*طبق متميز*الســــــــــالمون اللذيــذ من مطبخ أم حسن

[صاحبة الـ@ـسك]

إزيكم حبيباتى أخباركم إيه
اليوم جايبالكم طريقة جميلة ومبتكرة فى عمل السمك السالمون

بصراحة أنا السمك اللى متعودة عليه هو البورى والبلطى دول
أشهر سمكتين فى مصـــر الحبيبة
ييجى بعدهم الفيلية والمكرونة
لكن عمرى ما جربت السمك السالمون فى مصر

يللا بسم الله نبدأ

ننضف المك كويس بطريقتك المعتادة
وده شكل السمك دول حوالى 2.5 باوند
تقريبا 1 كيلو

المقادير:

*نصف كوب مايونيز

*نصف كوب كاتشاب

*2 أو 3 ليمونة كبيرة

*نصف إصبع زبدة سايحة (حوالى 4 ملاعق كبيرة زبدة)

*معلقة صغيرة من كل من ( بودرة الثوم - بودرة البصل - توابل إيطالية)

لو مش متوفرة البودة يبقى فصين ثوم مثلا وبصلة مقطعة
بالنسبة للتوابل الإيطالية عبارة عن ( بردقوش- زعتر - ريحان جاف- أوريجانو)

* رشة كمون * نص حزمة شبت

ويتبل بها السمك ساعة أو نص لو كنتى مستعجلة ثم يدخل فرن حار 450 درجة فهرنهايت وسيبية من ربع إلى تلت ساعة يكون إستوى وأسيبكم مع الصور
وده شكل التوابل

وهنا شكل التتبيلة

هنا السمك بعد التتبيل

بعد ما إستوى مش بياخد وقت فعلا

من زاوية أخرى

عجبت ضيوفى جدا جدا معلش مقدرتش أصورها بقى فى الطبق علشان كان الضيوف شرفونى

[أم شادى]

بسم الله ماشاء الله
تسلم ايديك روووووووووووعههههههه
بالف هنا وشفا

[ياسمين و فل]

ما شاء الله يا أم حسن .. شكل السمك يشهي
تسلم إيديكي يا رب

بس إنتي قلتي لنا إنه عجب ضيوفك .. لكن يا ترى إيه رأيك إنتي فيه و في التتبيله دي

[nonamoo]

شكله روعه بصراحه وجديد
تسلمي

[صاحبة الـ@ـسك]

بسم الله ماشاء الله
تسلم ايديك روووووووووووعههههههه
بالف هنا وشفا

اهلا بالغالية ام شادى
بتشرفينى دايما بطلتك الحلوة
تسلمى حبيبتى

[صاحبة الـ@ـسك]

ما شاء الله يا أم حسن .. شكل السمك يشهي
تسلم إيديكي يا رب

بس إنتي قلتي لنا إنه عجب ضيوفك .. لكن يا ترى إيه رأيك إنتي فيه و في التتبيله دي

السمك فعلا جميل
وأكيد التتبيلة عجبانى وإلا هأعمل لضيوفى حاجة مش عجبانى علشان أطفشهم واللا إيه
تسلمى حبيبتى

[عاشقة الحلويات]

سلمون لذيذ

تسلم الأيادي يا رب

[تناغرا]

ما شاء الله
تسلم الأيادي يا رب حبيبتي

[ام ليانة]

تسلم الايادي ام حسن

سلمون لذيذ وشهي وطريقة سهلة جدا كمان

بارك الله فيك حبيبتي

[ابنة الشهيدة]

ماشاء الله عليك روعة.
أنا حفظتها في المفضلة علشان اعملها بإذن الله ، وحأصورها لك لمن أعملها ، لكن طبعا مش زي بتاعك.

[radwa1981]

حلوة جدا
تسلم ايدك يا ام حسن
بموت في السالمون وممكن اكله كل يوم
انا هطبق طريقتك قريب قوي وانزلها لانها اكيد شهية من ايدك.
ربنا يخليلك حسن ويباركلك فيه يا رب دايما

[حنان(البحرين)]

تسلم يدكِ عزيزتي ماشاءالله شكل السمك بيشهي

[soso22]

ما شاء الله
تسلم الأيادي يا رب حبيبتي

[noorelhoda]

تعرفى يا ام حسن انا دائما اخاف جدا من الاقتراب من سمك السلمون
بخاف مع انى بموت فى الاسماك كلها
بس سمك السلمون تارك عندى انطباع بالزفاره انتى ايه رايك؟؟؟؟؟؟؟؟؟؟؟؟
انتى كده شجعتينى اوى انى اعمله لانه متوافر هنا كتير اوى
بس جاوبينى اخبار الزفاره ايه

[صاحبة الـ@ـسك]

سلمون لذيذ

تسلم الأيادي يا رب

الله يسلمك من كل شر حبيبتى

ما شاء الله
تسلم الأيادي يا رب حبيبتي

شكرا على مرورك الكريم

تسلم الايادي ام حسن

سلمون لذيذ وشهي وطريقة سهلة جدا كمان

بارك الله فيك حبيبتي

شرفتينى بطلتك الحلوة .... جزاك الله خيرا