مشاكل الكمبيوتر وحلولها...شعارنا "مفيش حاجه هتقف أمامنا"

[Eng.E.M.K]

لا لما بشغل الجهاز بتطلع ادخل الباسورد عشان يفتح الويندوز معايا

اول ما تضغطى زر التشغيل للجهاز بيخرجلك تدخلى باسورد
لو حضرتك عارفاها بتدخلى على البيوس عند طريق الضغط على زرار delete من الكيبورد اول ماتفتحى الجهاز يعنى اول ماتطلع الشاشه السوداء فى تشغيل الجهاز تفضلى ضاغطه على الزرار لحد ما تطلعلك شاشه زرقاء
وتدخلى منها على set password وهتلاقى الغاء الباسورد كمان
يعنى تقدرى تحذفى طلب الباسورد
اما لو كنتى نسيتيها هتحتاجى تخلعى البطاريه الخاصه بالماذربورد وبما ان دا مش جهاز عادى دا لابتوب هتحتاجى توديه للتوكيل لانه مش هينفع تفكيه بنفسك
ياترى فى اى مشاكل

[Eng.E.M.K]

مش فاهمة يعنى انا اكتب اب لمين؟؟اكتب فى صلب موضوعى مثلا؟؟وازاى اخلى موضوعى فى الصفحة الاولى حتى لو قديم؟ وللا دة بتتحكم فية المشرفات بس؟؟

لا المقصود كالاتى
لما حضرتك تردى على اى موضوع
على طول الموضوع بيطلع لاول المواضيع
طيب لما يكون عندك موضوع ومحدش رد عليه
هتردى تكتبى ايه
ياما تكتبى ليه محدش رد عليا
ياما تكتبى اب
المهم تكتبى اى رد علشان يرجع الموضوع يترفع تانى
لان ترتيب المواضيع بيكون بحسب اخر رد
يعنى كلمه اب هى مثال مش اكتر

[Eng.E.M.K]

بتفرق الاصدار السادس عن الثامن؟؟طب فى اية؟؟احيانا يكون الاصدار القديم افضل..صحيح يا جميل بالنسبة للياهو ماسنجر..اى اصدار فية افضل؟؟؟؟؟

لا اى اصدار بينزل جديد بينزل علشان يحسن عيوب اللى سبقه
والمتصفحات تعتبر امان لجهازك يمكن منها اختراقه
واى تحديث للاصدار معنا سد ثغرات كانت فى الاصدار القديم
وكمان خدمات زياده ماكانت موجوده
مثلا فى الاصدار السادس لازم اى رابط تفتحيه فى صفحه مستقله
فى الاصدار الثامن لا تقدرى تفتى اى عدد من الصفحات فى داخل صفحه واحده
بحيث تتنقلى من داخلها بين الصفحات ودا بيوفر زحمه فتح المواقع

بالنسبه للياهو ماسنجر افضل اصدار هو اخر اصدار الاصدار 9
وفى اصدار جديد بس قيد التجربه الان

[Eng.E.M.K]

مهندستنا الغاليه للاسف كل مادخلت على اقلاع لتحميل المسنجر تطلع لي هذي الرساله

http://www.lakii.com/img/all/Sep09/jtc4ia09261849.png

طيب حبيبتى حملى الدونلود مانجر
هيسهلك التحميل كتير جدا
هتلاقيه هنا

[Eng.E.M.K]

لم افهم المطلوب مالمقصود بكارت الصوت واين اجده

كارت الصوت هتلاقيه متركب فى الماذربورد للجهاز
هتلاقيه حاجه من اتنين
اما كارت متركب على الماذربورد
او هتلاقيه مربع صغير متركب فى الماذربورد نفسها

افتحى الكيسه وشوفى لما بتركبى سلك السماعه بيركب فين
وشوفى الكارت هل هو متركب على الماذربورد يبقى هتلاقى اسمه مكتوب عليه
او متركب على هيئه مربع صغير فى الماذربورد وبالتالى هيكون تعريفه تابع للماذربورد نفسها علشان كدا تقرى اسم الماذربورد المكتوب عليها
وهاتيه انا ادخلك على موقع شركتها واجيبلك التعريف

[Eng.E.M.K]

الحمد لله طمنتينى انه مش فايرس
بس انا بحفظ بعض الصفحات زى ما قلتى والحمدلله ملفات الوورد شغالة مفيش مشاكل
المهم احيانا بتكون فى صور متحركة او بعمل ارتباط تشعبى علشان كدة بستخدم حفظ كصفحة ويب
هل فى طريقة تانية لحفظ الصور المتحركة وعمل الارتباط ياريت تفيدينا
جزاك الله خيرا غاليتى

تقدرى تعملى كليك يمين عليها وتختارى save pictures as
وتحفظيها عندك على الجهاز وهتتحفظ كماهى بحركتها

[Eng.E.M.K]

النطاحية بيتهيألى ان النسخة بتيجى ومعاها السريال نمبر صح كدة يا مهندسة؟طيب واذا جت بدون سيريال ازاى نعرفها؟

معلش ياقمر والله انا لسه راجعه من المنحه
والنهارده كان يوم شاق من المحاضرات
ويادوب غيرت لبسى واكلت وجيت
فانا مش فاكره السؤال
وقلبت الصفحات معرفتش اوصله
معلش فكرينى بيه تانى
اسفه انى بتعبك

[Eng.E.M.K]

الأخت الغالية ENG عندى سؤالين ألاول استفسار والثانى مشكلة

الأول
أنا كانت عندى السى مساحتها قلت جدا ووصلت الى 12KB المهم عملت تنظيف للهارد ديسك وكل الخطوات المطلوبة

وشيلت البرامج اللى مش مهمة أوى ووصل بعد كل ده الى 200M المهم قعدت أفتش فى ركن مشاكل الكمبيوتر

وجدتك بتكلمى أخت عن برنامج partition magic وبتشرحيه رحت محملاه فورا والنتيجة هايلة بس فى حاجات مش فاهماها
هو ده الشكل بعد تثبيت البرنامج وعمل الخطوات المطلوبة
اللى عنده السهم هو البارتشن الجديد

أصبح عندى 6 partitions وأصبح السى 1,7g وال partition الجديد مساحته 4,42g والان واضح أن الذى حدث شىء كويس بس أنا مش فاهماه
1_هل السى أصبحت مساحتها كبيرة بسبب البرنامج

2_هل البارتيشن الجديد أساسى مثله مثل السى أم مجرد بارتيشن مثل الF,G,E,D

أى هل يتم معاملته مثل السى

3_هل بهذه النتيجة التى رأتيها أكون قمت بكل الخطوات أم مازال أمامى خطوات أخرى فى البرنامج

ثانيا _المشكلة الثانية هى أننى أصبحت عندما أحمل أى شىء أدور عليه وما كنتش لقياه وبعدين لقيت الحاجات اللى حملتها فى my ????????????????????????????????????????????????s-download وده ما كانش بيحصل كانت أى حاجة بتنزل على الديسك توب وبعدين بقوم بنقلها مش عارفة ليه ده بيحصل وايه حله


معلش تعبتك وصدعتك بس حجتى فى ده زوقك وسعة صدرك

الباتشن ماجيك احنا بنستخدمها علشان نقسم الهارد
بس لما يكون عندك مساحه وعايزه تفضى من السى يبقى تمسحى ملفات منه
مش تقسمى الهارد
انا عايزه اعرف بقى الدرايف الجديد جبتى مساحته من اى درايف عندك
لانك بتعيدى التقسيم يعنى بتاخدى مساحه من دريفات تانيه
بالنسبه للاستفسارات

1_هل السى أصبحت مساحتها كبيرة بسبب البرنامج

دا على حسب اذا كنتى بالبرنامج اخدتى مساحه للسى وزودتيها
لكن غير كدا لا هو مش بيزود من نفسه

2_هل البارتيشن الجديد أساسى مثله مثل السى أم مجرد بارتيشن مثل الF,G,E,D

أى هل يتم معاملته مثل السى

هو زيه زى الF,G,E,D ومالوش علاقه بالسى مطلقا
لانه جزأ من الهارد عادى

3_هل بهذه النتيجة التى رأتيها أكون قمت بكل الخطوات أم مازال أمامى خطوات أخرى فى البرنامج

كدا حضرتك فعلا اعدتى تقسيم الهارد
بس انا مش عارفه اخدتى مساحه الدرايف الجديد دا من اى درايف تانى
علشان تفضى مساحه على السى يبقى تحذفى اى ملفات شخصيه من عليه وكمان تحذفى البرامج الغير مهمه من عليه
ومثلا المشكله التاليه ماهى البرامج فى الفولدر متخزنه على السى واخده مساحه منه انقلى كل اللى فيه من برامج هتلاقى مساحه كبيره فضيت بسبب نقلهم

ثانيا _المشكلة الثانية هى أننى أصبحت عندما أحمل أى شىء أدور عليه وما كنتش لقياه وبعدين لقيت الحاجات اللى حملتها فى my ????????????????????????????????????????????????s-download وده ما كانش بيحصل كانت أى حاجة بتنزل على الديسك توب وبعدين بقوم بنقلها مش عارفة ليه ده بيحصل وايه حله

هو حضرتك بتستخدمى برنامج فى التحميل او بتحملى مباشره من المتصفح
لان فى المتصفح بتحددى مكان نقل الملفات وهو بيحملها مباشره الى المكان دا
لكن طالما بيروح الى ماى دوكيومنت يبقى دا برنامج
واى برنامج لما بتضغطى على التحميل بيطلعلك رساله تفيد انك تقدرى تغيرى مكان التحميل الافتراضى
فياترى حضرتك بتستعملى ايه

[Eng.E.M.K]

مش عارفة كل لما اكتب الكلمة دى علامات الاستفهام دى تتكتب

على العموم هى بالعربى مستنداتى-الملفات المحملة

ولا يهمك انا عرفته علشان المنتدى هنا هو اللى مش بيظهر الكلمه

[Eng.E.M.K]

للأسف ما زبطت مع اني بتبع الخطوات الصحيحة!!!!!!!!!!

طيب اقولك هى مش بتظهر عند الكل ولا عندك بس
لما ترفعى الصوره هتلاقى روابط كتير اختارى الرابط المباشر
ولما تحطيه فى الرد اضغطى على الصوره دى
وحطى الرابط فيها

وكمان هتلاقى كود للصوره بالكود الخاص لاظهارها
وان شاء الله تنفع
لو مش نفع اتاكدى من الاعدادات دى عندك
من الانترنت اكسبلورر من قائمه ادوات Tools
خصائص الانترنت internet options


واذا ظل الحال انا هرفعلك برنامج الضفدعه يرفعلك الصوره بدون مواقع

[Eng.E.M.K]

مش عارفة المهندسة مردتش على سؤالى باين انى تقلت كتير فى اسئلتى
على العموم متاسفة لذلك

لالالالا
لا والله العظيم انا بس المنحه اخده وقتى
وفعلا انا ماخدتش بالى من السؤال ورديت عليه الان
معلش انا اسفه والله العظيم ما اخدت بالى
ياترى مسمحانى

[Eng.E.M.K]

انا مشكلتى بسيطه وممكن تضحكوا كمان منها
اولا انا عضوه جديده فى لك انا بعرف ارد واعمل اقتباس صوره
بس فى حاجات كتير لسه معرفتهاشوحولت اوصل للأداره علشان اعرفها بس معرفتش
اولا عايزه احط مواضيع فى المنتدى
ثانيا لو عايزه ارد على موضوع وعجبنى صوره واحده احطها ازاى بس مش اقتباس
ثالثا ازاى ارجع للمواضيع بتعتى لما اعملها والمواضيع اللى رديت عليها على طول علشان اكمل قراءه الردود
وازاى اكون عضوه نشطه شكرا على المساعده

لا مفيش حد هيضحك ابدا
بالعكس كلنا كنا كدا لما دخلنا المنتديات اول مره
وبالتدريخ والسؤال ومعرفه الحل اتعلمنا والاخت OMO LINA
حطت الموضوع اللى فيه شرح كل شئ
ان شاء الله يفيدك

[عزوتي ابوي]

الله يرزقك من حيث لا تحتسبين
ويجعل لكِ في كل شرح وحرف أجرا ,,


مهندستنا ماعرفت اسوي نسخ ولصق للباتش!!

حملت الدونلود مانجر و الكيجن اوكي بس الباتش ماعرفت له <<معليش استحملي
صعوبه فهمنا

[Eng.E.M.K]

الله يرزقك من حيث لا تحتسبين
ويجعل لكِ في كل شرح وحرف أجرا ,,


مهندستنا ماعرفت اسوي نسخ ولصق للباتش!!

حملت الدونلود مانجر و الكيجن اوكي بس الباتش ماعرفت له <<معليش استحملي
صعوبه فهمنا

النسخ بسيط ياقمر
تعملى كليك يمين على الباتش وتختارى نسخ copy
وتروحى لمسار البرنامج زى ماهو فى الشرح
وتعملى كليك يمين داخل الفولدر وتعملى paste
وبعدها تشغليه زى الصوره المتحركه مابتشرح

[أم يزن(سيناء)]

لا المقصود كالاتى
لما حضرتك تردى على اى موضوع
على طول الموضوع بيطلع لاول المواضيع
طيب لما يكون عندك موضوع ومحدش رد عليه
هتردى تكتبى ايه
ياما تكتبى ليه محدش رد عليا
ياما تكتبى اب
المهم تكتبى اى رد علشان يرجع الموضوع يترفع تانى
لان ترتيب المواضيع بيكون بحسب اخر رد
يعنى كلمه اب هى مثال مش اكتر

فهمت فهمت تمام كدة
بس كدة ممكن الواحدة تشغل اول موضوع دايما بمجرد الرد حتى لو اى كلام وعلى نفسها ترد وحتى ان كان الموضوع لا يستاهل انة يكون فى المقدمة دايما؟؟مش كدة بردوا؟