❤ الحمام المحشى بالفريك ❤ من مطبخ بيرو بالتفصيل ❤ مشاركة فى مشويات ومقبلات ❤

[أحلى بيرو]

لالالالالالالالا مش معقول انا اول واحده ارد
فعلا تسلم ايدك يا احلى بيرو بجد حلوا برغم انى ماليش فى بس انا هنا صعب اجد حمام فبديلة بعمل سمان وبحشية برغل وعصاج ومعه زبيب بجد اللى اكله شكروا فى كتير [ATTACH]112367[/ATTACH]
بس على فكره زوجى بيحبه فممكن طبق له

هى حمامة واحدة بس علشان زوجك

كريمة انا صح ؟؟

يا عسل بالهنا على قلبك كل الحمام

والسمان عندنا برضوا بس بصراحة ما جربتوش

اجربه على ضمانتك بإذن الله

نورتينى حبيبتى

والمرة الجاية ابقى عدى كويس انتى تالت واحدة

[أحلى بيرو]

ايه حكاية الحمام اللي طالعلنه اليومين دول
شكله رائع ماشاءالله
عمري ماعملته ولا اكلته مولانني مااحبه بس لانه غير متداول عندنا
بس بعد عمايلك انتي وميسو لازم اجربة
تسلم الايادي حبيبتي
والف عافية يارب

ههههههههه

شوطة وطلعت فى المنتدى يا بنتى

بس جربيه وان شاء الله يطلع احلى واحلى من ايدك يا قمر



نورتى حبيبتى

[أحلى بيرو]

يا صفايح الزبده السايحه ههههههههههه ,, تسلم الأيادي يا قمر

أنا شميت ريحه الحمام من عندي هنا وكنت باسمع عن موضوع البرغل

لكن عمري ما جربته دايما باعمله بالرز وأتبله ملح وفلفل كتييييييييييير وأحشيه وأسلقه وأدهنه زيت وأشويه في الفرن

سامعيني يا بتوع السمنه البلدي ,, باشويه في الفرن

ألحق أجري بسرعه

انتى ايه اللى جابك هنا يا بتاعة الرجيم والمسلوق والنى فى نى انتى

قال مشوى فى الفرن ومدهون زيت

يا بنتى ان ماكانش متحمر وغرقان لشوشته فى السمن البلدى يا واد يا زيكا ما يبقاش حمام

لا وعاوزة تعمل عملتها وتقول اللى قالته وتهرب وتجرى بسرعة

مش علينا يا بنتى


بس بصراحة



منورانى

[أحلى بيرو]

يا حمامك يا بيرو
ايه الجمال ده كله
بجد رووعه ومن ايد خبيره اكيد
الصراحه انا نفسي ادوق السمنه البلدي بتاع مصر و الزبده الفلاحي
من كتر ما بسمع عنهم و كمان بشوف الدعايات فيالتلفزيون
وموضوع الحمام عمل دعايه كبيره للسمنه ههههههههههههههههههه

احنا عنا طبعا سمن بلدي وزبده بس مش عارفه شاعره انه بتوعكم طعمهم غير



نرجع للحمام
الصراحه نفسي بحته افصفصها





لوزه الحمام راائع واكيد تلاقيه فيالمولات او عند اي محل دواجن انتي هاتي حمامتين وجربيهم
ما بفرق عن الدجاج لكن له نكهة مميزةوجميله جدا

يا اهلا بالمحرضة الاولى على الحمام


يسلملى العسل يا ناس

والسمن البلدى بتاعنا فعلا جمييييل

ويا سلام لما تقلى قرص البيض بالسمن البلدى والا الكبدة والا الفراخ البلدى .. الله يسامحك جوعتينى

يلا وقت الخزين هايبدأ عندنا هابقى اخزن لك برطمان معايا بس تبعتى اوس علشان ياخده


منورانى دايما يا حبيبتى

[أحلى بيرو]

يالهوي يا مستهوي
هو دا التعذيييييب اللي على أصوله
شكله طالع تووووحفة
وخصوصي الحمامة اللي متحمرة اوي دي
لسه كنت في البلد مع زوجي
وطبخت بسمن بلدي
إيه الجمال ده
قال زيت درة قال
بالهنا والشفا يا قمر

تعالى فى حضنى تعالى يا ام محمود

هو حد جابنا لورا غير الزيت والريجيم اللى بيقولوا عليه ده

يلا يا بنتى نحمرلنا حمامتين على فرختين على بطتين ونقعد نمزمز فيهم انا وانتى

نورتينى يا عسولة

[أحلى بيرو]

تاني مره ابعتيلي المقادير كلها وانا بعملها وعلى النص هههههههههههههه على شان توكلي منها
الف صحه على اكل ما شاء الله بشهووووووووووووووووووووووووووو تسلم يدك

تصدقى فكرة يا ام انس

ان شاء الله المرة الجاية هابعت لك الحمام تعمليه .. بس هاعدهم حمامة حمامة

اوعى تخبى واحدة فى الاوستر بتاعك علشان يطلعهالك ديك رومى والا حاجة


نورتينى يا عسولة

[أحلى بيرو]

تسلم ايدك طالع من ايدك توحفه

بالعافيه على قلبك

تسلميلى يارب يا حبيبتى

نورتينى

وبالعافية عليكى حماماية منهم

[أحلى بيرو]

تسلم ايدك يارب
طالع معك تحفة ماشاء الله
انا ماعمري اكلته مابعرف ليش خخخ
وبتعرفي انه الاكل بسمنه اطعم انا بطبخ بسمنة بحس الاكل بزيت ما اله طعم هههههه

برافو برافو يا مجودة .. انضميتى لحزب السمن البلدى

يلا جربيه وان شاء الله يعجبك اوى ..

نورتينى ياعسولة

[أحلى بيرو]

واوووووووو روووعة

تسلم الايادي

الله يسلمك يا حبيبتى

بالف هنا يارب

[ام سنا 2003]

رووووووعه وشكله بيشهي تسلم ايدك

[صاحبة الـ@ـسك]

يا نهاررررررررررررر على الحمام
رووووووووووعة يا بنتى
ما تقلقيش إعمليه إنتى وأنا هآكلهولك
تحفة يا بيرو تسلم إيديكى
والحمام لا يجوز إلا بالسمنة البلدى
مع الإعتذار لزيت الذرة والزيتون وباقى الزيوت الصحية

[zineb gharbia]

تسلم يداك
رائع جدا ويشهّي

السمنة مسكينة بريئة


أحبها في الأطباق التقليدية ؛ وماسببت لي أبدا سُمنة .

[أرق من الرقه]

,،

ماشاء الله

شكله جناااان

تسلم ايديك

,،

[وعود الخير]

هو أنى لو عملت الحمام لا يمكن آكل منه



آكل منه لو حد غيرى عمله .. ايه السبب الله اعلم

ولا يهمك بيرو

أنا آكله عنك



صحتين وعافية على قلبك يا ميدوووو

[مصراتيه اصليه]

تسلم الايادي
ماشاء الله