تويت
افادكم الله
-
وداعا للشعر الزائد للابد وبدون ألم اعيدي اكتشاف نعومتك وانوثتك من جديد من راسك وحتى قدميك
-
اهلا اهلا سومة يا قمر انتى شرفتنيا بوجودك ويارب تفضلى معانا وتبقى اجمل عروسة فى الدنيا
انا اللى اتشرفت بانى دخلت اجمد توبيك ده التوبيك المثير بقى انا هسميه كده
لا شووووور هفضل معاكى وانتى طلعتى كمان من مصر وكمان اسكندرانيه ايووووووووووه معاكووو حد يسيب قمر زيك ويارب اصيف السنه دى ف اسكندريه
عروسه ايه بس انا لسه20 سنه وبدرس ومافيش حد ف حياتى اصلا اصلا
بس الموقع ده جامد اوى وكويس ان الواحد يدخل نت يفيد ويستفيد من غير مايغضب ربنا للامام ومستنيه المزيد منك هو انا طولت عليكى انا سورى ياجميل بس فى سؤال
بصى انا بعمل سويت بس ماما دايما تقولى انه عيب البنت تعمل سويت او اى حاجه فى المنطقه اللى هى الحساسه الا لما تيجى تتجوز بس انا حاسه ان دى نضافه وانا بضايق من شكله وكده وبصراحه بعمله من وراها بس بكريم اولا صح ولا غلط انى اعمله ثانيا بقى انا بعمله بكريم عادى بس النتيجه برده رخمه اخر حاجه زى مايكون محلوق كده ومش حلو وانا نفسى يبقى مش موجود خالص بس سويت مش بعرف وكمان كلامكووو انها مؤلمه جدااا خوفنى
ميرسىىىى ليكىىى ياقمرايه وربنا يارب يجعله فى ميزان حسناتك
سورى للاطالهالتعديل الأخير تم بواسطة so0oma_the cat; 20-04-2009, 05:59 PM.تعليق
-
بنات اانا بعتلكم اللينك على الخاصتعليق
-
بصى ياقمر انا كنت كاتبة طريقة تبيض الابط هنا فى الموضوع
تص علية كريم كينا كومب +ملعقتين كريم ابيض من غير ريحة زى لوكس او دوف + عصير ليمونة واحدة يتخلطوا كويس جدا والافضل بمضرب البيض زوتحطيهم كل يوم تحت الابط بعد السويت لمدة اسبوعين انا جربتها عن نفسى والحمد لله السواد عندى راح وبعد كدا بفسل المنطقة عشان احافظ عليها والسواد ميرجعش بصابونة ديتول عشان العرق وانشفها كويس وكل كام يوم احط ماء ورد بيدى ريحة حلوة
ميرسى يا قمر على معلومة جنزبيلتعليق
-
جزاكم الله خير
معلومات حلوة جدتعليق
-
واياكم يا جميل
اهلا يا سومة يا جميل بصى حبيبى شعر المنطقة الحساسة طبعا بيتشال لانه نظافة وطهارة كمان ومفهوش اى ضرر من اشليل بالعكس انك بتخلصى نفسك من اى بكتيريا ونفسيا بيخليكى مرتاحة منتعشة كداانا اللى اتشرفت بانى دخلت اجمد توبيك ده التوبيك المثير بقى انا هسميه كده
لا شووووور هفضل معاكى وانتى طلعتى كمان من مصر وكمان اسكندرانيه ايووووووووووه معاكووو حد يسيب قمر زيك ويارب اصيف السنه دى ف اسكندريه
عروسه ايه بس انا لسه20 سنه وبدرس ومافيش حد ف حياتى اصلا اصلا
بس الموقع ده جامد اوى وكويس ان الواحد يدخل نت يفيد ويستفيد من غير مايغضب ربنا للامام ومستنيه المزيد منك هو انا طولت عليكى انا سورى ياجميل بس فى سؤال
بصى انا بعمل سويت بس ماما دايما تقولى انه عيب البنت تعمل سويت او اى حاجه فى المنطقه اللى هى الحساسه الا لما تيجى تتجوز بس انا حاسه ان دى نضافه وانا بضايق من شكله وكده وبصراحه بعمله من وراها بس بكريم اولا صح ولا غلط انى اعمله ثانيا بقى انا بعمله بكريم عادى بس النتيجه برده رخمه اخر حاجه زى مايكون محلوق كده ومش حلو وانا نفسى يبقى مش موجود خالص بس سويت مش بعرف وكمان كلامكووو انها مؤلمه جدااا خوفنى ميرسىىىى ليكىىى ياقمرايه وربنا يارب يجعله فى ميزان حسناتك
سورى للاطاله
طريقة الشيل هو بصراحة مفيش افضل من السويت انا عارفة انها صعبة فى الاول بس بجد انا جربت الموس وجربت الكريم وحشين جدا وجربت اسلويت انبسطت بس هى صعبة فى الاول بعد كدا بتتعودى .. فيه بنات بتقول ان حلق العانة وان اسلويت مضرة بس مش عارفة انا برتاح اكتر مع السويت اولا تنظف بشكل حلو وتشيل كل خلايا ميتة والشعر بيتاخر ومفيش ولا سواد ولا حكة
وبكرة ياقمر تبقى اجمل عروسة انتى بس خلصى دراسة الاولتعليق
-
النهاردة عايزين نتكلم على ....
" اسبوع قبل الفرح "
احنا طبعا دلوقتى يا بنات كل واحدة بتهتم بنفسها بطريفتها يعنى اللى بيعمل ماسكات واللى بيعمل حمام مغربى وهكذا فى اوقات مختلفة ...
طيب قبل الزواج باسبوع تقريبا بيبقى فيه اساسيات بتتعمل لكل عروسة بس اوقات بنلخبط ايه اللى يتعمل وايه اللى مش مهم دلوقتى خصوصا ان الاسبوع اللى قبل الفرح بيبقى عندك مليون حاجة من فرش وتجهيزات والفستان عشان كدا ياقمرات عايزين نبقى عارفين من دلوقتى حنعمل ايه فى الاسبوع ده عشان نعرف نهتم بنفسنا من غير تقصير وفى نفس الوقت نشوف التجهيزات والفستان وكل حاجة من غير ما ننسى اهتمامنا بنفسنا
طيب تعالوا الاول نقول هو المفروض يتعمل فى الاسبوع ده وبعد كدا نرتبه بالموقت المناسب
::: السويت
::: حمام مغربى
::: ماسكات للبشرة
::: بديكير
::: حمام بخار للوجه
::: نعومة الجسم
::: ماسكات للشعر
دول يا بنات الاساسى اللى بيتعمل قبل الفرح وليه قولنا اسبوع عشان النتيجة تبقى واضحة ان شاء الله يوم الفرح
نتكلم بقى على الترتيب
خلينا نتفقين ان اليوم اللى قبل الفرح مفروض نكون خلصنا كل حاجة مطلوبة مننا سواء فى التجهيز او فى الاهتمام بنفسنا .. عشان مفروض اليوم ده اما انتى حتعملى حفلة لاصحابك زى ما بنسميها " حفلة حناء " او لو مش عملتى مفروض بتنامى وتريحى او تقعدى مع اهلك
من بداية الاسبوع اللى قبل الفرح حنبتدى بصنفرة بسيطة للجسم وللوجه عشان لما نحط اى ماسكات نستفاد بالنتيجة وابسط صنفرة او سكراب زى ما قولت فى اول الموضوع
ملح + ليمون
ارز مطحون + جلسرين + ماء ورد + حليب
الطريقة سهلة انك تغسلى جسمك بمياه وتبدى تحطى السكراب وتفركى كويس وبعد تغسلى جسمك كويس وتحطى زيت لوز مر او لوشن كريمى بيرطب
خلصتى سكراب تعالى بقى نعمل ماسك للوجه مش حاقولك تعملى ماسك ايه انتى اختارى اللى بتحبيه وجربتيه بلاش يا بنات نجرب حاجة جديدة فى الوقت ده عشان لاقدر الله ميحصلش مفاجات احنا مش عاملين حسابها او يكون ماسك مش مناسب يعمل مشاكل ..
عملتى ماسك للوجه ونفس الماسك يكون الرقبة وتحطى على جسمك زى ماقولنا زيت لوز مر اشمعنى زيت اللوز ؟؟
اولا انه مغذى جامد للبشرة كمان بيدى نعومة جامدة للجسم وكمان هو طبيعى يعنى تغذية ونعومة طبيعية
وده كان اول يوم فى الاسبوع:::: " سكراب للجسم والوجه + ماسك للوجه والجسم "
تانى يوم:::: اعملى ماسك لشعرك وبردو حاقولك اختارى الحاجة اللى جربتيها وعملت معاكى نتيجة حلوة بلاش تقولى صاحبتى قالتلى ان طريقة كذا حلوة اجربها .. مش وقت تجارب خليكى فى المضمون وبردو خلى كل حاجة فى اسبوع ده طبييعية عشان بشرتنا تستفاد
ثالت يوم :::: حتعملى بديكير لرجلك وايدك وانتى فى البيت حتقولى مبعرفش حاقولك مش مطلوب منك باديكير بشكل موسع لان باديكير حتعمليه عند كوافير بس اللى مطلوب منك انك حتحطى رجلك فى مياة دافية فيها شوية ملح . الملح طبعا بيطرى جدا الجلد وتسبي رجلك لمدة ربع ساعة فى المياه وفى نفس الوقت تحطى ايدك فى مياه دافية فيها زيت لافندر او كاموميل عشان بيطرى جدا الايد بعد كدا تنسفيهم كويس جدا وتجيبى حجر الرجل الاسود واعملى رجلك بيه وحطى بعد كدا على ايدك ورجلك كريم مناسب مرطب والبسى شراب لرجلك حتى لو كنا فى الصيف عشان الرجل تستفاد
رابع يوم ::::حتعملى حمام مغربى .. طبعا الحمام المغربى لازم يكون قبل السويت ليه ؟؟اولا عشان تفتحى كل المسام وتشيلى كل خلايا ميتة فلما تيجى تعملى سويت ميظهرش شعر تحت الجلد لانك خلاص فتحتى المسام .. كمان انتى بعد السويت الجسم مش حيستحمل حمام مغربى الجلد حيبقى تعب ةعشان كدا بنخلية قبل السويت بيوم عشان الجلد يرتاح
طبعا فيه بنات بتقول انا بروح اعمل حمام مغربى فى بيوتى سنتر او عند كوافير .. تسمحولى اقول رايى الشخصى ؟؟ بصوا يا بنات انا مش بحب ابدا ان حد يشوف جسمك وعورتك خاصة اذا كان موضوع تقدرى تعمليه خاصة انك بتروحى مكتان غريب حد يعملك طيب انتى اتعلمى تعمليه لنفسك والطريقة معروفة ..
وابسط طريقة تعمليها انك تفتحى السخان وتخلى الحمام كله بخار وتغسلى جسمك بمياه دافيه وتحطى على جسمك صابونة مغربية وديه موجودة عند اى عطار يكون مضمون لو مش عندك صابونة مغربية مفيش مشكلة هاتى صابونة ديرماكير اللى بطين البحر الميت مش عندك مفيش مشكلة هاتى صابونة نابلسى او الغار يعنى اى صابونة طبيعية مش دوف ولوكس
وتسبيها على جسمك 5 او 10 دقايق المهم جسمك يتشربها بعدها اعسلى جسمك تانى بمباه دافية واشطفيه كويس وتكون وقتها حاطة ليفة مغربية اللى بيتبقى شبة الجوانتى فى طبق بيه مياه سخنة عشان متبقاش ناشفة عليكى وتبداى بقى تفركى بيها كل جسمك من اول الرقبة لغاية صوابع رجلك حتلاقى بلاوى بتطلع على شكل خيوط اعملى لغاية ما تخلصى واغسلى جسمك كويس ونشفى وحطى بردو اى لوشن مرطب او زيت لوز او حتى بيبى جونسون عشان ترطبى الجسم وده ضروروى
خامس يوم "" السويت ياقمرات بصى حبيابى لو انتى متعودة تعملى ببروان او موس او كريم اى حاجة الغيها اليوم ده واعملى بسويت اولا حتنظف بشكل افضل من اى حاجة وتخلصك من اى جلد ميت والاهم انك حتفضلى مدة اطول اشعر مش بيظهر عشان كدا لو انتى مش متعودة تعملى اصلا سويت ياريت ابداى من دلوقتى عشان جسمك يتعود ومش تيجى يومها يطلع حبوب والتهابات بالنسبة بقى للسويت انتى بتعمليها قبل الفرح بيومين عشان جلدك يرتاح خلال اليومين ..السويت لو انتى بتعرفى تعملى لنفسك حلو اوى لو لا حتخلى حد يعملك يكون انتى عارفة كويس ويياريت تبقى اختك او مامتك او حتى صاحبتك مقربة حلصتى سويت تحطى حبيبى زيت زيتون بجد بيقلل اشعر وعن تجربة وبيدى لمعة للجسم ويطريه لو مش بيناسبك حطى نبات السعد تمام ؟؟؟
كدا خلصنا من اهم حاجات مطلوبة منننا نيجى بقى اليوم السادس
ده حتروحى فيه للكوافيرة تعملى حمام بخار للوجه وتعملك ماسك للبشرة وتعملك باديكير وتعملى شعرك هناك سواء استشوار او بيبى ليس
يبقى انتى كدا يوم السابع خلاص بقيتى زى القمر جسم نظيف ومفيش شعر ايدك ورجلك ناعمين وشعرك مستشور بشرتك مرتاحة
ده الاساسيات ولسه حاكمل ان شاء الله شوية تعليقات على موضوع ده زى شعر الوجه ولو طلع حبوب اوك ؟تعليق
-
واااااااااااااااااو هنوده موضوع النهارده حلووووووو جداااااااااااا...تسلمى ياقمر انتى
بس كنت عايزة اسالك كام سؤال.....1-انا عايزة استخدم وصفه الابط بس خايفه من كريم كيناكومب ده هو ايه فايدته لان انتى عارفه ليكوسيد منفعش معايا؟؟؟ وهل فى حاجه طبيعيه احسن بس تكون اكيد جابت نتيجه؟؟؟؟؟
2-عايزة اعرف ايه الفرق بين زيت جونسون والجيل بتاعه برده؟؟؟
وعلى فكرة انا بدات التمارين الرياضيه وياااارب استمر بقى وتكون كويسهتعليق
-
السلام عليكم
ماشاء الله تبارك الله موضوعك راااااااااااااااااااااااائع ربنا يجازيك خير ويجمعك مع زوجك قريب ويجعلكم من عباده الصالحين.
كنت عايزة اسالك ع حاجة وياريت تفيديني انا عندي حبوب ف كتفي حاساها زي حب الشباب اللي بيطلع ف الوش بس الحمد لله انا ماعنديش حب شباب بس هيا مضايقاني شوية وموجودة ف كتف واحد ومش عارفاه اعملها اية؟ ياريت تفيدينيتعليق
-
ياتقيل ياتقيل
ايه المووضووووووووووووووووع الجامد ده
ماشاء الله
تصدقي يانودي انتي افكارك زيي بالظبط كنت موزعاااااها كده ماشاء الله عليك روعه روعه روعه
تسلمي يارب يااحلي نودي في الدنياتعليق
-
موضوع جميل جداً ..
ذا فوائد كثيره .. اشعر باني استفدت منه
مشكوره عمري وربي يوفقش ويعطيج ما تتمنينهتعليق
تعليق