الزواج لما يبقى خلاص جوزك اتعود عل شعرك الطببيعى يبقى غيرى ساعتها لو غيرتى لون شعرك من اول يوم زواج بعد كام شهر حتعملى ايه ؟؟؟ وبردو لو حابة انك تعملى هايللايت اختارى الوان لايقة على بشرتك وجربى كام خصلة بسيطة على الشعر وشوفيها بعد يومين يعنى بلاش تحكمى على الون الشعر بعد اول يوم لان اللون بيهدى عشان تعرفى تحكمى اذا كان اللون مناسب ولا لو كان عجبك روحى واعملى لو لا يبقى خلاص كام شعرة مش حتاثر ....

فيه ايه تانى يا بنات بخصوص الشعر ؟؟؟

[هنودة هنانيدو]

ماشي يااحلي نودي احلام سعيده ان شاء الله
ومنتظرينك علي خير ياقمر

ربنا يخليكى يا نور يا قمر

أسمحيلى أحيكى يا هنوده على الموضوع الجميل زيك ده
وأحيكم كلكم على الروح الجميلة الموجودة بينكم اللى خلتنى أتمنى انى اكون واحدة منكم................
بصى بقى يا هنودة انا أبتديت اسمع كلامك وانفذه بالحرف بس عايزة اسئلك سؤال كده انا استخدمت مسلك الزبادى وفيتامين E ده مرتين ومحستش بأى تغيير
هو تأثيره هيظهر بعد كاام مرة تقريبا ؟؟؟
وأسفة انى طولت عليكى يا قمر

اهلا ملوكة انتى طبعا واحدة مننا احنا هنا كلنا اصحاب واخوات والبيت بيتك
بصى ياقمر اى ماسك ى الدنيا نتيجته مش حتظهر من مرة ولا 2 وفيه ماسكات نتيجتها مش ظاهرية تشوفيها بعينك بس بتغذى من جوا البشرة وتلاقيها مع الوقت البشرة نظيفة ونضرة متفقين على مبدا ده ياملوكة ؟؟ بالنسبة ماسك الزيادى وفيتامين ده مغذى جدا للبشرة وحتى اخصائيات التجميل بيستخدموه ميزة الزيادى منظف هايل وبيشبيل الدهون بتاعة البشرة وفيتامين طبعا معروف انه مغذى وبيجدد البشرة انتى كمان ممكن تضيفى عليه عسل نحل ؟؟ وياقمر طولى زى ما انتى عايزة

[هنودة هنانيدو]

مبروك ياهنوده ومبروك لينا على الجزء التانى وميرسي لنصايحك وانا هفضل متابعه معاكى ان شاء الله

الله يبارك فيكى يا قطوقطة ويارب الموضوع يعجبك ياقمر

اوووووووك ياقمر وهستنى موضوع الشعر بفااااااااااارغ الصبر

وطبعا انتى هتشوفى رسالتى دى بعد ما تكونى صحيتى....عشان كده هقولك صبااااااح الخير حبيبتى.....ههههههههه

صباح النور يا بسبوسة

جزاكِ الله خيرا يا هنودة يا قمر انتى ... بس عاوزاكى تجاوبيلى على سؤال السمنة البلدى ده ..

ومنتظرين موضوع الشعر بفارغ الصبر .. على نااااااااار

انا جاوبتك ياقمر على السؤال

[هنودة هنانيدو]

ايه ياجماعه التفاعل الجميل ده بجد تحفه ياريت نفضل كده علي طول واي حد عنده حاجه يقولها معلش مكنتش معاكوا امبارح هنوده ازيك بص ياقمر انا عرفت هستخدم السيروم ازاي بس ياقمر عندي حاجه بخوص البيبي دول انا بموت فيه وبحبه بس مش لاقيه في مصر ولا حته عند جويا فياريت لوتعرفي حد في مصر ياريت تقوللي

حبيبتى البييى دول موجود فى محلات لانجيرى وحاولى تشوفى كتالوج لاسو ممكن تلاقى فيه وفيه كمان موديلات التركية وحاجات زى مودبلات روتانا وعامة اى محل لانجيرى اساليه عندك بيبى دول حتطلعلك الموجود

[هنودة هنانيدو]

حبيبتي هنوده فعلا كلامك روعه
اختي عملت الكيراتين ب2000 جنيه وشعرها علي العلم انه كاريه وفعلا جميل جدا جدا
وانا كمان كنت بقعد قدام خطيبي بشعري وكان حبه كتير
مع انه مش ناعم حرير

بس برضو مش خشن خالص
بصراحه كان مبسوط قلت تمام
بس ادعولي التساقط يقف بقي

كيراتين فعلا جميل جدا وبيدى منظر طبيعى للشعر والتساقط يا ب يقف خااااااااالص

[هنودة هنانيدو]

حبيبي هنوده ازيك وحشتيني حمد الله علي السلامه متنسيش سوالي علي البيبي دول وياقمر في حاجه محيراني كتيييييييييييييييييييييير موضوع الحمام المغربي انا قريت كتير ومتحيره جدا وعايزه ابا فيه من دلوقتي خصوصا ان فرحي بعد العيد وهبا فيه بمشيئه الرحمن انا وماما لان طبعا مش عايزه حد يشوف جسمي بس شوفت ليه طرق كتير وبادوات مختلفه ياريت تقوللنا ايه الطريقه الصح وايه الغلط وايه اللي ينفع وايه اللي مينفع ونجيب الحاجه منين ربنا يجعله في ميزان حسنتك وبشكر كل البنا ت اللي بتتفاعل معنا بجد موضوع يستحق الاهتمام علي فكره انا بقيت كل ماادخل المنتدي معملش حاجه غير ان افتح الموضوع واشوف ايه الجديد يارب كل بنات المسلمين موفين (امين يارب العالمين)

اهلا يا قمراية البيبى دول حتلاقى الاجابة منتظراكى فوق ...

الحمام المغربى بصى بقى هو ليه طرق كتير بس نهايته ان هدفه انك تنظفى البشرة من خلايا الميتة وانك لو فيه حبوب او اثار بقع تبتدى تقل يوم بعد يوم واسهل طريقة تحققلك ده وانا بستخدمها مش محتاجهة فيها الا

الليفة المغربية ديه موجودة عند اى عطار يكون مضمون سعرها بالمصرى 15 جنيه على شكل قفاز وكمان طبعا موجودة فى محلات بودى شوب

محتاجين صابونة مغربية بتيجى فى برطمان لونها غامق لانها من مكونات طبيبعة بردو تلاقيها عند العطار سعرها 20 جنيه

فيه طبعا الطمى المغربى وحاجات تانية بس احنا عايزين نعمله بابسط الحاجات عشان نستمر عليه لاننا لو لقينا انه صعب حنكسل نعمل صح ؟؟؟

نيجى بقى للطريقة ::::
تخلى بخار ماء فى الحمام انك تفتح حنفية والمياه السخنة وتسبيها 5 دقايق عشان جسمك يتفتح المسام بعد كدا تغسلى جسمك بمياه دافية وتحطى الصابونة المغربية على كل جسمك ماعدا الوجه طبعا وتسبيها من 5 ل 10 دقايق وبعدها تفسلى جسمك كويس اوى بالمياة الدافية وتجيبى الليفة المغربية وتبداى تفركى جسمك كويس جدا حتلاقى حاجات كتير بتطلع من جسم على شكل خطوط مش تتندهشى ده كل خلايا الميتة وابداى من اول رقبتك لغاية رجلك بعدها اغسلى جسمك تانى بالمياه الدافيه كويس وفى اخر الشاور اغسلى جسمك بمياه باردة عشان تقفلى المسام ونشفى جسمك وحطى زيت لوز مر عشان بينعم البشرة جدا لو مش بتحبى زيت اللوز حطى اى لوشن مرطب للجسم .. المهم لازم ترطبى بعد الحمام المغربى عشان البشرة ترتاح وتبقى رطبة واتفرجى على الجسم تحفة وناعم ومرة بعد مرة بتلاقى النتيجة احلى انتى ممكن تعمليه مرتين فى الشهر يعنى كل اسبوعين

[هنودة هنانيدو]

نودي اشوفك باليلل بقي ولا ايه
وحشاااااااااااااااني
وانتي يابسبوسه فينك

انتى كمان وحشانى جدا يا نوووور معلش النهاردة حنام بدرى عندى شغل اليومين دول عشان كدا بنام بدرى اشوفك بكرة ياقمر

موضوع جاااااااااااااااااااامد

تسلمى ياقمررررررر

تسلمى يا عهد يا جميل

انا هنا يانورا بس هروح اتغدى وارجعلكم علطوووووووول

ترجعى لنا بالسلامة

[basbosa.2]

مرسىىىىىىىى ياهنوده ياقمر موضوع الشعر رااااااااائع جداااااااااا

بس كنت عيزاكى تقليلى على طريقه كيرلى تكون مضمونه ومتضرش الشعر وفى نفس الوقت تخليه كيرلى لانى شعرى ناعم وجربت اعمله بس بيهيش ومينفعش

وكمان عايزة اسالك هى الليفه المغربى بتكون زى الخيش كده...لانى جبتها بس هى خامتها تقريبا زى الخيش ولا ايييييه؟؟؟

وترجعى بالسلامه يااااارب

[ملوكة 12]

بجد يا هنودة مجهودك رائع يا جميل عامة يا حبيبتى انا بستخدم سيرم لشعرى بس طبيعى جداااااا....انا تقريبا كان شعرى أدمر خالص بس بجد دلوقتى حااسة ان شعرى أتغير خالص
ومش مصدقة النتيجة بتاعة السيروم ده
ليه طلب عندك يا حبيبتى عايزاكى تقوليلى ماركة كريم للنهار تكون مضمونة
ويااااارب يقويكى ويسعدك فى حياتك يا قمر

[mahaelbanan]

ازيك يا هنودة عمله ايه و ايه اخبر الشغل ربنا يقويكي يا قمر مش عايزة اطول عليكي بس كونت عايزة اسأل على الظوافر اهتم بيهم ازي لان ظوافرى بتشققوا ومعلش سوال تاني هما ليهم كريم مخصوص ولا ممكن استعمل الكريم المرطب بتاع الايدان وشكران لكي يا نوده

[pink_heart]

هنودة بجد وحشتينى ووحشنى موضوعك ووحشتونى يابنات ياقمرات
انا كنت فى بورسعيد بعمل شوبينج بقى وحجات كده
كنت خايفه اوى اما ارجع الاقى الموضوع اتقفل بس انتى لحقتينا بالجزء التانى
موضوعك عن الشعر تحفه عجبنى اوى وانا بردو شعرى مش ناعم ومش خشن بس مشكلتى الهيشان والتقصيف
وميرسى على اللينك ياقمرايه

وياريت يا ملوكة تقوليلنا السيرم اللى جربتيه نوعه ايه

[ROROOOO]

هنوده يا قمر عايزه اسألك على مشكله عندى خنقانى ياريت لو تعرفى حل لو مش تعرفى عادى انا لما بشيل شعر جسمى اى مكان فى جسمى بالظبط يومين والاقى ملمس جسمى خشن يعنى المسامات بتبقى بتشوك زى دقن الراجل كدا رغم ان شعر جسمى مش بيبتدى يبان الا بعد شهر لكن الملمس دا بيحصلى من تانى يوم وطبعا الاماكن الحساسه بيطلعلى حبوب وبتعذبنى والملمس اكتر حاجه خنقانى لانى مهما بعمل مش بحس بنعومه فى بشرتى جربت حمام مغربى مش فيه فايده جربت سنفره قبل الازاله مش فيه فايده وديما بهتم بجسمى مش عارفه فيه ايه وجربت احط كريم فيدوسين بعد الازاله برضوه نفس القصه جربت السويت وجربت براون لحد دلوقت مش لاقيه حل وكل مااروح لدكتور جلديه اللى ربنا يقدره عليه يقولى حطى مضاد حيوى لمده تلت ايام وبعمل كدا وملاقتش فايده برضوه شعر جسمى يومين والاقيه بيشوك كدا ياريت تلاقيلى حل يا قمر وجزاكى الله كل خير

[amanas_88]

السلام عليكم
أسمحولي أشارك معاكم أنا متزوجة بقالي سنة ونصف يعني لسه عروسة زي ما بيقولوه كنت قبل الزواج ما عرفش أي حاجة غير عمل السويت فقط لكن بعد ما تزوجت عرفت أني لازم أهتم بحاجات كتير يعني شعري وبشرتي وجسمي الموضوع مش عمل سويت وبس وبعد 6 شهور من الزواج زوجي سفر فرصة عمل بالسعودية وكنت وقتها حامل فطبعا ققرت أني ما روحش ليه إلا بعد ما أولد طبعا لآنها أول ولادة ليا ثانيا هكون في الغربة ثالثا سني صغير 20 سنة والحمد لله ولدت بالسلامة وربنا رزقني بأحلى أنس في الدنيا وبعد شهرين رحت لزوجي زيارة لآنه ربنا ما وفقهوش يعملي إقامة فعملي زيارة 3 شهور لحد ما يعمل الآقامة فطبعا بقالي كتير ما شفتهوش يعني سنة إلا شهر فقررت أني أغير وأعمل لوك جديد خالص وأبان كأني عروسة فبدأت بشعري يعني أستخدمت شامبوهات وحمامات كريم وبلسم من ماي واي في حاجات عجبتني وفي حاجات ما عجبتنيش لكن اللي عجبني قوي حمام كريم الجدايل رائع جدا وقبل ما أسافر صبغت شعري نبيتي في خصل حمرا كان تحفة وطبعا عملت سويت لجسمي كله وعملت شعر وجهي وعملت تشقير لحواجبي كان جميل منه شكلي حلو ومنه أنه مش نمص ولا حرام وعملت بدكير في رجلي لكن إيدي حلوة جدا مش محتاجة اللي كانت محتاجة رجلي علشان كنت بمشي كتير أما بالنسبة لبشرتي فأستخدمت الروتين اليومي من أورفيلم بصراحة منتجات حلوة اما بالنسبة لجسمي جبت حمام مغربي في البيت وعملته لنفسي مرتين لكن ما حستش بفرق كتير بصراحة وفعلا زي ما قالت هنودة طويل وممل والواحدة بتكسل وسافرت لزوجي بالسلامة وتعالوا معايا نشوف عيوب الحاجة ومميزات في نفس الوقت بالنسبة لشعري هيشان غير طبيعي علما أن شعري فتلته ناعمة لا هو خشن ولا هو ناعم الصبغة نشفته جدا رغم أني ما صبغتهوش في حياتي إلا مرتين وطبعا كان شكله سىء جدا وزوجي لاحظ ذالك لأنه بيحب الشعر الناعم جدا فقررت أني ما عمري هصبغه أبدا لو عايزة أغيرلونه هعمله حنه في حنة بالمكونات الطبيعية فلما نزلت مصر علشان أعمل إجراءات الآقامة كان زوجي نفسه في اللون الآسود فققرت أني أعمل حنه فرد فكانت واحدة جارتي تعرف ناس عندهم عطارة أبا عن جد وبيعملوا حاجات طبيعية لكل حاجة ممكن انتوا كمان تسمعوا عنها منتجات د. بيوتي تحفة بجد فجبت منهم حنة الفرد بتتعمل على مرتين وحمامات كريم علشان لازم تتعمل قبل الحنو وبعد الحنة وشامبو وبلسم وفعلا قبل ما أعمل الحنة أول مرة قعدت أسبوع أعمل حمام كريم يوم بعد يوم على شعر ناشف وأغسله بالشامبو وبعدين البلسم وبعد كدا عملت الحنة وقعدت 24 ساعة وهي على شعري وبعدين غسلتها شعري طري بشكل ملحوظ جدا نسيت أقولكم أنا قبل ما أعملها قصيت اطراف الشعر والتقصف علشان أعملها على شعر تضيف وبعد لما غسلت الحنة هقعد أسبوع تاني أعمل حمام كريم برضه يوم بعد يوم لمده أسبوع وهقولكم على النتيجة التانية لما أعملها إ نشاء الله بس أنا راضية عن شعري جدا لحد الآن خاصة كمان لما ألفه بيبقى تحفة وعلى قكرة شعري ما سودش بطريقة جامدة لا لونه حلو ولسه برضه هشوف المرة اللي جايه أما بالنسبة لبشرتي فأحسن حاجة أستخدمتها منتجات أورفيلم بس بصراحة مش بستخدم الروتين كله بستخدم بس غسول الصبار من أورفيلم وسكرب وكريم العين لآن العين أول واحدة بيبان عليها الآرهاق والتعب وماء الورد بديل التونر وماسك بعمله كل أسبوع ماسك الطحالب برضه من أورفيلم وأخيرا جبت من فترة مجموعة التفتيح بس لسه بصراحة ما أستخدمتهاش أنا بشرتي دهنية جدا فلازم طبعا أهتم بيها جدا وكان فيها حبوب بس الحمد لله راحت لما رحت للدكتورة جلدية قبل الزواج علاجتني علاج كويس جدا وعملتلي تقشير كميائي فالحمد لله الحبوب راحت ولكن في أثار بنية بسيطة لا تذكر ولكن مع الآهتمام راحت كلها أما بالنسبة لجسمي بستخدم سكرب من أورفيلم والصابون المغربي مع الليفة المغربية لآني جربتها بصراحة تحفة مع شاور جيل أنا أستخدمت قبل كدا من ماي واي لكن ساعات بستخدم صابونة ديتول بصراحة بتنظف وتعقم الجسم أما اللوشن فستخدم انواع كتيرة منها بتنعم ومنها بتدي ريحة حلوة ومنها بترطب أما ترطيب الأيدي بعد طبعا شغل البيت عندك من أورفيلم في كريم بالزعفران حلو جدا أما بالنسبة للقدم والآرهاق بصراحة أنا اللي بعمل بدكير لنفسي في البيت بستخدم مجموعة ماي فوت من ماي واي تحفة وجميلة وجايبه أنا المجموعة الخاصة بعمل البدكير ده كل اللي أستفدته وحبيت أفدكم وأي سؤال أنا موجودة وتحت أمركم

[ROROOOO]

السلام عليكم
أسمحولي أشارك معاكم أنا متزوجة بقالي سنة ونصف يعني لسه عروسة زي ما بيقولوه كنت قبل الزواج ما عرفش أي حاجة غير عمل السويت فقط لكن بعد ما تزوجت عرفت أني لازم أهتم بحاجات كتير يعني شعري وبشرتي وجسمي الموضوع مش عمل سويت وبس وبعد 6 شهور من الزواج زوجي سفر فرصة عمل بالسعودية وكنت وقتها حامل فطبعا ققرت أني ما روحش ليه إلا بعد ما أولد طبعا لآنها أول ولادة ليا ثانيا هكون في الغربة ثالثا سني صغير 20 سنة والحمد لله ولدت بالسلامة وربنا رزقني بأحلى أنس في الدنيا وبعد شهرين رحت لزوجي زيارة لآنه ربنا ما وفقهوش يعملي إقامة فعملي زيارة 3 شهور لحد ما يعمل الآقامة فطبعا بقالي كتير ما شفتهوش يعني سنة إلا شهر فقررت أني أغير وأعمل لوك جديد خالص وأبان كأني عروسة فبدأت بشعري يعني أستخدمت شامبوهات وحمامات كريم وبلسم من ماي واي في حاجات عجبتني وفي حاجات ما عجبتنيش لكن اللي عجبني قوي حمام كريم الجدايل رائع جدا وقبل ما أسافر صبغت شعري نبيتي في خصل حمرا كان تحفة وطبعا عملت سويت لجسمي كله وعملت شعر وجهي وعملت تشقير لحواجبي كان جميل منه شكلي حلو ومنه أنه مش نمص ولا حرام وعملت بدكير في رجلي لكن إيدي حلوة جدا مش محتاجة اللي كانت محتاجة رجلي علشان كنت بمشي كتير أما بالنسبة لبشرتي فأستخدمت الروتين اليومي من أورفيلم بصراحة منتجات حلوة اما بالنسبة لجسمي جبت حمام مغربي في البيت وعملته لنفسي مرتين لكن ما حستش بفرق كتير بصراحة وفعلا زي ما قالت هنودة طويل وممل والواحدة بتكسل وسافرت لزوجي بالسلامة وتعالوا معايا نشوف عيوب الحاجة ومميزات في نفس الوقت بالنسبة لشعري هيشان غير طبيعي علما أن شعري فتلته ناعمة لا هو خشن ولا هو ناعم الصبغة نشفته جدا رغم أني ما صبغتهوش في حياتي إلا مرتين وطبعا كان شكله سىء جدا وزوجي لاحظ ذالك لأنه بيحب الشعر الناعم جدا فقررت أني ما عمري هصبغه أبدا لو عايزة أغيرلونه هعمله حنه في حنة بالمكونات الطبيعية فلما نزلت مصر علشان أعمل إجراءات الآقامة كان زوجي نفسه في اللون الآسود فققرت أني أعمل حنه فرد فكانت واحدة جارتي تعرف ناس عندهم عطارة أبا عن جد وبيعملوا حاجات طبيعية لكل حاجة ممكن انتوا كمان تسمعوا عنها منتجات د. بيوتي تحفة بجد فجبت منهم حنة الفرد بتتعمل على مرتين وحمامات كريم علشان لازم تتعمل قبل الحنو وبعد الحنة وشامبو وبلسم وفعلا قبل ما أعمل الحنة أول مرة قعدت أسبوع أعمل حمام كريم يوم بعد يوم على شعر ناشف وأغسله بالشامبو وبعدين البلسم وبعد كدا عملت الحنة وقعدت 24 ساعة وهي على شعري وبعدين غسلتها شعري طري بشكل ملحوظ جدا نسيت أقولكم أنا قبل ما أعملها قصيت اطراف الشعر والتقصف علشان أعملها على شعر تضيف وبعد لما غسلت الحنة هقعد أسبوع تاني أعمل حمام كريم برضه يوم بعد يوم لمده أسبوع وهقولكم على النتيجة التانية لما أعملها إ نشاء الله بس أنا راضية عن شعري جدا لحد الآن خاصة كمان لما ألفه بيبقى تحفة وعلى قكرة شعري ما سودش بطريقة جامدة لا لونه حلو ولسه برضه هشوف المرة اللي جايه أما بالنسبة لبشرتي فأحسن حاجة أستخدمتها منتجات أورفيلم بس بصراحة مش بستخدم الروتين كله بستخدم بس غسول الصبار من أورفيلم وسكرب وكريم العين لآن العين أول واحدة بيبان عليها الآرهاق والتعب وماء الورد بديل التونر وماسك بعمله كل أسبوع ماسك الطحالب برضه من أورفيلم وأخيرا جبت من فترة مجموعة التفتيح بس لسه بصراحة ما أستخدمتهاش أنا بشرتي دهنية جدا فلازم طبعا أهتم بيها جدا وكان فيها حبوب بس الحمد لله راحت لما رحت للدكتورة جلدية قبل الزواج علاجتني علاج كويس جدا وعملتلي تقشير كميائي فالحمد لله الحبوب راحت ولكن في أثار بنية بسيطة لا تذكر ولكن مع الآهتمام راحت كلها أما بالنسبة لجسمي بستخدم سكرب من أورفيلم والصابون المغربي مع الليفة المغربية لآني جربتها بصراحة تحفة مع شاور جيل أنا أستخدمت قبل كدا من ماي واي لكن ساعات بستخدم صابونة ديتول بصراحة بتنظف وتعقم الجسم أما اللوشن فستخدم انواع كتيرة منها بتنعم ومنها بتدي ريحة حلوة ومنها بترطب أما ترطيب الأيدي بعد طبعا شغل البيت عندك من أورفيلم في كريم بالزعفران حلو جدا أما بالنسبة للقدم والآرهاق بصراحة أنا اللي بعمل بدكير لنفسي في البيت بستخدم مجموعة ماي فوت من ماي واي تحفة وجميلة وجايبه أنا المجموعة الخاصة بعمل البدكير ده كل اللي أستفدته وحبيت أفدكم وأي سؤال أنا موجودة وتحت أمركم

يا حبيبتى ربنا يصلحلك الحال ونورتينا والله هنوديه يا ستى مش فضيلنا عماله تاكل وخلاص ههههههههه اوعى يا هندوده تزعلى بلالف هنا يا قمر
.......


سؤالى ليكى يا قمر ممكن تقوليلى دكتور ايه جلديه رحتيله وظبط بشرتك وكمان منصحكيش بمنتجات ماى واى لانها مش اد كدا خليكى فى اوريفليم لانها مضمونه ان شاء الله ويارب يطلع شعرك زى ما انتى حابه يا قمر

[solitair_sam]

طبعا مرسى للرائعه هنوده على كل المعلومات و ال Tips اللى بتعملهالنا ..

وبجد فعلا حاجات بنبقى عاوزين نسأل عنها وحاجات مش بنبقى واخدين بالنا منها .. بس ف النهايه بنستفيد وبجد


ام أنس .. ربنا يكرمك يارب ..وعلى فكره استفدت برضو من كلامك وتجربتك
انا كنتناويه اصبغ شعرى (طبعا مش اول الجواز ) بس بعد ماقرأت كلامك قررت انو بلاش ونشوف الحنه اللى بتتكلمى عنها دى

بس مستنياكى تيجى وتقوليلنا لما عملتى الجزء التانى بقت ايه الاحوال ؟