ملف شامل لاشهر الطبخات العراقيه ....يم يم { ملف متجدد }

[dudi]

عواااااااااااااااااااااافي
اتمنى تكون فادتك الصورة كذلك

[dudi]

تشريب عراقي بالنومي بصرة ( روووووعة )

تشريب احمر بطعم النومي بصرة (الليمون الجاف )

المقادير :
1 كيلو لحم غنم مع العظم مقطع
2 طماطم مقطعة مربعات متوسطة
ربع كوب حمص مسلوق (انا استخدم المعلب )
2-3 حبات نومي بصرة (بصارة، ليمون اسود، ليمون جاف )
1 ملعقة كبيرة بهارات مخلوطة (بزار )
1-2ملعقة كبيرة معجون الطماطم (صوص الطماطم)
ملعقة شاي فلفل اسود
رشة ملح
ماء
وخبز التنور العراقي (اذا مامتوفر خبز عربي )
سمنة او زبدة للقلي
الطريقة :
نضع الزبدة في قدر على النار ومن ثم نضيف لها اللحم المقطع ونضيف الملح والبهارات والفلف الاسود الى ان يتحمر .
يرفع مزيج اللحم من القدر .ونضيف الى القدر الحمص المسلوق ونحمره ومن ثم نضيف اللحم مرة اخرى
والطماطم المقطعة والنومي بصرة (الليمون الجاف ) بعد ان يشق بالسكين من جميع الجهات ويمكنك استخدام كمية مطحونة منه (اسهل )
نذوب ملعقة معجون الطماطم بكمية من الماء الدافيء ونضيفها للخليط السابق
ومن ثم نضيف كمية من الماء لتغمر الخليط (انت تقدريها ) ونتركه يتهدر على نار هادئة جدا
الى ان ينشف الماء ويهرس اللحم ولكن ليس كل الماء ينشف المفروض يبقى جزء منه لسكبه على الخبز المقطع بعدها تحضري اناء مسطح بعض الشيء او مجوف وتضعي به الخبز المقطع ومن ثم تضعي قطع اللحم وبعدها تسكبي الخليط الى ان يغمر جميع الخبز ويقدم الى جانب المخللات والبصل الحار

وعليكم بالعافية
لاتنسوني من دعواتكم العراقية

[asla]

اسم الله عليج حبيبتي
مو اسويها واجي ؟ (يا عصفور)راح اجربها مرة اللخ بس عفية العجينة مال الزلابية المفروض تصيرسائلة شوية لو اثخن؟
اكولج دودي بالنسبة للكاهي اني راح ادور العجينة هنا بس اذا ما لكيتهة,اني سامعة اكو طريقة نحط العجينه الخفيفة تشبه عجينة البقلاوة طبقات وندهن وحدة وحدة بالزبد(اذا ما غلطانة اني)
تعرفيهة لو لا؟
اني اتوقع الكاها بس اذا ما لكيتها اني ماعلية ما افك ياخة عنج الى ان تكتبيلي الطريقه
تخيلي (اني هم نزل وهم ادبج على السطوح)
تتوقعين دودي ننساج من دعواتنا(انساك دَ كلام؟)
هلو سالي وج عيني علوى على الحجي الانكليزي النوبة اسم الله هولندي والله يمكن راح اطفش من هذا البلد بسبب اللغة. بس شنسوي هذا الله وهاي حكمته

[zahraaali]

Salaam Dudi

The spices (bazar) waht is it made of which spices

Shookran Sister**

[Sally]

السلام عليكم جميعا
اسلا..اني هم سامعه بهالطريقه مال ا لكاهي ..و تعرفين وين موجودة..بكتاب الطبخ مال نزيهة اديب..اني متاكدة الوصفه موجوده هناك..
و اني عندي طريقه الفطير المشلتت ( اكله مصريه تشبه الكاهي ) اذا تنفعج احطها الج ..بس اني ما مجربتها..
ردي علي اذا تريدين الوصفة..
دودي يا عيني على هالتشريب..ريحته فااااحت من المونيتر....
تسلم ايدج

[Sally]

اكول اسلا..هذي الوصفة حطيتها..ان شاء الله تفيدج و تفيد الكل

الفطير المشلتت

المقادير
1 كيلو دقيق نوعية ممتازة
1/2 كيلو زبدة
1 ملعقة صغيرة باكينج باودر
1 كوب سكر
1 كوب ماء


الطريقة
يخلط السكر والدقيق والباكينج باودر معا. .1
تقطع الزبدة لقطع صغيرة، ثم تضاف لخليط الدقيق. .2
يعجن الزبد مع الخليط بأطراف الأصابع حتى تتكون لدينا كباتيل عجين صغيرة. .3
توضع العجين فوق مكان كبير مسطح مرشوش بالدقيق. .4
تفرد العجينة بالنشابة حتى تصبح بعرض 1/2 سم (1/3 انش). .5
لمنع التصاق العجينة بالسطح المستخدم للرق: ترش العجينة بالماء بين الحين والآخر.
تقطع العجينة لعدة قطع متساوية. .6
تفرد كل قطعة من العجين حتى تصبح رقيقة جدا. .7
كيفية رق العجين: يضغط على العجينة بالنشابة الى الأمام ثم ترفع النشابة بخفة وبسرعة. تعاد نفس العملية حتى تصبح العجينة رقيقة جدا. ترش العجينة بالقليل من الدقيق أثناء رق العجينة حتى لا تلتصق العجينة بالسطح المستخدم للرق.
تدهن صينية دائرية بزبدة مذابة. .8
توضع قطعة من العجينة المرقوقة في الصينية وتدهن بالزبدة ثم توضع قطعة أخرى وتدهن بالزبدة وهكذا حتى تنتهي الكمية. .9
تخبز في فرن حرارته 180 س (350 ف) حتى يشقر سطح العجينة. .10
يرفع الفطير المشلتت من الصينية. .11
يأكل ساخنا أو بارد مع العسل أو مع الجبن المالح. .12

[dudi]

عـــــــــــــــــــــاشت الايادي والردود الحلوة والدعوات المستجابة ساوافيكم ان شاء الله

[dudi]

البزار للاخت زهراء

(البهار المخلوط)
المقادير:
=======
كوب كمون (سنوت)
كوب فلفل اسود
كوب كزبره جافه(جلجلان)
ربع كوب دارسين(قرفه)
ثلث كوب زنجبيل جاف
ربع كوب هيل
ربع كوب فلفل احمر
ربع كوب عرق الهيل
ربع كوب كركم
اربع حبات جوزبوه(جوزة الطيب)

الطريقه:
======
تنقى البهارات وتغسل جيدا وتصفى وتترك في الشمس او في الهواء لتجف
يقشر ما يلزم تقشيره
تخلط البهارات وتطحن ثم توضع في زجاجه او علبه نظيفه وتقفل باحكام.
اعتمدتها من موقع للبهارات

عوافي

[dudi]

Sally
حبيبتي مشكورة على المشاركة الجميلة

وبالنسبة للكاهي بهذه الطريقة ممكن بس بطريقة البف بيستري اطيب وانا مجربتها بس تريدن الصدق لو اخوه مافي اطيب واطعم من كاهي العراق اللي يجي وياه كيس نايلون بيه شيرة ام الجراثيم كلش طيب ولذيذ

[dudi]

الكباب العراقي (العروك)

العروك العراقي بالطاوة لانستغني عنه في العشاء
المقادير:

1/2 كيلو لحم غنم
1 بصلة مفرومة
1 بندورة مفرومة ناعم جدا
ا بطاطا مسلوقة مفرومة ناعم جدا او مبروشة
1/2 باقة بقدونس مفرومة (معدنوس )
1/2 كوب طحين اسمر (الاسمر اطيب )او اقل يطلع اطيب
ملح ، فلفل اسود ،كزبرة جافة ،كركم )

الطريقه :

تمزج جميع المقادير في زبدية وتترك لمدة اقل من ساعة وتشكل على هيئة اقراص طولانية اي ليست مستديرة جدا
وتقلى بالزيت الحار الى ان تستوي .
قدميها مع المخلل وسلطة الطحينية والطماطم المقلية بالزيت والبطاطس المحمرةرووووووووعة
عوافي عليكم

[Sally]

اي والله صدق دودي..ماكو اطيب من الكاهي مالتنا...
تدرين شنو ذكرتيني بوصفة الكباب...المغربيه بالصيف..و الواحد يطلع يتمشى..شوارع بغداد كلها ريحة كباب الطاوة..الله..الله على هالريحة..
عاشت ايديج

[asla]

هلو حبيبتي سالي شلونج؟
مشكووووووووووووووووورة جدا جدا جدا على الوصفة احاول اجربها ولو مبينة راح تتعب جتافي بيها
دودي الورداليوم ان شاء الله ادور على العجينة هنا و ان شاء الله اسويها واندعيلج
انت شدَتحجين دودي؟ هو شنو اللي يخلي الكاهي مال بغداد غير جيس الشيرة والجراثيم مالته
اكو اطيب منه؟؟؟؟؟؟؟؟؟؟؟؟
اما عن كباب الطاوة اني تورطت هنا وسويته لاصدقاء زوجي بالشغل صار واجب رسمي علية اسوي لهم كل فترة منه واخذوا المقادير و ودوها لزوجاتهم. تخيلي
دودي (اني لَوجة) ما كلتيلي عجينة الزبية لازم تكون سائلة جدا لو شوية اثخن؟عفية ردي علية اريد اجربها مرة ثانية قبل ما يخلص رمضان
تسلميلي مقدما يا ورد

[dudi]

Sally
حبيبتي مشكورة على اطراءك الجميل وكلامك اللي ينقط عسل
ذكرتيني بريحة كباب الكريعات وريحة المعسل وكعدات السهر على دجلة

[asla]

دودي اني هنا

[asla]

هلو من جديد
اليوم شكد حصلتي دعوات دودي؟؟؟؟؟؟؟؟؟؟؟؟؟؟؟؟
اليوم سويت العروك المصلاوي وطلع يخبل عاشت ايدج ومن بعدج ايدي
وانندعيتلج الله يجازيج كل خير يا رب
بالمناسبة اني باباتي من الموصل بس هذي اول مرة اجرب اطبخ هذي الطبخة
شايفة هيجي كسل؟؟؟؟؟؟؟
سلام من جديد يا ورد