☆$$رحلتى مع التوفيــــر .... إستخدام الكــــوبونـــات $$☆ الجزء 2 *تجربة ناجحة

[صاحبة الـ@ـسك]

يسلموا يا ام حسن علي الموضوع المهم
تعرفي انا اول شئ بشتري طحين اسمر 50 باوند من المخبز
ان ابعمل خبز بالبيت بس بشتري التوست لما يكون عليه سيل وكوبونات
الولمارت بستخدم الكوبونات التي تطبيعا بالبيت
وفي محلات بتعطكي ضبل او 3 مرات اضغاف لما تستخدمي الكوبونات عندهم زي thomthumb ,albertsons
واناامبرح روحت علي الوامارت وماتش بالاسعار يعني اشتريت اشياء كتير والحمد الله برخض طبعا الاكل
وبعض الاحيان بستخدم للمعجون الاسنان والفرش او الفوط الصحيه او فوط الحمام
انا ما بشتري شئ من كوسكو او سام غير الرز لانه كميه وكمان ارخض من بره بعد التجربه والزيت الزيتون نفس الشئ ودواء غسيل الملابس كميه كبيره بس بضله ارخص
اسمعي بدي اروح اوصل احمد للمدرسه وان شاء الله برجع

بصى منمن موضوع البرايس ماتش فى وولمارت جميل جدا وأنا سمعت عنه كتير بس ما جربتهوش لسه لأن للأسف البيت الجديد الوول مارت بعيد عنى يعنى هأدفع بنزين قد التخفيض ههههه
وعايزة أعمل موضوع أقارن لكم فيه كوسكو وسام بالأسعار اللى برة بس واحدة واحدة
يا ريت تقولى لنا إشتريتى إيه وعملتى كام تخفيض علشان تحفزى باقى البنات ولك الأجر إن شاء الله

ماشاء الله عليكِ غاليتي
حكايتك فيها عبرة وفائدة ونصائح قيمة جداً
بارك الله لكِ في أهلك ومالك وعملك
ونفع الله بكِ وكتب لكِ الأجر والمثوبة بما قدمتِ
متابعة لكم بإذن الله

الله يكرمك مشرفتى الغالية

[صاحبة الـ@ـسك]

ثانيا تـــارجت



يقبل كل الكوبونات المطبوعة من الإنترنت أو من المجلات
وطبعا يقبل كوبونات تارجت اللى هى الستور كوبون

لا يعطى زيادة فى التخفيض مثل وول مارت بمعنى
إذا إشتريتى شئ بدولار ومعاكى كوبون ب 2 دولار
التخفيض يكون دولار واحد فقط
ودى سياسة الكوبونات بتاعته

سياسة كوبونات تارجت
تارجت عنده كوبونات خاصه بيه موجوده فى الرابط ده
كوبونات تارجت

[صاحبة الـ@ـسك]

عايزة أوضح لكم إن فيه نوعين من الكوبونات

أولا: كوبونات المُصَنِّع
Manufacturer Coupon
ودى بتكون كوبونات عاملاها الشركة
اللى قامت بتصنيع المنتج
وقابلة للصرف فى أى ستور

ثانيا: كوبون الستور
Store Coupon

ودى كوبونات بيعملها المحل لزبائنه
إما تلاقيها عنده فى المحل أو على الإنترنت
أو تتبعت لك شخصيا فى الميل

كل الستورز تقبل على المنتج الواحد 2 كوبون
واحد ستور وواحد من المصنع

وده اللى يخليكى تآخدى المنتج رخيص
ويا سلام بقى لو عليه عرض
فى أحيان كتير تقدرى تآخديه ببلاش

يعنى حاولى تنشنى على المنتجات اللى عليها عرض
وإستخدمى إتنين كوبون تآخدى المنتج
بتراب المصارى على رأى امانى ههههه

[صاحبة الـ@ـسك]

معلش إتأخرت عليكم
الصراحة إمبارح قمت برحلات شوبينج مكوكية وكان معايا
طفلين << أسوأ حاجة تعمليها ,غنت بتعملى شوبينج إنك تآخدى الأطفال بالذات لو أكثر من واحد
الأستاذ عبد الرحمن كان عيان وقاعد من المدرسة وطبعا الأستاذ جلال ده مفيش منه مفر ههههه
ورحت جيبت الأستاذ حسن من المدرسة ورجعت عملت لهم الغدا وزوجى جه وأكلنا ولسه بأفتح الكمبيوتر لاقيت الخبر المهبب بتاع مصر إمبارح إنا لله وإنا إليه راجعون وقعدت متنكده ومغمومة وأعيط وأنا أقلب فى القنوات
أرجوكم إدعوا لمصر والدول العربية كلها وسوريا اللهم إهلك الظالمين بالظالمين يا رب اللهم إحقن دماء المسلمين


أنا رحت تارجت ورحت المحل العربى إشتريت شوية خضار الخضار غالى إشتريت حاجات بسيطة ب 15 دولار يعنى طماطم وخيار وخس وعدد 2 كوسة بالعدد علشان هأعمل طبخة كده للريجيم <<< مفاجآه إنتظروها بركن المطبخ زوجى بعد ما فتحت على الرابع فى المعجنات والحلويات قرر إنه يقفل المطبخ بالضبة والمفتاح زى ما بنقول وعمل حظر تجول وقرارات ومحاكم عسكرية لكل من تسول له نفسه ويخالف الريجيم اللى هو عملهولنا راجل مستبد ههههلازم ثورة

ودى الحاجات اللى إشتريتها من تارجت



إجمالى الفاتورة قبل الكوبونات كان 56.41
وبعد الكوبونات وصلت ل 33.26 أوت أوف بوكيت Out of Pocket
وفيه كمان ريبيت على أدوية Mail in Rebate
يعنى تشترى حاجات وتملى إستمارة بتكون عاملاها الشركة وتبعتى الإستمارة مع الفاتورة للشركة ويجي لك شيك بمبلغ معين بعد 6 أسابيع تقريبا
ودى الحاجات اللى عليها الخصم ومبلغ الخصم 10 دولار


يعنى لما يرجع لى الشيك أكون كأنى دفعت 23.26 فى حاجات بمبلغ 56.41
هااه إيه رأيكم؟
طيب هأقول لكم على العروض اللى إشتريتها

Wishbone دريسينج للسلطة إشتريت الإيطالى بـ $1.89 قبل
إستخدمت كوبون إشترى واحد تآخدى تخفيض 50 سنت من كوبونات ريدبلم بتاريخ 29 يناير
مع كوبون من تارجت إشترى إتنين تآخدى دولار ونصف من الويب سايت بتاع تارجت

إشتريت أكل الكلب ده لواحدة صاحبتى هو ب 3 دولار وفيه كوبون إشترى واحد تآخدى 3 دولار تخفيض
فى P&G كوبونات 29 يناير برضه أخدته ببلاش << شوفتوا إزاى ممكن تهادى الناس من غير ما تكلفى نفسك

2 مكرونة بالجبنة ماركة تارجت Market Pantry الواحد ب0.89
إستخدمت إتنين كوبون كل واحد بدولار من الويب سايت بتاعهم << بس طبعا مفيش زيادة زى وول مارت
أخدتهم ببلاش

3 مكرونة سمراء من ماركة تارجت Market Pantry
الواحد بـ 1.09 دولار وإستخدمت كوبون من الويب سايت بتاعهم دولار على ال 3

1 علبة زبادى فات فرى دانون بالفانيليا ب 2.49 دولار ما إستخدمتش كوبون بس عندى خبر حلو قوى قوى جاى فى السكة للبنات اللى فى أمريكا

زبادى للأولاد إتنين الواحد ب 2.54 دولار أستخدمت كوبون إشترى إتنين ونآخد 0.75

علبة جمبرى صغير مطبوخ ماركة تارجت نازلة من 5.99 دولار ل 4.99 وإستخدمت كويون دولار عليها

لبان كان عليه تخفيض ( أولادى وأنا بنموت فى اللبان بأجيب اللبان اللى ما فيهوش سكر بيقولوا مفيد جدا فى تنضيف الأسنان كمان) الإتنين ب 4 وبتاع الأولاد 1.49$

وجبت 3 علب لبن مكثف( بنستخدمهم على طول فى تحلية القهوة) المهم إنهم المفروض سعرهم كان مخفض حوالى 60 سنت والواحدة كانت ب 1.09 لما رجعت البيت لاقيت الماكينة حسبتهم ب 1.89!!!!! طبعا هأرجع لهم للتصحيح

الأدوية بقى
أدفيل أطفال ب 5.54 إستخدمت دولار عليه من كوبونات smart source تاريخ 29 برضه
أدفيل للكبار ب 5.99 إستخدمت عليه كوبون ب 1 دولار من coupons.comو هأبقى أقول لكم إزاى تكسبوا أكتر من الويب سايت ده المفروض بإستخدامى للكوبون ده آخد حوالى 10 بوينت أو تكافئ 10 سنت
دايم تاب للأطفال ب 4.99 إستخدمت عليه كوبون ب 1 دولار من كوبوناتsmart source تاريخ 29

دول بقى عليهم تخفيض من الشركة زى ما قلت لكم ب 10 دولار

ريكولا حبات للبرد ب 1.99 دولار إستخدمت كوبون برضه من coupons.com
ب 1 دولار تخفيض

بس بيتهيألى إنى حطيت كل حاجة
لو فيه حاجة نسيتها معلش إعذرونى قولى لى وأنا أكتب لكم

[صاحبة الـ@ـسك]

عروض وول مارت




فازلين لوشن العلبة الصغيرة 3 أونص بـ $0.97
إستخدمى كوبون 1$/1 من كوبونات الريد بلم
تاريخ 29/1 يبقى فرى بعد الكوبون

كاربت فريش – $0.97
كوبون 1/1$ من سمارت سورس كوبونات يوم 29 يناير
فرى برضه بعد الكوبون


Breathe Right Nasal Strips Trial Packs – $0.97
اللى هى الشرائط اللى بتتحط على الأنف
إستخدمى كوبون $1.50/1
من كوبونات الريد بلم تاريخ 29 برضه
فرى بعد الكوبون


دى الحاجات اللى تقدرى تجيبيها فرى من ول مارت

[هداية~]

ما شاء الله عنك يا ام حسن

استنيني بكرة..... عندي مشوار shopping وحتشوفي التوفير بتاعي يا عسل

[. تيوليب***]

أرجوكم إدعوا لمصر والدول العربية كلها وسوريا اللهم إهلك الظالمين بالظالمين يا رب اللهم إحقن دماء المسلمين

اللهم آمين

جزاك الله خيراً بطوطة
منتظرة مع أخواتي اللي في كندا اللي هتنزليه ويصلح لنا إن شاء الله

الستورز اللي هنا ( أونتاريو )
wall mart
nofrills
superstors
food basics
loblaws
valumart

دول بنشتري منهم الأطعمة والخضروات والفاكهة
وفي المحل العربي بشتري منه اللحوم والدجاج والمفروم واكل عربي ومعلبات زي الفول وكده والحمد لله كل حاجته فريش وبيتقي الله

[صاحبة الـ@ـسك]

بنات أمريكا

شوفوا العرض ده
إشترى زبادى أكتيفيا ببلاش لغاية 36 دولار
حتى 31/3/2012
أقصى ميعاد تبعتى الإستمارة
15/4/2012
زبادى أكتيفيا

[79nana]

يامشاء الله يامشاء الله ايهي ايهي انا مايجينيش كوبونات بالميل الا كوبونات تبع الاكل في المطاعم ايهي ايهي ايهي
مش عارفة لييييييييييييييييييييش بس حشوف قصة الكوبونات الي بتنطبع طبع هادي وارجو توضيح اكتر بخصوص المواقع الي نقدر نطبع منها الكوبونات وهي تكون مضمونة ولكم مني الشكر
متابعاكم

[صاحبة الـ@ـسك]

بنات كندا
إلحقوا بسرعة إعملى لايك على الفيس بوك
بتاع جارنيير
https://www.facebook.com/GarnierCanada?sk=app_356806627670494

تآخدى سامبل وخللى بالكم موضوع السامبل مهم جدا
لأن بييجى معاه كوبون

[صاحبة الـ@ـسك]

يامشاء الله يامشاء الله ايهي ايهي انا مايجينيش كوبونات بالميل الا كوبونات تبع الاكل في المطاعم ايهي ايهي ايهي
مش عارفة لييييييييييييييييييييش بس حشوف قصة الكوبونات الي بتنطبع طبع هادي وارجو توضيح اكتر بخصوص المواقع الي نقدر نطبع منها الكوبونات وهي تكون مضمونة ولكم مني الشكر
متابعاكم

نانا حبيبتى ما تقلقيش والله هأتكلم فى الموضوع بالتفصيل الممل
بس دلوقتى إطبعى الكوبونات من الإنترنت فى اللينكات اللى أنا بأبعتها لكم أنا كمان كنت زيك
ما كانش عندى أى كوبونات خاااالص
ودلوقتى بيجى لك كتير قوى
إنتظرينى وتابعينى
مضطرة أنزل أجيب العيال من المدرسة وأستنى الأستاذ حسن برة المدرسة فى العربية بيكون عندة نشاط بعد المدرسة لمدة سااااااااااعة فى البرررررررد
إدعوا لى ما تنزلش تلج إلا لما أروح البيت بأخاف قوى من السواقة فى التلج

[صاحبة الـ@ـسك]

نداء آخر
بنات كندا
إطبعى الكوبون ده بتاع كرافت
كوبون كرافت
سمعت إن وول مارت عامل تخفيض على جبنة كرافت المبشورة ب 5.99
وده دولار تقدرى تآخديه ب 4.99
أو إطبعى الكوبون وخليه عندك لما تلاقى تخفيض
إستخدميه

[صاحبة الـ@ـسك]

ما شاء الله عنك يا ام حسن

استنيني بكرة..... عندي مشوار shopping وحتشوفي التوفير بتاعي يا عسل

فى إنتظارك يا جميل

[صاحبة الـ@ـسك]

أيضا لكنـــــدا وعذرا على التقطيع



كوبون ب 3 دولار لتايلونول

من Living welllk
من هنا

[. تيوليب***]

ربنا يسهل لك طريقك يا بطوطة وترجعي قبل التلج
خطير فعلا وبيزحلق
من 3 ايام كانت السنو نازل والأرض متغطية به ثم إذ بفوجأ ب إنحراف السيارة وانا بعمل كروس في وسط السيارات وطلعت على الرصيف والحمد لله جات سليمة
مع إني مركبة لها ونتر تايرز بس برضو سبحان الله انحرفت قليلة ادب السيارة دي هههه
ربنا يحفظكم ويحفظنا وكل المسلمين