بدون تعب ... بدون شهادات ... إكسبى الدولارات... فى الغربة تعالى ومسوكة تقول لك

[تعبت من الغربة]

ماشاءالله عليك مسوكة
موضوعك جدآ ممتاز وباين عليك فاااهمة مررة بشغلات التوفير الله يحفظك شي حلو صراحة

[amani1]

ماشاء الله عليكي يا مسوكه ياام الافكار الحلوه انا اول مره بعرف عنه واذا قلت لزوجي حيقول هدول كذابين ومش حيخليني اجربه لانه هون في احتيال كثير واشكال واسالين عمرك ما سمعتي فيها
توتا مايا ماهو كل شئ هون بده ترخيص يعني صحيح بتطبخي للعرب بس للاسف بعد هيك بروحوا بحكي عليكي وبصيروا يعلقوا حتي لو بمصاري وبعدين انا ما بثق بالعرب للاسف هون يمكن هم اذا صار شئ بروحوا بشكوا عليي بعدين بحكوا ما هي يتشتغل او زوجي معاه مصاري برفعوا عليي قضيه بخربوا بيتي انا للاسف بتجنب ان اعمل شئ او اخد خدمت من العرب

[MARWAH]

افكار روعة بدأت التطبيق والله يجعلو بميزان حسناتك يارب
سؤال النقاط فينا نضيفها على الباي بال؟؟

[*سهام الليل*]

مسوكة نياله زوجك بيك ..ما شاء الله عليك ..صراحة اول مرة اسمع بالامور هذي ,,,
اصلا في كندا الضريبة كبيرة جدا تخلي الواحد مكسر من ايديه وما يعمل شيء ...
واتا مثلك مايا يقول لي زوجي وفري في البيت تبق ساعدتيني وعطيك الصحة .

متابعة معك مسوكة

[صاحبة الـ@ـسك]

أهلا أهلا بالحبوبات
أولا : أنا كنت مبذرة جدا جدا زى ما إنتو عارفين وما كنتش عاملة لبكرة حساب زى ما بنقول فى مصر ... هو طبعا كله بيد الله سبحانه وتعالى وهو اللى بيبارك فى القرش ويخليه يكفى ويزيد بس بنفس الوقت ما ينفعش أقول ربنا هيبارك وأقعد ما أعملش حاجة على الأقل عدم التبذير ولما تتعودوا تلموا إيديكم هتتعلموا باقى الخطوات كله بييجي بالتدريج ومرة ننجح ومرات نفشل لكن المهم المثابرة والمتابعة وما نزهقش
والله موضوع الكوبونات ده ساعات بيزهقنى وبأقول فى نفسى أنزل أشترى وخلاص لازم يعنى كوبونات!!! لكن لما بأرجع وأفكر إنى أبو دولار ممكن أجيبه ب ٥٠ سنت وأقل يعنى ممكن أكتر من ٥٠٪ توفير يبقى حرام على أضيع الفرصة دى منى وده مش بس بيبسطنى وبيبسط زوجى أكيد وبيشعر معاه إنى بأساعده مش سايباه فى بحر المصاريف لوحده

وإعملوا بقول رسولنا الكريم " إخشوشنوا فإن النعمة لا تدوم" وإسألونى أنا على النعمة التى لا تدوم كانت درس رهيب لى وما أتمناش واحدة فيكم تقع فى الغلط اللى أنا كنت فيه

ربنا يبارك لنا كلنا وكفاية النية السليمة إنك بتساعدى زوجك وبيتك وأولادك

[صاحبة الـ@ـسك]

منمن أنا كمان كنت بأفتكر إنها نصب وما حدش هيعطيني حاجة بس فعلا والله أنا مش بأضحك عليكم أنا أخدت فلوس من سواج باكس إستفدت بيها كتير فى مشتروات من على امازون بالذات لكن فيه كروت تانية كتير غير أمازون

مروى أيوة ممكن يتحول للباى بال لو عندك أكونت بس مثلا ال ٤٥٠ نقطة تعطيكي كارت ب ٥ دولار من أمازون ممكن تلاقى ال ٥٠٠ نقطة تعطيكي ٥ دولار على الباى بال أو ٦٠٠ نقطة تعطيكي كارد ب ٥ دولار على ولمارت وهكذا علشان كده أنا بأفضل أمازون لأنى بأشوفه بالنسبة لى أحسن إستغلال للنقاط وبالنسبة لى أنا أحب أشترى من أمازون كتير كفاية إن مفيهوش ضرائب

[صاحبة الـ@ـسك]

ما تنسوش النهاردة يوم الجمعة يوم الميجا سواج باكس .. لو فيه حد عمل بحث وأخد رقم كبير ييجى يقول لنا ويفرحنا معاه

[. تيوليب***]

يجزاك ربي خيراً كثييييييراً حبيبة قلبي صاحبة المسك
مواضيعك كلها نافعه ماشاء الله الله لا يحرمك الأجر ويرزقك ويبارك لك وينفع بك
أول مرة أسمع عن سواج باكس هبقى أطل عليه ان شاء الله
ربنا يبارك فيك وفي الأخوات اللي شاركوا بتجاربهم

[أمة اللطيف]

نفع الله بك، مواضيعك مفيدة وبأسلوب خفيف أختي صاحبة المسك


حبيت أفيد بموقعين يعتبران من احسن المواقع للعمل عبر الانترنت (ممكن فكرتهم مختلفة عن موضوعك، لأنه حسب ما فهمت موضوعك يهتم بالشغلات البسيطة اللي لا تتطلب جهد ووقت)

www.odesk.com

http://elance.com

هذه المواقع تجمع عروض وطلبات عمل، يعني تجدين اعلانات عمل منها ما يناسب قدراتك
مثل الترجمة:
انجليزي عربي
فرنسي عربي
الخ

كتابة مقالات أو تصحيح مقالات (عربي انجليزي فرنسي الخ)
امور تتعلق بالحاسب والبرمجة

فقط البداية صعبة لأن التنافس كبير
لكنها مربحة لمن يتميز في اختصاص ما
ومريحة لأن العمل يكون عبر الانترنت

[صاحبة الـ@ـسك]

يا جماعة عذرا
لفتت إنتباهى أمة اللطيف إن الحديث " إخشوشنوا فإن النعم لا تدوم " حديث ضعيف وبالبحث وجدته كذلك فعلا ... فأعتذر منكن وأستغفر الله العلى العظيم أن أنسب للنبى عمدا أو جهلا شيئا لم يقوله
جزاك الله خيرا أختنا أمة اللطيف

[صاحبة الـ@ـسك]

فى المرات السابقة تعرفنا على سواج باكس وعرفنا مجموعة من الطرق لكسب النقاط



النهاردة ميعادنا مع المزيد من الطرق لكسب السواج باكس

٦- تــابعوا البلوج بتاعهم

من المهم متابعة سواج باكس بلوج لأنهم كل يوم تقريبا بيقوموا بوضع فرى كود .. وده كود

بيديلكم مجموعة من النقاط فرى بالإضافة إلى أنكم هتكونوا على علم دائم بكل جديد عندهم

٧- إدخلوا على قائمة المهمات المتوفرة Tasks

كل يوم سواج باكس يعرض مجموعة من المهمات اللى عن طريق إتمامها

نكسب مجموعة من النقاط … عادة تكون المهمات تحتاج إلى بحث فى الإنترنت. كل

مهمة مختلفة عن الأخرى وعادة يكتب لكم فى الأول الوقت المتوقع لإتمام هذة المهمة

٨- إشتركوا فى الدراسات الموثوق بها Trusted Survey

إشتركوا فى الدراسات الموثوق بها التى يقوم الويب سايت بعملها … هذا النوع من الدراسات مشهور عبر الإنترنت

مثلا دراسة لأخذ رأيكم فى منتج معين أو لتطوير منتج معين بغض النظر عن البراند … هذا النوع مضمون

لكن مشكلته الوحيدة إنكم ممكن تمضوا حوالى ٣ دقائق تجاوبوا على مجموعة من الأسئلة وفى النهاية

يقول لكم أنكم غير مؤهلين للإشتراك فى هذة الدراسة .. فأنا رأيي إنكم تحاولوا ولو وجدتم أنكم فى أكثر الدراسات غير مؤهلين

يبقى بلاش منها وهتكون مضيعة للوقت بتاعكم وخليكم أحسن فى باقى الطرق المضمونة أكثر

٩- إلعبوا ألعاب على الويب سايت Swagbucks Games

بصراحة عمرى ما جربتها لأنى ما ليش قوى فى ألعاب الكمبيوتر وماليش صبر عليها .. لكن لو إنتم من هواة اللعب

بألعاب الكمبيوتر تبقى دى وسيلة حلوة فعلا لكسب سواج باكس وتقضوا وقت بتعملوا حاجة بتحبوها

١٠- إلقوا نظرة على العروض الغير ملزمة

No Obligation Special Offers

دى بتكون مجموعة من العروض مقدمة من شركات مختلفى كل اللى عليكم هو إنكم تضغطوا على نيكست أو

التالى علشان يجيب لكم العرض اللى بعده وهكذا حيكونوا حوالى ٥ أو ٦ عروض إستعرضوهم بسرعة وفى أقل من

دقيقة تقدروا تكسبوا ٢ سواج باكس كل يوم . ملحوظة : النوزو NOSO أو العروض غير الملزمة يمكنكم إستعراضها وكسب

النقط بتاعتها فقط مرة واحدة يوميا

١١- التبــادل Trade Ins

لو عندكم موبايل قديم مثلا أو كتب أو كونسول ألعاب قديم يمكنكم التخلص منه عن طريق المبادلة … إدخلوا وشوفوا الجهاز

بتاعكم موجود واللا لأ وعدد السواج باكس اللى ممكن تآخدوها فى مقابل الجهاز … وهتطبعوا ستيكر أو ليبل الشحن مجانا

١٢- تابعوهم على الفيسبوك و التويتر

علشان تعرفوا أكواد خاصة بالفيسبوك والتويتر وكمان فيه ناس بتعمل حاجة غريبة على الفيسبوك بتاعهم

بتحط لكم كلمات للبحث لما تعملوا بحث عليها بتعطيكم دبل البوينتس أو ضعف السواج باكس

وفعلا بتنفع!!! إزاى مش عارفة بس بتنفع وهو ده المهم

كده نبقى غطينا تقريبا كل النقاط المهمة فى السواج باكس أتمنى إنكم تستفيدوا منه

[tuta.]

ﻣﺴﻮﻛﻪ ﻋﺠﺒﻨﻲ ﺍﻟﺴﻮﺍﺝ ﺑﻜﺲ ﻛﺜﻴﺮ ﺣﻠﻮ ﻟﻤﺎ ﺷﻔﺘﻪ ﻣﻦ ﻛﻢ ﻳﻮﻡ ﻣﺶ ﻓﺎﻣﺮﻩ ﻫﻮ ﻳﻮﻡ ﺟﻤﻌﻪ و ﻟﻞ ﺍﻳﻤﺘﻰ ﻋﻤﻠﺖ ﺍﻛﺎﻭﻧﺖ و ﺑﺤﺜﺖ ﻋﻠﻰ
parenting
ﺍﻋﻂﺎﻧﻲ ﻣﺶ ﻓﺎﻣﺮﻩ ﺛﻠﺎﺙ و ﻋﺸﺮﻳﻦ ﻧﻘﻂﻪ.
و ﻫﻠﺄ و ﺍﻧﺎ ﺑﻗﺮﺃ ﺑﻤﻮﺿﻮﻋﻚ ﺫﻛﺮﺗﻴﻨﻲ و ﻛﺘﺒﺖ ﻛﻠﻤﻪ ﻫﺎﻟﻮﻳﻦ ﺑﺎﻟﺎﻧﺠﻠﻴﺶ و ﺍﻋﻂﺎﻧﻲ ﺛﻤﺎﻥ ﻧﻘﺎﻁ.
ﺑﺲ ﺍﻟﺒﻮﻝ ﺻﺮﺕ ﻣﺮﺗﻴﻦ ﻋﺎﻣﻠﺘﻪ و ﻗﺎل ﻳﻌﻄﻴﻨﻲ ﻧﻘﻂﻪ ﻛﻞ ﻣﺮﻩ ﻟﻜﻦ ﻣﺎ ﺑﺸﻮﻓﻪ ﺑﻴﻀﻴﻔﻬﻢ ﻋﻠﻰ ﺣﺴﺎﺑﻲ ﻫﻞ ﻓﻲ ﻃﺮﻳﻘﻪ ﻣﻌﻴﻨﻪ??? و ﻟﺎ ﺍﻧﺘﻆﺎﺭ و ﻟﺎ ﻛﻴﻒ ﺑﺎﻟﻀﺒﻄ???

[*ام هند*]

ما شاء الله مسوكة
عجبنى الموضوع الجميل جدا
نفسى اوفر و انتبه للميزانية
طبعا انا لا افهم فى البيع و الشراء و كنت بحب اعمل حلويات مثل الكب كيك و حلويات العيد و هكذا
و معظم الاخوات فى المسجد ذكروا لى انى اعمل و ابيع بس انا جبانة جدا و كمان لازم أعمل رخصة
و بينى و بينك ما دخلش الموضوع فى دماغى خالص

لكن عندى فكرة للاخوات لو درستوا كورس تزيين الكيك تبع ويلتون
و عادة بيكون فى فى مايكل ستور و هو عبارة عن ثلاثة كورسات كل كورس مدته شهر و يوم احد فى الاسبوع
يعنى اربع ايام فى الشهر لكل كورس
وفيك تختارى اليوم اما فى الويكند بالظهر اوايام الاسبوع مساءا و مدته ساعتين فقط
و اول ما تخلصى شهادات بيكون عندك فرصة تشتغلى فى المحل تدرسى نفس الكورسات لغيرك
طبعا بتختارى الوقت الذى يناسبك

اتمنى تكون الفكرة وضحت
و طبعا سهلة للذين يحبون تزيين الكيك و الكوكيز
اتمنى ان اكون افتدت الجميع

بالنسبة لى درست كل الكورسات و بحب تزيين الكيك و عملت مرة دورة تزيين فى المسجد free
بس بصراحة ما قدمت للتدريس فى مايكل ستور لانه كان بعيد منى جدا
و فى نفس الوقت عيالى ما زالوا صغار السن
و الان انتقلت لمدينة تانية بس بفكر انى ادرس فيه

[صاحبة الـ@ـسك]

توتا : البول بتاعة كل يوم بتدى نقطة واحدة فقط وال نوزو NOSOبيعطى نقطتين أو تلاتة مش فاكرة
أما البحث هو اللى بيعطى نقاط وبالذات يوم الجمعة جربوا كده تدخلوا وبلاش تدخلو يوم الخميس مثلا أو خميس وأربعاء وإدخلوا إعملوا بحث يوم الجمعة تلاقيه مع أول او تانى بحث حسب لك نقاط على طول

أم هنود : أفكارك بتجنن حبيبتي ما شاء الله يا ريت تقولى لنا الكورس بكام؟

[صاحبة الـ@ـسك]

أفكـار لزيادة الدخل – بيع كراكيب البيت

أيـــوة زى ما قريتم بالظبط … بيع كراكيـــب البيـــت




كلنـــا عندنــا حاجات فى البيت مش مستخدمــة ممكن تكون جديدة وممكن تكوت قديمــة


تعالوا أوريكم جزء من الكراكيب بتاعتنا السنة دى فقط





مش معنى إنها كراكيـــب إنها تكون حاجات قديمة وبايظة وغير نافعة لأ بالعكس


دورى فى البيت والدواليب والمخزن والجراج وأدراج المطبخ هتلاقى حاجات كتيييير قوى عندك


مش مستخدمة … إبتداء بملابس أطفالك القديمة اللى مش هيلبسوها تانى .. لملابس عندكم إنتم شخصيا


لكن مش عايزين تلبسووها لسبب أو لآخر .. أدوات مطبخ .. معالق .. حلل .. شوك … وخلافه


مفارش سفرة أو سرير … دولاب صغير أو كمودينو … لعب الأولاد … إلخ إلخ


أنا شخصيا تعريفي للكراكيب إنها أى شئ مر عليه سنة كاملة بكل فصولها ولم يستخدم


أهم نقطة إنكم تكونوا محضرين صندوق أو أكثر موجود طول السنة


فى مكان محدد تحت السلم مثلا أو فى الجراج أو حتى فى ركن فى الدولاب


وبعد كل سيزون تعملوا مسح لمحتويات البيت وبالذات الدواليب وتشوفوا إيه اللى



لم ولن يتم إستخدامه ويتغسل كويس ونحطه فى الصندوق … وهكذا


وتـــابعونى المرة اللى جاية أقول لكم هنعمل بيهم إيه