سر خطير من اسرار مطاعم السمك..لسمك مقرمش و كرانشي لذيذ..وصفه مضمونه و مجربه

[الزينب]

لولا اني بحبكم جدا في الله و اعتبركم اخواتي الكريمات مكنتش صرحت لكم بهذا السر العسكري الرهيب..

و كنت اخدت علية براءة اختراع ..

المهم يا حلوات السر هو ازاي تخلي السمك المقلي مقرمش جدا جدا جدا و ناشف لاطول وقت ممكن..بالاضافة ان لون زيت القلي بيظل فاتح و لا يحترق حتى انتهاء مقدار السمك كله..

اتفضلوا معايا اليكم السر و هو من اسرار احد مطاعم السمك المشهورة بالاسكندرية و صلني من صديقة الله يكرمها و قلت ما ابخل عليكم بيه..

و لي منكم بقى دعوة حلوة بحق هذه الايام الكريمة..

الخطوات..

جبنا السمك نظفناه جيدا ..تبلناه بالتتبيلة بتاعته و المفضله اليك..بس نحاول نقلل الملح شوية في التتبيله

وضعناه في الدقيق تمام...

ثم نأتي لموضوعنا اليوم

و هو سر القرمشة الخطيرة للسمك..

و هو ان نحضر اناء و ليكن طبق عميق نوعا و نضع فيه ماء حوالي كوبين من الماء و ملعقة كبيرة ممتلئة من الملح و نذوب الملح تماما و نضع السمكه فيها و نقلبها على الوجهين في الماء ثم نرفعا سريعا ثم نضعها في الزيت الساخن مباشرة...

راح تحسي و هي بتتقلي انها بتكون جامده و ناشفة..و اذا كانت السمكه كبيرة و ممتلئة يمكنك ان تقسميها نصفين بالطول حتى تحصلي على نتائج مدهشه..

و الله النتيجه مذهلة و لون زيت التحمير بيكون جميل جدا..حتى انتهاء كمية القلي..

حتى لو كان السمك مجمد او بقى له فتره في الفريزر راح تحشي بقرمشته و طعمته...

اتمنى الفكرة تكون وصلت.

و اي استفسار انا حاضرة و ما تنسوني بدعوة حلوه..من القلب ..

و ربنا يعطي كل انسان على اد نيته

تحيتي لكم

و كل عام و انت بخير.

[شخبط شخبيط]

السلام عليكم
كل سنه وانتى طيبه يا ام زين
جديد قوووووى فكره السمك
من الماء للزيت الساخن مفيش اى حاجه تحصل نتيجه الماء
انا هعمل سمك باذن الله يوم الجمعه هجربه
بس بصراحه بصراااااااااااااااااحه انا واثقه فيكى
فمتاكده انها هتكون مقرمشه وحلوة
ربنا يخليكى ولايحرمنا منك يا قمر
ويرزقك باخت لزين امين يا رب العالمين

[لالي لافندر]

شكرا على المعلومة يا قمر
بارك الله فيك

[الزينب]

السلام عليكم
كل سنه وانتى طيبه يا ام زين
جديد قوووووى فكره السمك
من الماء للزيت الساخن مفيش اى حاجه تحصل نتيجه الماء
انا هعمل سمك باذن الله يوم الجمعه هجربه
بس بصراحه بصراااااااااااااااااحه انا واثقه فيكى
فمتاكده انها هتكون مقرمشه وحلوة
ربنا يخليكى ولايحرمنا منك يا قمر
ويرزقك باخت لزين امين يا رب العالمين

و عليكم السلام و رحمة الله و بركاته..
و انت طيبة يا ام ياسمين..
هي جديده و هتعجبك جدا و مش هتبطلي تعمليها خالص يا ام ياسمين..
و انا و الله و باذن الله لن اخون هذه الثقة ابدا..
و ربنا يخليكي يا شخبوطه و مننحرمش منك ابدا
و منك لباب السما على طوووووول

شكرا يا حبيبتي..

[الزينب]

شكرا على المعلومة يا قمر
بارك الله فيك

تسلمي يا لاالي..ان شاء الله تجربيها و تنال اعجابك

[لبنان وحبايبه]

مشكورة على المعلومة حبيبتي ..

ان شاء الله رمضان مبارك ..ربي يخليك ويحفظلك أهل بيتك...ويا رب بميزان حسناتك..


بصراحة فكرة الماء بالزيت الحار بينخاف يولع الزيت ويطلّع نار.ولا شو رايك انت يا أم زين؟

بعدين غير الفرقعة وطرطشة الزيت بكل المطبخ.لأن عند القلي اوقات لما بينزل نقطة ماء بالزيت بتحصل فرقعة وطرطشة رهيبة..فكيف مع الكمية من الماء يلي حتنزل من السمك؟

انا عارفتك ست بيت ما شاء الله عليك روعة..بس لو سمحت اذا مجربتيها ممكن تجاوبيني على أسئلتي عشان ان شاء الله أتشجع وجربها بإذن الله..

عفواً على الإطالة وكل عام وانت بألف خير يا رب ..

[لولو-20003]

هلالالا عزيزتي تسلمي على المعلومة بس فعلا وضع الماء بالزيت خطير جدااا و ممكن يسبب ضرر لا قدر الله اذا وضعت نقطة بالغلط في الزيت الحار فما بالك بكمية كبيرة

[تغريد2007]

والله لما قرات الموضوع حسيت اني بحط السمك مبلول فى الزيت الحامي طرطش فى وجهي
الله يسعدك يا ام زين يا رب ويخليكي حبيبتي
بس سؤال جربتيه شخصيا وما طرطش عليكي
ترى انا الحرق بطل يروح من جسمي نهائياااااااااااااااااااااااااااا هههههههههههههههه

[الزينب]

مشكورة على المعلومة حبيبتي ..

ان شاء الله رمضان مبارك ..ربي يخليك ويحفظلك أهل بيتك...ويا رب بميزان حسناتك..


بصراحة فكرة الماء بالزيت الحار بينخاف يولع الزيت ويطلّع نار.ولا شو رايك انت يا أم زين؟

بعدين غير الفرقعة وطرطشة الزيت بكل المطبخ.لأن عند القلي اوقات لما بينزل نقطة ماء بالزيت بتحصل فرقعة وطرطشة رهيبة..فكيف مع الكمية من الماء يلي حتنزل من السمك؟

انا عارفتك ست بيت ما شاء الله عليك روعة..بس لو سمحت اذا مجربتيها ممكن تجاوبيني على أسئلتي عشان ان شاء الله أتشجع وجربها بإذن الله..

عفواً على الإطالة وكل عام وانت بألف خير يا رب ..

عفوا يا اجمل لبنان و تحت امرك حبيبتي في اي استفسار..

و رمضان كريم علينا و عليك يا رب..و يكرمنا جميعا بعمرة و حج ان شاء الله..

اولا بالنسبة لان الزيت بيولع..انا طبعا اقصد ان الزيت يبقى سخن بالمعقول علشان لما بتكون درجة حرارة الزيت هادية شوية السمك او اي شيء بيتقلي بيشرب زيت كتير..يعني تكون درجة حرارة لازم تكون ساخنه..و فعلا بيحصل طرطشة و فرقعه بس ممكن تتجنبي ده كله بحاجه بسيطه جدا يا قمر..هو مثلا لو بتستخدمي يدك اليمنةىفي وضع السمك في المقلاة,,تكون في يدك اليسرى غطاء كبير يستوعب المقلاه و تغطيها بيه بحيث كل الفرقعه و الطرطشه دي تهدأ خالص و تبدأ تنزلي بالسمكه الاخرى و هكذا و بعدين بمجرد ما بترفعي السمكه من المقلاه بعد القلي هديْ النار قليلا حتى تقومي بوضع الاخرى..و هكذا..

و انا جربتها و الله العظيم قبل رمضان بيومين بالضبط و عملت كده بالظبط و السمك طلع مقرمش جدا جدا و طعم و لذيذ جدا جدا..

و كنت سعيده جدا بالنتيجه..و مكنتش متوقعها بالجمال ده

و عموما لو حضرتك قلقانه شوية ممكن تجربي في سمكاية كده صغيرة مش هاتخسر شوفي كده النتيجه و قارني بين لون الزيت..بطريقتك التقليدية و بهذه الطريقة..

و انا متأكده ان طريقتي دي هتكون المعتمده عندك ان شاء الله..

و اي استفسار حبيبتي انا موجوده ان شاء الله و ربنا يعيني و اقدر اجاوب عليكم..

و اي خدمه..
ان شاء الله اكون قدرت اجاوبك..

[الزينب]

هلالالا عزيزتي تسلمي على المعلومة بس فعلا وضع الماء بالزيت خطير جدااا و ممكن يسبب ضرر لا قدر الله اذا وضعت نقطة بالغلط في الزيت الحار فما بالك بكمية كبيرة

اهلا لولو..اهلا عزيزتي..

و الله يا جماعه انا جربت الموضوع ولاقيته عادي و الحمد لله اه كان في صوت قوي شويه بس الحمد لله قليت الكمية كلها و لله الحمد و الشكر بدون اي خساير..و لله الحمد..

و بعدين حبيبتي الله يرضى عنك ..انا مش هبلغكم حاجه و انا مش في بالي غير كل خير ليكم بأذن الله ..

هي بس عايزة سرعة في العمل..و بعدين حطي السمك و اجري..

هههههههه انا بهزر طبعا بس متقلقيش خالص انت بس جربيها و يا ريت تقرأي ردي على الاخت لبنان و حبايبه ان شاء الله تجدي فيه الافاده..

[الزينب]

والله لما قرات الموضوع حسيت اني بحط السمك مبلول فى الزيت الحامي طرطش فى وجهي
الله يسعدك يا ام زين يا رب ويخليكي حبيبتي
بس سؤال جربتيه شخصيا وما طرطش عليكي
ترى انا الحرق بطل يروح من جسمي نهائياااااااااااااااااااااااااااا هههههههههههههههه

بعد الشر عنك و عن وجه الصبوح يا ام انس ان شاء عدوينك..

و الله يا أم انس انا جربته..و مطرطشي علي خالص.. و لله الحمد

و صاحبتي اللي اخدت منها الوصفه كمان جربته..و صاحب المطعم ايضا بيعمل كده و اكيد مطاعم كتير..

و الحمد لله انا و صحبتي مفيناش اي حاجه من جراء استخدمنا لهذه الوصفه الصاروخية..ههههههههه

ربنا يسعد ايامك يا ام انس..و بعدين ده حضرتك تقولي للزيت اتلم فهيتلم على طول.. و يخاف

[لبنان وحبايبه]

أكيد جاوبتيني وكفيتي ووفيتي يا عسل وان شاء الله بميزان حسناتك يا أم زين..

حقول لك شغلة.. وهاد سر خطير كمان .. انا ما بقلي كتير بالبيت لا سمك ولا غيره بحب المشوي أكتر وطبعاً عشان الأكل الصحي يعني بحاول ما أقلي .. بس طبعاً انا واثقة بكلامك يا قلبي ومن غير حلفان وان شاء الله بجربها لما أنوي القلي .. السمك المقلي لذيذ ما في كلام طبعاً..

أم زين بعد ما تغمسي السمك بالدقيق وترجعي توضعيه بالماء ما بيروح الدقيق؟؟

الله يعينك على أسئلتنا وان شاء الله ربي يخليك يا قمر...

[aldoctora]

اختى المحترمة انا متابعة لجميع وصفاتك الرائعة
طبعا انا خايفة من فكرة الماء ثم الزيت
انا لااشكك فى كلامك حجربها وادعو لك

[الزينب]

أكيد جاوبتيني وكفيتي ووفيتي يا عسل وان شاء الله بميزان حسناتك يا أم زين..

حقول لك شغلة.. وهاد سر خطير كمان .. انا ما بقلي كتير بالبيت لا سمك ولا غيره بحب المشوي أكتر وطبعاً عشان الأكل الصحي يعني بحاول ما أقلي .. بس طبعاً انا واثقة بكلامك يا قلبي ومن غير حلفان وان شاء الله بجربها لما أنوي القلي .. السمك المقلي لذيذ ما في كلام طبعاً..

أم زين بعد ما تغمسي السمك بالدقيق وترجعي توضعيه بالماء ما بيروح الدقيق؟؟

الله يعينك على أسئلتنا وان شاء الله ربي يخليك يا قمر...

طبعا يا حبيبتي هو السمك المشوي اخف و اصح بكتير..و انا بعشقة لكن احيانا بحب اقلي السمك..و ان شاء الله تجربيها و تكون من غير اي اي اي خساير..

و بالنسبة لاستفسار حضرتك هو بيروح جزء بسيط جدا منه و ةطبعا المسألة عايزة خفه و سرعة يعني بمجرد قلبه على الوجهين و سريعا نصفية من الماء بمسك السمكه من ذيلها ثم نضعها بالمقلاة...و ان شاء الله بمجرد انتهاء المقدار ستجدي ان طبق الماء هذا به كمية يعني بسيطه من الدقيق..

و اي استفسار...

تحيتي و احترامي

[الزينب]

اختى المحترمة انا متابعة لجميع وصفاتك الرائعة
طبعا انا خايفة من فكرة الماء ثم الزيت
انا لااشكك فى كلامك حجربها وادعو لك

اشكرك حبيبتي..على متابعتك..لي و ان شاء الله تجربيها و تبقى طريقتك المعتمده و ان شاء الله من غير اي خساير..

و ربنا يكرم اصلك يا رب و يهون عليك غربتك..