عروسات المستقبل تعالوا اقولكم.. جزء 2

[هنودة هنانيدو]

ايه رايكم نهاردة نتكلم على مواعيد الاهتمام ببنفسنا ايام الزواج ؟؟

احنا حنقسمه لمرحلتين :::::::::
مرحلة الاولى :: اللى هى حتبقى ان شاء الله اول اسبوعين او شهر فى الزواج " honey moon "

تانى مرحلة :: اللى بتبقى بعد انتهاء اجازة الزوج وروجوعه للشغل

تعالوا بقى نشوف النهاردة اول مرحلة ...

طبعا اول ايام الزواج الامور بتبقى متلخبطة يعنى بتبقى عروسة جديدة كل حاجة حواليكى جديدة وبيبقى الزوج طبعا فى اجازة وبتقضوا معظم الوقت مع بعض عشان كدا مش بيبقى فيه وقت انك تعملى نفس الحاجات من ماسكات وحمام مغربى ولف الشعر زى ما كنتى بتعملى قبل كدا

عشان

اولا مش حيبقى مقبول انك تسيبى زوجك قاعد لوحده بكذا ساعة وتدخلى تعملى ماسك وتعملى سويت وتلفى شعرك
وتانى حاجة احنا اتفقنا انه مفروض زوجك مش يشوفك وانتى بتعملى حاجات ديه خليها بتاعتك انتى

طيب حنعمل ايه فى الايام ديه ؟؟؟

اول حاجة سويت انتى مش حتحتاجى تعملى تانى بعد الفرح باسبوعين لانه اصلا حيكون مظهرش او طلع خفيف يبقى اول ما زوجك يرجع شغله ابقى اعملى قبل كدا لو انتى من النوع الشعر حيطلع عندك سريع ابقى استخدمى بروان فى وقت زوجك بيصلى او نزل يشترى طلبات

بالنسبة سكراب وحمام مغربى طبعا بياخد وقت وجسمك حيكون من قبل الفرح انتى عامله حمام مغربى يعنى خلايا الميتة مش حتظهر بشكل قوى مش حتحتاجى تعملى تانى حمام مغربى اجليه لبعد كدا .ز لو حسيتى ان جسمك محتاج سكراب اعملى ليمون + ملح بيبقى سريع

طيب والماسكات استبدليها بكريمات الترطيب عندك يعنى حطى كريم للوجه واستخدمى غسول عشان الميكب وكريم الايد حتبقى ناعمة

بالنسبة لجسمك بعد ما تاخدى شاور ابقى مرة حطى كريم معطر ومرة بيبى جونسون ومرة زيت اللوز حيبقى جسمك بردو ناعم جدا ومش طبعا كل يوم تعملى كدا يعنى كل كام يوم تعملى كدا

الشعر زى ما قولنا انك حتغسليه كتير فى الاول عشان كدا بلاش كل مرة نستخدم شامبو يعنى مرة اغسليه بشامبو ومرة لا عشان ميضرش الشعر

بالنسبة كريم التصفيف او الزيوت خليها حاجة خفيفة زى السيروم عشان الشعر يمتصه بسرعة

ان شاء الله نكمل باقى الكلام

[م.هبة]

كالعادة يا قمر ... كلامك جميل وتفكيرك فى مناقشة مواضيع معينة بتكون فى بالنا ده أجمل
وفعلا كنت حسألك سؤال فى نفس الموضوع اللى بتشرحيه

[ميويا86]

أزيك ياهنودة؟ماشاء الله موضوعك النهاردة جمييييييييل كالعادة
بس مافهمتش ازاي مش نغسل الشعر كل مرة بشامبو؟يعنى يتغسل بماء بس؟

وياريت تبعتيلي اللينك لوينفع
معلش بنتعبك معانا وبحييكي تاني علي موضوعك.

[ملوكة 12]

أزيك يا هنوودة
انا بجد بقى شئ اساسى عندى أدخل كل يووم على موضوعك وأشوف كلامك
بجد أنتى رأيك وذوقك كمان عااالى جدااا يا قمر
يا رب دايما بالتوفيق والسعادة يا هنوودة
ولو مفيهاش تعب يا ريت اللينك

[mersa]

شكرا على المواضيع المفيده جدا

[pink_heart]

هنوده ياقمر ايه الجمال ده بجد كل مرة موضوع اجمد من اللى قبله
وياريت تبعتيلى اللينك
اعمل ايه بقى مانتى مدلعانا استحملى بقى

[sooo008]

ازيكو يابناااااااااااااااااااااااات وحشتوني معلش مش معاكو يومين كان عندي استشاره للدكتور الجلديه اللي قولتكو عليه وبعدين قالي حاجه مهمه
عايزه اقولها ليكو سالتو علي كريم لوكسيد ار بتاعك ياهنوده عشان التفتيح قالي انه خطر جددددددددددددددددددددددددددددددددددددددددا وبيحرق الجلد
قولت لازم اقوللكو النعلومه ديه لا فعلا انا تعبت من موضوع التفتيح ده
خالبالكو يابنات لازم نستعمل حاجات طبيعه هو قالي ان الكريم اللي كتبهولي
مفهوش اي مواد كيماويه ولا مواد ضاره وفعلا يابنا انا لما قريت النشره
لقيت انه معمول من الا عشاب وهو عباره عن زيت جنين القمح وزيت الجوجوبا وخلاصه الروز ماري
وفيتامين eوcوالشاي الخضر وزيت اللوزوالبانثينول وكل الحمد الله مواد طبيعه
مفهوش اي مواد كيماويه
وانا طبعا كنت مضايقه جدا ان هو مجبش نتيجه لا ن انا بستعمله من اسبوعين
قالي استحاله اي وصفه في الدنيا تجيب نتيجه في اسبوعين وقالي لو عايزه نتيجه سريعه
اعمللك تقشير طبعا انا رفضت ومرضتش وقولت هستمر علي الكريم لمده اسبوعين تاني زي ماقالي بس لما قالي عن الكريم لوكسيد ار انا مش كويس اقتكرت ان هو بيقول كده
عشان مبينش فشله بس فكرت ان هو مش خسران حاجه والمفروض
ان الدكاتره بيبقي عندهم امانه
مش زي بتوع التجيل اللي بيستفادو منك فكرت لقيت ان كلامه صح وكمان سلت الصيدلي قالي ان هو مش كويس وليه اضرار كتير حبيت يابنات افيدكو للامانه والله
ولوجه الله وان ربنا يسترها معانا جميعا ونبقي عرايس قمرات ان شاء الله (امين يارب العالمين)
وارجو ان انتو تكونو استفدتو
وياريت اي واحده عايزه تفتح ركبها تستعمل حاجه مفهاش كيمويات ياريت حاجات طبيعه
لان لومفدتش مش هضر علي الاقل وربنا معانا يانات ونوصل للجمال الطبيعي اللي احنا عايزينه ان شاء الله معلش طولت عليكو

[sooo008]

هنوده حبيبي ازيك اللينك طبعا عايزاه انتي
عارفه ان انا خيبه في موضوع الميكاج ده تعابينك معانا

[هنودة هنانيدو]

كالعادة يا قمر ... كلامك جميل وتفكيرك فى مناقشة مواضيع معينة بتكون فى بالنا ده أجمل
وفعلا كنت حسألك سؤال فى نفس الموضوع اللى بتشرحيه

تسلمى يا هبة وشكلنا عندنا بردو توارد افكار

أزيك ياهنودة؟ماشاء الله موضوعك النهاردة جمييييييييل كالعادة
بس مافهمتش ازاي مش نغسل الشعر كل مرة بشامبو؟يعنى يتغسل بماء بس؟

وياريت تبعتيلي اللينك لوينفع
معلش بنتعبك معانا وبحييكي تاني علي موضوعك.

بصى يا ميويا هو كتر الغسيل طبيعى بياذى الشعر بالتالى لما كمان نكرر غسلية فى اليوم الواحد اكتر من مرة وكمان بشاميو اكيد حيضره اكتر عشان كدا يعنى مش كل مرة تسغليه بشاميو مرة كدا ومرة بماء فقط وهكذا وده اللى فى اول ايام الزواج وبعتلك اللينك ياقمر

أزيك يا هنوودة
انا بجد بقى شئ اساسى عندى أدخل كل يووم على موضوعك وأشوف كلامك
بجد أنتى رأيك وذوقك كمان عااالى جدااا يا قمر
يا رب دايما بالتوفيق والسعادة يا هنوودة
ولو مفيهاش تعب يا ريت اللينك

مبسوطة اوى بكلامك الجميل يا ملوكة انتى اللى كلك ذوق وانا بعتلك اللينك

شكرا على المواضيع المفيده جدا

تسلمى يا جميل

[هنودة هنانيدو]

هنوده ياقمر ايه الجمال ده بجد كل مرة موضوع اجمد من اللى قبله
وياريت تبعتيلى اللينك
اعمل ايه بقى مانتى مدلعانا استحملى بقى

اهلا يا بينك ياقمر انتى اللى جميلة وبعتلك اللينك وطبعا ابقى مبسوطة لما ادلعكم

[هنودة هنانيدو]

هنوده حبيبي ازيك اللينك طبعا عايزاه انتي
عارفه ان انا خيبه في موضوع الميكاج ده تعابينك معانا

ميرسى يا قمراية على كلامك ونصايحك الخاصة بالدكتور .. انا مش عارفة لما سالت الصيدلى قالى مفهوش اضرار وفعلا جربته شهر ونص والحمد لله نتيجة حلوة بس بردو كلام دكتور بتاعك ممكن يكون صح عشان كدا لازم اى بنوتة تسال قبل ما تجيبه مش عايزة حد يدعى عليا وى يزعل منى

وبعتلك اللينك حبيبى

[هنودة هنانيدو]

نكمل كلامنا يا عرايس

زى ما كنت ميويا بتسال هو احنا نغسل شعرنا مرة شامبو ومرة ماء .؟؟

بصوا ياقمرات احنا فى اول الزواج غسيل الشعر بيبقى كتير يعنى كذا مرة فى اليوم وطبعا كتر الفسيل اصلا بيضر الشعر لان مفروض الشعر بيتغسل مرة او 2 فى اسبوع مش اكتر من كدا عشان يحافظ على زيوت الطبيعية الموجودة فى الشعر وكتر الغسيل بيقلل الزيوت ديه ..
طيب اذا كان الماء بتعمل كدا يبقى بردوة كتر الشامبو حيعمل ايه ؟؟ فهمتونى ؟؟

اللى اقصده اننا بلاش نكتر من غسل اشعر بالشامبو عشان هو فى نهاية مادة كيمائية وعشان نحافظ على الشعر يبقى نخليها مرة شامبو ومرة عادى بالمءا فقط او حسب ما ترتاحى مرتين شامبو ومرة ماء المهم انه مش كل مرة نغسل شامبو ...

كمان يابنات اتعودى انك لما تغسلى الاطباق تلبسى جوانتى بتاع المطبخ فى ايدك عشان الماء والصابون بينشف الايد ويخليها سمراء اتعودى تغسلى الاطباق بجوانتى عشان تحافظى على ايدك

واللى عندها هالات سوداء ومتعودة على انها تحط مثلا زيت اللوز او اى وصفة طبيعية حاولى تستبدلبها فى اول اسابيع الزواج بكريم للعين خفيف شوفى ماركة حلوة زى لوريال او نيفيا او اوريفليم عشان تخلى شكل الهالات احسن وتقلل الانتفاخات وبعد كدا ارجعى تانى اعملى وصفاتك الطبيعية ...

بردو بلاش ننسى اننا بعد ما نحط ميكب ننام بيه لازم نشيله يا بنات عشان البشرة تتنفس وميحصلش ان مسام تتقفل اوك .. انتى ممكن تجيبى مزيل ميكب حلو مناسب ليكى والماركات كتير اوعى تعملى بالزيوت زى زيت الزيتون او زيت اللوز وزيت اللوز اخف من الزيتون ..

ونلتقى بعد الفاصل

[بنت القطاع]

السلام عليكم

كيفكم يا بنات
بدي اسأل لو ممكن تعطوني شوية تسريحات خفيفة للشعر اعملها بالبيت لانه على طول قاعدة قدام خطيبي بتسرحة وحدة بدي اجدد اذا ما فيها ازعاج ساعدوني لو سمحتم

[هنودة هنانيدو]

السلام عليكم

كيفكم يا بنات
بدي اسأل لو ممكن تعطوني شوية تسريحات خفيفة للشعر اعملها بالبيت لانه على طول قاعدة قدام خطيبي بتسرحة وحدة بدي اجدد اذا ما فيها ازعاج ساعدوني لو سمحتم

انا بعتلك لينك على الخاص ياقمر
وده كمان لينك تانى
http://lakii.com/vb/showthread.php?t=549080

[ملوكة 12]

أزيك يا أحلى هنوودة أنا عملت الواجب وقلت لازم أقولك عليه
بصى يا ستى انا بقالى اسبوعين بستخدم ليكوسيد والحمد لله جاب نتيجة كويسة جداا
كمان عملت المسك بتاع فيتامين e ونتيجة مطمئنة ....بس مياه الورد عملتلى حساسية وقامت معاية بأحلى واجب ....
بس انا عايزاكى تقوليلى طريقة أتخلص بيهامن الحبوب اللى موجودةفى جبهتى عشان مضيقانى ...فى نااس قالولى ماسك فيه خميرة بس انا خايفة أجربه ؟ انتى ايه رأيك
وكمان يا مس انا هبتدى أعمل التمارين بتاعتك ...مش انا كده شاطرة