الفتة المصرية

[azmiralda000]

--------------------------------------------------------------------------------




المقادير:


ربع كيلو لحم (يفضل لحم غنم أو ضأن)
كوب و نص رز مصرى
بصلة صغيرة مقشرة
3 فصوص حبهان
ورق لورى (اختيارى)
ملح
فلفل اسود
صلصة طماطم
5 فصوص ثوم مفروم
4 ملاعق كبيرة خل
2 معلقة كبيرة زيت او سمن
رغيف عيش مصرى بالردة



الطريقة:



اولا نقطع اللحم و نغسله و نحطه فى حلة مع الحبهان و البصلة وورق اللورى و فلفل اسود و لتر ماء و نسيبه على نار لغاية مايغلى
نشيل الزفرة اللى على الوش و نحط الملح و نوطى النار شوية
نقطع رغيف العيش قطع صغيرة فى حجم اللقمة كده و نحطه فى صينية و نحطه فى الفرن كل و شوية نشوفه لغاية ما يتحمص بس ما يتحرقش طبعا
نعمل الصلصة بالطريقة العادية سواء كانت صلصة طماطم او معجون طماطم يعنى نحطها على نار و معا زيت و ملح و فلفل لغاية ما تغلى و نوطى عليها
نغسل الرز و نحط معلقة السمن او الزيت فى الحلة على النار و نقلبه مع الرز دقيقتين و نضيف عليه كوب من شوربة اللحم و نزود الباقى ماء لو محتاج و نظبط الملح
نحط التوم المفروم فى قلاية و معاه معلقة سمن و نقلبه على النار شوية بس من غير ما يسود و بعدين نحط عليه الخل و نطفى النار
ناخد معلقتين من الخل بالتوم نحطهم على العيش و نقلبه مع بعض و باقى الخل بالتوم نحطه على الصلصة


التقديم :


ناخد العيش المحمص و يفضل نحطه فى صينية او طبق عميق
نحط عليه حواى تلت كوب من مرقة اللحم و نسيبه شوية يشربها
نحط عليه الارز و بعدين نحط عليهم صلصة و نحط قطع اللحم على الوش و بالهنا و الشفا


ممكن كمان ناخد من مرقة اللحم نعمل شوربة لسان عصفور او شعرية

[لبنان وحبايبه]

تسلم يداك الوصفة شهييييييييييييييييييييييييييييييية

[rawan_d]

يسلمو حبيبتييييي

[azmiralda000]

شكرا على اهتمامكو بس انا نسيت اقول ان المقادير لشخصين و زودى حسب عدد افراد اسرتك

[Om-AdaM]

مممممممممممممممممممممممممممم يا شيخة حرام عليكى هههههههههههههههههههههه شامة ريحتها الفتة و الله لى زمان ما عملتها فكرتينى بأيام مصر .
تسلم ايديكى

[ام الحبيبة]

تسلمي علي الوصفة الشهية
وفيه ناس وانا منهم بتحمر الخبز في السمن او الزيت علي النار و طعمها بيكون يجنن
لكن تحميص الخبز في الفرن طبعا صحي اكتر خصوصا للي مفروض يقللوا من الدهون مثل مرضي الحصي المرارية و الشرايين التاجية

[حنان(البحرين)]

مشكوره حبيبتي على الوصفه الطيبه

[بركانية الطباع]

مشكورة اختى على الوصفة

[أم نورBH]

مشكورهـ
على الوصفهـ
يعطيج العافيهـ

[azmiralda000]

شكرا على مروركم
انا كتبتلكم كمان الفتة الفلسطينية فى الرابط ده يارب تعجبكوا

http://www.lakii.com/vb/showthread.php?t=361931

[azmiralda000]

يعنى ما قولتوليش بجد الفلتة المصرية احلى و لا الفتة الفلسطينية

[* نور هدى *]

سلمت يداك
فتة شهية

[omroro-4]

تسلمي الف شكر لازم نجرب الاثنين بعدين نقول اي اطعم بس اكيد الاثنين طعمين

[azmiralda000]

بالهنا و الشفا ان شاء الله

[yehia2007]

تسلم ايدك يا هند انا كمان بعملها كده
يلا هانت قربنا نعملها ع العيد كل سنه وانتى طيبه