مشاكل الكمبيوتر وحلولها...شعارنا "مفيش حاجه هتقف أمامنا"

[أم يزن(سيناء)]

Eng.E.M.K
كنت عايزة تحطيلنا اسم بلاش بدال لا جنب النك نيم عشان مش عارفين نقولك يا اية؟؟لما نسألك

[lulya]

الباتشن ماجيك احنا بنستخدمها علشان نقسم الهارد
بس لما يكون عندك مساحه وعايزه تفضى من السى يبقى تمسحى ملفات منه
مش تقسمى الهارد
انا عايزه اعرف بقى الدرايف الجديد جبتى مساحته من اى درايف عندك
لانك بتعيدى التقسيم يعنى بتاخدى مساحه من دريفات تانيه
بالنسبه للاستفسارات


دا على حسب اذا كنتى بالبرنامج اخدتى مساحه للسى وزودتيها
لكن غير كدا لا هو مش بيزود من نفسه



أى هل يتم معاملته مثل السى

هو زيه زى الF,G,E,D ومالوش علاقه بالسى مطلقا
لانه جزأ من الهارد عادى



كدا حضرتك فعلا اعدتى تقسيم الهارد
بس انا مش عارفه اخدتى مساحه الدرايف الجديد دا من اى درايف تانى
علشان تفضى مساحه على السى يبقى تحذفى اى ملفات شخصيه من عليه وكمان تحذفى البرامج الغير مهمه من عليه
ومثلا المشكله التاليه ماهى البرامج فى الفولدر متخزنه على السى واخده مساحه منه انقلى كل اللى فيه من برامج هتلاقى مساحه كبيره فضيت بسبب نقلهم




هو حضرتك بتستخدمى برنامج فى التحميل او بتحملى مباشره من المتصفح
لان فى المتصفح بتحددى مكان نقل الملفات وهو بيحملها مباشره الى المكان دا
لكن طالما بيروح الى ماى دوكيومنت يبقى دا برنامج
واى برنامج لما بتضغطى على التحميل بيطلعلك رساله تفيد انك تقدرى تغيرى مكان التحميل الافتراضى
فياترى حضرتك بتستعملى ايه

متشكرة جدا لسرعة الرد وجزاكى الله خيرا

بالنسبة للبارتيشن ماجيك حضرتك هتضحكى عليا لأنى مشيت مع الخطوات لحد الاخر بس ما كنتش فاهمة أنا بعمل ايه وأعتقد ان المساحة فى السى قلت علشان زى ما حضرتك قلتى علشان أنا شيلت برامج منها





وبالنسبة للداونلود انا مش باستعمل برنامج للتحميل وعملت زى ما حضرتك قلتى وحددت مكان نقل الملفات

متشكرة بجد الموضوع ده كان غايظنى

ومعلش فى اسئلة جاية فى الطريق سؤال تابع للموضوع السابق وسؤال جديد

[lulya]

السؤال الأول اللى تابع للموضوع السابق

هل يطلق على f,g,e,c درايف أم بارتيشن

وهل ممكن أنقل برامج من السى للبارتيشن الجدي



السؤال الثانى ودى مشكلة مضيقانى أوى

أنا من يومين اشتريت كاميرا ديجيتال وبعدين حبيت انزل الصور والفيديو بس أولا السى دى فى منتصف عملية التثبيت

رفض يكمل واتكتب ان فى مشكلة وسألنى ممكن أحمل البرنامج اون لاين وفعلا حملته اون لاين بس لما وصلت الكاميرا والusb بالكمبيوتر ما فيش حاجة اتفتحت ومرة كان يكتب فى مشكلة ومرة تانية ما كانش بيكتب حاجة كأن مفيش حاجة اتوصلت بيه ورحت المحل اللى جبته منه ووصل الكاميرا بالجهاز اللى عنده لقيت الصور اتفحت وكلله كويس
وقالولى فى المحل انه ممكن يكون محتاج تسطبى الويندوز من تانى

وانا محتارة ومش عارفة الحل ايه

معلش تعبتك معايا وجزاكى الله كل خير

[جنة النور]

انا حجرب تاني بالنسبة للصور

[جنة النور]

وأخيرا زبطت
الف شكر يا مهندستنا الغالية دايما متعبينك معنا الله يجزاكي كل خير

[أم يزن(سيناء)]

معلش ياقمر والله انا لسه راجعه من المنحه
والنهارده كان يوم شاق من المحاضرات
ويادوب غيرت لبسى واكلت وجيت
فانا مش فاكره السؤال
وقلبت الصفحات معرفتش اوصله
معلش فكرينى بيه تانى
اسفه انى بتعبك

ماشى ياجميل
النطاحية كانت بتسأل وبتقول ازاى اعرف السيريال نمبر بتاع نسخة الويندوز؟وانا رديت شوفى انتى وعقبى بئة.
كان لى سؤالين يا عشدسل
1/ازاى اعرف ان جهازى مخترق لان فى ناس تعرف الاى بى الخاص بنا بحكم الروتر
2/الجهاز عندى لما فتحتة من شوية لقيت الحاجات اللى على الديسك توب زىmy *وغيرها على شكل صفحة ورقة اوصفحة بيضا مطوى طرفها؟؟؟دة يعنى فية فيرس ف الجهاز؟؟computer*interner explorer

[أم يزن(سيناء)]

صحيح يا Eng.E.M.K
انا عايزة اعرف البرنامج اللى بيصور صفحات الكمبيوتر يعنى كأنى عايزة اشرح بالظبط برنامج معين بوضع الاسهم وغيرة.
تقلت عليكى بس نعمل اية انتى راضية

[Eng.E.M.K]

Eng.E.M.K
كنت عايزة تحطيلنا اسم بلاش بدال لا جنب النك نيم عشان مش عارفين نقولك يا اية؟؟لما نسألك

ولا يهمك
هنا بينادونى مس انجى
نسبه الى اول حروف Eng
مع انها اختصار Engineer
بس انا حبيت الاسم دا علشان هنا بينادونى بيه

[Eng.E.M.K]

متشكرة جدا لسرعة الرد وجزاكى الله خيرا

بالنسبة للبارتيشن ماجيك حضرتك هتضحكى عليا لأنى مشيت مع الخطوات لحد الاخر بس ما كنتش فاهمة أنا بعمل ايه وأعتقد ان المساحة فى السى قلت علشان زى ما حضرتك قلتى علشان أنا شيلت برامج منها

انا توقعت كدا
بس ليا عندك عتاب
قبل استعمال البارتش ماجيك
كان عليكى تسئلينى الاول
علشان تعرفى هل هو مناسب لحل مشكلتك او لا
بس الشئ الجميل ان الاخطاء بتعلمنا اننا نعمل االشئ الصح

وبالنسبة للداونلود انا مش باستعمل برنامج للتحميل وعملت زى ما حضرتك قلتى وحددت مكان نقل الملفات

متشكرة بجد الموضوع ده كان غايظنى

ومعلش فى اسئلة جاية فى الطريق سؤال تابع للموضوع السابق وسؤال جديد

طيب استعملى الدونلود مانجر هيسهل عليكى التحميل كتير

[Eng.E.M.K]

وأخيرا زبطت
الف شكر يا مهندستنا الغالية دايما متعبينك معنا الله يجزاكي كل خير

الحمدلله
الله يكرمك
وان شاء الله ماتقابلى مشاكل ابدا

[Eng.E.M.K]

السؤال الأول اللى تابع للموضوع السابق

هل يطلق على f,g,e,c درايف أم بارتيشن

وهل ممكن أنقل برامج من السى للبارتيشن الجدي

الاثنان يطلقان على نفس الشئ
احيانا نقول دريفات وايحانا نقول بارتشنز
وكلها مسميات واحد لـ f,g,e,c
وطبعا لا متنقليش حاجات خاصه بالنظام من السى لاى دريف
لان الويندوز مش هيعرف يوصلها
تقدرى تنقلى حاجاتك الخاصه لكن حاجات الويندوز لا
وحاجات الويندوز متمثله فى 3 اشياء
فولدر الويندوز وفولدر البروجرام فايل وفولدر دوكيومنت اند ستنج

السؤال الثانى ودى
مشكلة مضيقانى أوى

أنا من يومين اشتريت كاميرا ديجيتال وبعدين حبيت انزل الصور والفيديو بس أولا السى دى فى منتصف عملية التثبيت

رفض يكمل واتكتب ان فى مشكلة وسألنى ممكن أحمل البرنامج اون لاين وفعلا حملته اون لاين بس لما وصلت الكاميرا والusb بالكمبيوتر ما فيش حاجة اتفتحت ومرة كان يكتب فى مشكلة ومرة تانية ما كانش بيكتب حاجة كأن مفيش حاجة اتوصلت بيه ورحت المحل اللى جبته منه ووصل الكاميرا بالجهاز اللى عنده لقيت الصور اتفحت وكلله كويس
وقالولى فى المحل انه ممكن يكون محتاج تسطبى الويندوز من تانى

وانا محتارة ومش عارفة الحل ايه

معلش تعبتك معايا وجزاكى الله كل خير

يعنى هى دلوقتى شغاله ولا بتطلع الخطأ
طيب اذا طلعتلك رساله الخطأ فورا صوريها او على الاقل انقلى اللى مكتوب فيها
واكتبيهالى هنا علشان اعرف المشكله فين بالظبط

[Eng.E.M.K]

ماشى ياجميل
النطاحية كانت بتسأل وبتقول ازاى اعرف السيريال نمبر بتاع نسخة الويندوز؟وانا رديت شوفى انتى وعقبى بئة.

غريبه والله انا مشوفتش الاسئله دى ازاى
واضح ان فعلا دماغى مش فيا خالص
انا فعلا بعدى على كل الردود
بس ازاى بيحصل كدا
على العموم بالنسبه للسيريال هو بيكون مع النسخه
لان لكل نسخه سيريال خاص بيها
وفى سيريالات شهيره لاغلب النسخ
ولو النسخه غير اصليه فى برامج كتير بتسهل الموضوع دا وبتخليها اصليه كانها مشتراه من مايكروسوفت

كان لى سؤالين يا عشدسل
1/ازاى اعرف ان جهازى مخترق لان فى ناس تعرف الاى بى الخاص بنا بحكم الروتر

لو جهازك مخترق هتلاقى حاجات كتيره غريبه بتحصل
مثلا ممكن المخترق يمسح ملفات من جهاز
وممكن يسرق ايميلك
وممكن يسرق اى كلمه سر لاى موقع بتدخلى بيه
المهم تحصنى جهازك
تحدثى الانتى فيرس
لا تقبلى اى ملفات غريبه من اى حد
لا تتعاملى مع اشخاص لا تعرفينهم
دى الحاجات اللى تصعب على اى مخترق انه يخترق اى جهاز محصن

2/الجهاز عندى لما فتحتة من شوية لقيت الحاجات اللى على الديسك توب زىmy *وغيرها على شكل صفحة ورقة اوصفحة بيضا مطوى طرفها؟؟؟دة يعنى فية فيرس ف الجهاز؟؟computer*interner explorer

لا مش فيرس
ممكن تقوليلى اسماء الحاجات اللى اتحولت كدا

[Eng.E.M.K]

صحيح يا Eng.E.M.K
انا عايزة اعرف البرنامج اللى بيصور صفحات الكمبيوتر يعنى كأنى عايزة اشرح بالظبط برنامج معين بوضع الاسهم وغيرة.
تقلت عليكى بس نعمل اية انتى راضية

البرنامج اسمه camtasia

واتفضلى دا شرح كامل والكمال لله وحده للبرنامج وازاى تحترفى التصوير به

http://??????????/g4nzutoz7jaq.html

انا جمعت الشروحات فى ملف وورد هيفيدك جدا فى احتراف العمل عليه

[صاحبة البيت]

السلام عليكى غاليتى
Eng
أنزلنا نسخة ويندوز جديدة ولم ينزل بها الياهو ماسينجر ولا الهوت ميل
أريد أنزالهم بطريقة أمنة
ولكى التحية

[Eng.E.M.K]

السلام عليكى غاليتى
Eng
أنزلنا نسخة ويندوز جديدة ولم ينزل بها الياهو ماسينجر ولا الهوت ميل
أريد أنزالهم بطريقة أمنة
ولكى التحية

وعليكم السلام
اتفضلى ياقمر
الياهو ماسنجر

التحميل

الهوتميل اتفضلى هتلاقى هنا كل اصداراته اللى تحتاجيها
http://soft.vip600.com/modules.php?name=MSN6