الأفراح والأعراس في الغربة ـ كيف وأين تفضلينها ـ الكل معزوم هنا تعالوا نفرفش

[* شهدوده *]

السلام عليكم ياغاليات

أعرف الكل بيقول مابها الست إحنا في الشتاء والبرد وهي تتكلم على الأعراس



طيب حابين نخرج شوي على الروتين وتعالوا ندردش شوي

غالبا مانرى المغتربين يقيمون أعراسهم وحفلاتهم بالبلاد العربية

طيب في رأيك ماذا تفضلين إقامة العرس في الغربة أم في بلادك العربي


علما أنه العرس في بلادي غالي جدا وباهض الثمن

فهل بالغربة كذلك



هيا بنات فرفشوا شوي
وهاي زغرودة للحلوات
يويويويويويويوووووو
لولولولولولولولييييش

[MARWAH]

صوتت مع إني لهلق ما انعزمت على عرس عربي بالغربة
بس بالغربة الأعراس غالية برضو ومكلفة كتير
أنا رحت على أعراس باكستانيين الزواج بيكلفهم حق بيت وكلو مصاريف ما لها داعي
بس لاحظت على هوا ما سمعت من قصص انو في بعض العرب بيعملو عرس على الضيق وبس المهم يزفو البنت لزوجها
وبعضهم لاء بيستأجرو مطعم وصالة وبيعزمو من هب ودب بحكم انه مافي اقرباء هون والعرس مكلف كتير
بالنسبة الي بفضل يكون العرس ببلادنا بهجته احلى وبين الأهل الفرح فرحين
لنشوف آراء البنات بالموضوع

[amani1]

انا صوتت مع اني عمري ما انعزمت علي عرس بالغربه بس اعراس ببلادنا اكيييييد احلي وابهج
والاعراس هون نار اذا تكلفه حجز صاله بس لحفله نجاح توجيهي مش عرس بطلبوا علي الساعه تقريبا 100 دولار كيف لو عرس والذهب هلئ غالي كمان بس اعتقد زي ما قالت موره بالتاء المربوطه انه هون الناس بدها تستر علي بناتها ومش مهم الحفله الفخمه وخاصه هلئ نسبه الاناث اكثر من الذكور يعني الشاطره البتخطب وتتزوج بسرعه كمان
الله يستر علي جمييع البنات يارب وييسر امورهم

[هبة8]

أكيد بفضل العرس ببلدي بين أهلي وأقاربي ومعارفي وصديقاتي لان الفرح بدونهم لا قيمة له حتى لو كان بأوتيل سبع نجوم .

[mayaaa]

انا كمان بحبه ببلدي والاعراس من ضمن الاشياء المميزه اللي مننزل عشانها بنجن لما زوجي يقترح ننزل بالبرد وايش ما احضر اعراس؟ كككككك
والا بناتي بيموتوا على شي اسمه اعراس عشان بيلبسوا فستين حفله وبحطلهم شي بيلمع وشي بيبرق بيكيفوا ....

بالنسبه للفلوس انا تزوجت ببلدي وعرض علي زوجي عرس بامريكا ما بده بالاردن وحاول كثير فييه بعملك وبسويلك بس وافقي وانا مستحيل ارضى مارح اقدر اعزم كل الحبايب وهاد اشي مهم عندي قراباتي وصاحباتي وجاراتي كيف بدي اعمل عرس مافيه الا امي وطبعا اخواني لأ لانه اهلي هناك والفيزا شبه مستحيله فما رضيت بدي عند اهلي
بس كمان عمري ما انعزمت بامريكا شفت اعراس مسجله بتحسي رسمي كتير والاغراب اكتر بكتير من المقربين فما بعرف ما حبيتهم عدى انه مختلط لان ما بيقدروا يحجزوا صالتين العرس مكلف

[* شهدوده *]

أهلا بالغاليات
ماشاء الله عليكن لحد الآن الكل متفق على العرس ببلاده

هو فعلا الأعراس كلها باهضة الثمن سواء بالبلاد أو بالغربة
لكن تبقى أعراس البلاد لها نكهة خاصة جدا جدا

بارك الله فيكم لي عودة لكن إن شاء الله

[mayaaa]

يقطع شركن اول مره منتفق على اشي وطلع العرس هاي لحظه تاريخيه كلنا اتفقنا على اشي واحد خخخخخخخخخ الله يكثر الافراح يارب ويزيد من لحظات الاتفاق والوفاق

[tuta.]

ﺍﻟﻤﻮﺿﻮﻉ ﺣﻠﻮ و ﺑﻴﺠﻨﻦ ﺑﻤﻮﺕ ﺑﺸﻲ ﺍﺳﻤﻪ ﻋﺮﺱ و ﺯﻓﻪ و ﺟﺮﺑﺖ ﺍﻋﺮﺍﺱ ﻫﻮﻥ و ﺍﻋﺮﺍﺱ ﺍﻟﻀﻔﻪ و ﺍﻋﺮﺍﺱ ﻋﻤﺎﻥ و ﻣﻦ ﺍﻟﺘﺠﺮﺑﻪ ﻋﺮﺱ ﺍﻣﺮﻳﻜﺎ ﺍﺭﺗﺐ و ﺍﺣﻠﻰ و ﺍﻧﻆﻢ و ﺍﺧﻒ ﺷﻐﻞ ﻫﻠﻰ ﺗﻢ ﺍﻟﻌﺮﻳﺲ == ﺍﻟﻠﻲ ﻓﻲ ﺍﻟﻤﺮﺗﻴﻦ ﻛﻨﺖ ﺍﻧﺎ ﻓﻴﻬﻢ ﺷﻐﺎﻟﻪ ﺍﻡ ﺍﻟﻌﺮﻳﺲ ﺑﺪﻝ ﺍﻥ ﺍﻣﻲ ﻟﺎﻣﻪ ﻣﺎ ﻓﻴﻬﺎ ﺣﻴﻞ== و ﺑﺮﺿﻪ ﻋﺮﺱ ﻋﻤﺎﻥ ﺑﻴﻬﻠﻚ ﺷﻮﻱ ﺑﺲ ﺍﻏﻠﺐ ﺍﻟﻬﻠﻚ ﺗﺠﻬﻴﺰ ﻟﻠﺤﻨﻪ ﺍﻣﺎ ﺍﻟﺎﺭﺱ ﻧﻔﺴﻪ ﻣﺎ ﺑﺪﻩ ﺷﻲ ﺑﺄﻟﻤﺮﻩ ﺑﻴﺠﻨﻦ.
ﺣﻀﺮﺕ ﺍﻋﺮﺍﺱ ﻳﺎﻣﺎ ﺑﺎﻣﺮﻳﻜﺎ ﻣﻨﻬﺎ أﻣﺨﺘﻠﻄ و ﻣﻨﻬﺎ ﺍﻟﻐﻴﺮ ﻣﺨﺘﻠﻄ و ﻣﺎﻱ ﺟﺎﺟﻤﻴﻨﺖ ﺍﻟﻤﺨﺘﻠﻄ ﻋﻨﺎ ﺍﺣﺴﻦ ﻣﻦ ﺍﻟﻤﺶ ﻣﺨﺘﺎﻁ ﻟﺴﺒﺐ ﺍﻧﻪ ﺍﻟﻨﺴﺎﺀ ﺑﺎﻟﻤﺶ ﻣﺨﺘﻠﻄ ﺑﻴﺪﺷﺮﻭﺍ ﻋﻠﻰ ﺍﻟﺎﺧﺮ ﺭﻗﺺ ﺧﻠﺎﻋﻲ و ﻟﺒﺲ ﻣﺰﻟﻄ و ﺣﺮﻛﺎﺕ ﻭﺳﺨﻪ ﻣﻊ ﺑﻌﺾ ﺑﺲ ﺍﻟﻌﺮﺱ ﺍﻟﻤﺨﺘﻠﻄ ﺑﺘﻜﻮﻥ ﺍﻟﻮﺣﺪﻩ ﻣﺴﺘﻮﺭﻩ و ﺍﻟﻜﻞ ﻣﺤﺘﺮﻡ ﻧﻔﺴﻪ ﻳﻤﻜﻦ ﺑﺲ ﺍﻋﺮﺍﺱ ﺑﻠﺪﻧﺎ ﻫﻴﻚ ﻟﺎﻧﻪ ﺍﻋﺮﺍﺱ ﺑﻠﺪ ﺯﻭﺟﻲ ﻏﻴﺮ ﺷﻜﻞ و ﻟﺒﺴﻬﻢ ﻓﻲ ﻣﻨﻬﻮﺍﻟﻌﺎﺭﻱ و ﻓﻲ ﻣﻨﻪ ﺍﻟﺴﺎﺗﺮ ﺣﺘﻰ ﻟﻮ ﻣﺨﺘﻠﻄ!!! ﺍﻟﻤﻬﻢ ﺍﻧﺎ ﻋﺮﺳﻲ ﺣﺼﻞ ﻫﻮﻥ ﺑﺎﻣﺮﻳﻜﺎ و ﻣﺨﺘﻠﻄ و ﺍﺫﺍ ﺩﺍﺭﻥ ﻓﻴﻤﺎ ﺍﻟﺎﻳﺎﻡ و ﺻﺢ ﻟﻲ ﺍﻋﻤﻞ ﻋﺮﺳﻲ ﻣﺮﻩ ﺛﺎﻧﻴﻪ ﺑﻌﻤﻠﻪ ﻣﺜﻞ ﺍﻟﻤﺮﻩ ﺍﻟﺎﻭﻟﻰ ﺑﺎﻟﻀﺒﻄ ﻣﺎ ﺑﻐﻴﻴﺮ ﻓﻴﻪ ﺷﻲ ﺍﻭﻩ ﻳﻤﻜﻦ ﺍﻏﻴﻴﺮ ﺍﻟﻌﺮﻳﺲ ﺧﺨﺨﺦ
ﺳﻮﺭﻱ ﻣﺎ ﺑﺘﻔﻖ ﻣﻌﺎﻛﻢ ﺑﺲ ﻳﻤﻜﻦ ﻟﺎﻧﻪ ﻟﻲ ﺍﻫﻞ و ﺍﻗﺎﺭﺏ ﻫﻮﻥ و ﺍﻟﻌﺮﺱ ﻓﻌﻠﺎ ﻣﺎ ﺑﻴﺤﻠﺎ ﺍﻟﺎ ﺑﺎﻟﺎﻫﻞ و ﺍﻟﺎﻗﺎﺭﺏ.
و ﺍﻭﻳﻬﺎ ﺍﺭﻓﻌﻲ ﺭﺍﺳﻚ ﻳﺎ ﻣﺮﻓﻮﻋﻪ ﺍﻟﺮﺍﺳﻲ.
ﺍﻭﻳﻬﺎ ﻗﻮﻟﻲ ﻟﺎﺑﻮﻛﻲ ﺍﺣﻨﺎ ﺍﻟﺬﻫﺐ و ﺍﻟﻨﺎﺱ ﻟﺒﺎﺳﻲ ﻟﻮﻟﻮﻟﻮﻟﻮﻟﻲﻳﻴﻴﻴﻴﻲ
ﺧﺨﺦ ﻣﺶ ﻓﺎﻛﺮﺍﻫﺎ ﻛﻠﻬﺎ ﺑﺲ ﺗﺮﺟﻤﺘﻬﺎ ﺍﻟﻌﺮﻭﺱ ﺍﻟﻠﻲ ﻃﺎﻟﻌﻪ ﻣﻦ ﺩﺍﺭ ﺍﺑﻮﻫﺎ ﻣﺴﺘﺤﻴﻪ و ﺑﺘﺒﻜﻲ ﺑﻴﻘﻮﻟﻮﺍ ﻟﻴﻬﺎ ﺍﺭﻓﻌﻲ ﺭﺍﺳﻚ و ﺍﻓﺘﺨﺮﻱ ﺑﻨﻔﺴﻚ و ﻧﺴﺒﻜﻮ ﺍﺑﻮﻛﻲ ﻗﻮﻟﻲ ﻟﻪ ﺍﻧه ﺍﺫﺍ ﺍﻟﻨﺎﺱ ﻟﺒﺴﺖ ﺍﻟﺬﻫﺐ و ﺍﺗﻔﺎﺧﺮﺕ ﻓﻴﻪ ﺍﻧﻪ ﻣﻌﺎﻫﺎ ﻓﻠﻮﺱ و ﺟﺎﺑﺖ ﺫﻫﺐ ﻗﻮﻟﻲ ﻟﻪ ﻳﺮﻓﻊ ﺭﺍﺳﻪ ﻫﻮ ﺍﻟﺎﺧﺮ ﻟﺎﻧﻪ ﺍﺣﻨﺎ =ﺍﻟﻠﻲ ﻫﻦ ﺯﻭﺟﺘﻪ و ﺧﻮﺍﺗﻪ و ﺑﻨﺎﺗﻪ = ﺍﻟﺬﻫﺐ ﺑﺤﺎﻟﻪ.

ﺣﻠﻮﻩ ﺻﺢ??? ﺗﻴﺠﻮﺍ ﻧﻌﻤﻞ ﻃﺒﻞ و ﺭﻥ و ﻋﺮﺱ????

و ﻳﺎ ﻋﺎﻟﻢ ﻣﺶ ﻋﺎﺭﻓﻪ ﻋﻠﻰ ﺷﻮ ﺍﻟﺘﺼﻮﻳﺖ ﺑﺲ ﺑﺴﻮط ﻟﻌﺮﺱ ﺍﻣﺮﻳﻜﺎ

ﺍﻭﻛﻲ ﻣﺶ ﻋﺎﺭﻓﻪ ﻛﻴﻒ ﺑﺴﻮﻁ ﺑﺴﻮﺕ ﺑﺘﻨﻜﺘﺐ ﺑﺲ ﺍﻛﻴﺪ ﻓﻬﻤﺘﻮﺍ ﻗﺼﺪﻱ خخخ

[mayaaa]

ولك توتا اسمها بصوت للعرس باريكا ههههههههه عادي لانه اهلك هون كلهم اختيارك مقبول انا عرس اخوي كان مختلط بالارن لانه بحديقه وخارجي وكل عيله لحال الناس بعيده عن بعض وساعتها اللي بدها تتشلح ابوها سامحلها مو بس تتصور تصير تقول لا تورجوه لحدى ومن شان الله لا تصوروني مش عارفه شو يعني بيكون متل اي مكان فيه مطعم وناس مع بعض وعموما عملناه هيك لانه كلنا قرايب ببعض العروس منا وفينا فما حب اخوي يعمل صالتين والكل بيعرف الكل وطبعا المحجب ضل بحجابه واللي مفرع بيكون بلبسه العادي وكل واحد يحامي على ولاياه

[زهر الريحان]

موضوع حلو


عن نفسي شريرة لا تستجيب لدعوة الأعراس هنا هع هع
ماعندي مقربين عزموني
مرة واحدة فقط ولكني لم اذهب ""


الاعراس في بلدي أحسن وطبعا في بيتنا ((((طبعي لا احب الاعراس77777
قولي لي شو جابك لموضوعي إذن ههه
صوتت

[صاحبة الـ@ـسك]

تم التصويت يا غاليات
مع إنى لم أحضر أعراس هنا أبدااااااااا
لكن العري عري بأى مكان هو الفرح واللمة والدعاء ومباركة العروسين
بالنسبة لى لو فرحى - البنت فاكرة نفسها ننوسة لسه خخخخخ
أكيد أحبه فى بلدى لأنه وسط الأهل إنما لو الأهل هنا كلهم يبقى هنا ... وعقبال فرح أولادنا يا رب

[* شهدوده *]

يقطع شركم بنات والله ضحكتوني من قلبي على التعليقات الجميلة

يعني الكل عايز العرس مع أهله إلا توتا ياعيني عليك

الأعراس نفس الشيء في كل مكان مثل ماقالت مسوكة
عري واختلاط وكل شيء
بس أنا قلت يمكن في الغربة يكون العرس أقل تكلفة
الظاهر طلع نفي الشيء

يعني ألي بده يعمل عرس بسيط مايهم وين ساكن ؟

زهورة ليه ماتحبي الأعراس

أنا بكره الديجي كثير راسي يؤلمني منه وبصير ماأسمع ليومين متتاليين
في عرس أخي عملنا عرس ثلاث أيام وليالي وكأنه برنس تزوج

بعد العرس ثلاثة أيام وأنا نايمة

ومش رح أخبركن على تحضيراته آخ ياراسي لأنه عندنا أخ واحد فقط



هه كيف تحضيرات أعراسكن ؟

سواء بالغربة أو بالبلاد العربية ؟

[amani1]

هون كل شئ نار يعني اذا بدك تطبعي كروت العرس بدها مبلغ وهون بدققوا علي كل شئ علي الكروت وعلي الطاولات والزينه العليها وعلي غطاء الكراسي ولازم يكون اسمك من ضمن المدعوا يعني زمان من ايام الهجره ههههه موظفه مع زوجي عزمتنا علي عرسها طبعا هي بعد ما خلصوا من الكنيسه راحوا علي صاله اول شئ لازم تكتبي شئ في كتاب التهاني علي الباب وبعدين يدققوا علي اسمك وطبعا بكون في كرت باسمك علي المكان البدك تقعدي فيه وبعدها بتيجي العروس وببلشوا يحكوا شويت حكي خخخخخخخ وبعدين اعتقد بجيبوا العشا اول شئ شوربه يا دون معلقه مش زي بلادنا مناشف وصدوره كبيرهههههه وبعدها طبعا بكون قبل بيومين العروس والعريس بكونوا مختارين نوع الاكل ومجربين اكثر من نوع شوربه حتي يرسوا علي واحد ونفس الشئ الكيك وبعدها بجيبوا العشا وهي حبتين ما بعرف شو وطبعا بكونوا عاملين حساب انه في ناس ما بتكول خنزير وبكونوا مبلغين المدير الحفله وبعرفوهم بالاسم وبجيوا شئ تاني وناسيه شو اكلنا يومها وبعدها بجبوا الكيكه وبقصوها وببلشوا يوزعوا منها وطبعا في موسيقي بس مافي تشليح علي الاخر لانه هم مسيحين ومنهم شوي متحفظين وبعدها بروحوا يتصوورا مع عيلتهم وكل واحد واهله بس هون التكلفه غالي وخاصه خاتم الالماس اهم شئ الخاتم مش زينها بدقوا علي الذهب كله يعني لازم الماس خاتم وبعض الاحيان عقد ناعم بس اكيد غالي والشعر بكون عادي يعني مش زي بلادنا بلاوي ومكياج بكونوا داهنين حالهم كانهم قوس قزح يعني بسيط بس حلو بس البكلف الفستان والخاتم وحجز الصاله وتجهيزها

[MARWAH]

أنا حضرت أعراس باكستانيين كتير تخيلي انهم بيعملو فيز لاقربائهم من الباكستانيين ليجيبوهم يحضرو العرس
بعرس سلفي اجو حوالي الخمس عيلات من ولاد خالات زوجي وسكنو ببيت حماي اسبوع العرس والبيوت صغيرة ومافي اماكن ههههههههههههههه تنذكر ما تنعاد الا ببيت كبير هههههههههه
العرس عندهم مكلف جدا تلات ايام واحد حنة وبيجو فيها الاهل كلهم ليحنو العروس وبيجيبو معاهم حلويات وحنا وشموع بتحسيها طقوس هندوس
ويوم الدخلة بيعملوه بمطعم او صالة فيها اكل بس الاغلب مطعم والمعازيم بس الاهل والمقربين من كلا العروسين وهي من قريبو بيكون بالصالة شي ميتين شخص والتكلفة على اهل العروس والاكل من كل الانواع ارز وكاري بتلات اربع انواع وسمبوسات وكباب ودجاج ومشاوي والخ غير الحلويات

ويوم الوليمة ما بيبقى حدا ما بيجي الصالة فيها اكتر من الف شخص احيانا حتى الاقرباء يلي ما بيشوفوهم بالعشر سنين بيعزموهم والاكل متل يوم الدخلة واطفال وعجقة الصراحة شي بوجع الراس من الضوجة وبرايي يوم الدخلة بيكفي ما دام فيه اكل بس والله بيدفعو مبالغ طائلة مشان يومين ولازم يجيبو هدايا يوزعوها على الناس يلي باركولهم كمان

[* شهدوده *]

ماشاء الله الله يقوي أفراحكن يارب


وين البنات تعالوا احكوا لنا عن الحفلات وبدنا صور للتحضيرات كمان نفرفش بها الموضوع

أماني ومروة ياهلا الله يسعدكن يارب